خلاص ..بلاها بيض في السحور ..بس تخفيض كمية الفول ..متهيألي دي صعبة شوية ..أصل الفول ده مسمار البطن ..بيقعد في البطن بتاع 8 ساعات ..يعني الواحد بيضمن إن فيه بنزين في التانك لمدة 8 ساعات كده وش :E_braces[1]:
عرض للطباعة
السلام عليكم ورحمة الله وبركاته،،،
أنصحك تاكل فول من غير قشره. يعني فول مصفي أو في نوع فول كاليفورنيا جاردن إسمه فول مقشور
قشرة الفول صعبه جداً على المعده في الهضم
انا هانصحك نصيحه ذهبيه:
إتسحر الآتي:
- زبادي
- خيار
- بطيخ
- موز وفواكه عموماً
- وأهم حاجه التمر :) جرب التمر وادعيلي
وجرب يوم تزود التمر وما تاكلش فول أصلاً
التمر هايديك شعور بالطاقه تاني يوم وبيمنع الصداع وبيمنع الجوع كمان
شكراً
ما هو أنا عندي مشكلة السنين مع شرب الشاي أو النسكافيه بليل ...بيسهرني بطريقة غير عاديه ..معرفش بقى إيحاء نفسي ولا هو فعلا بيسهرني ..أنا أشرب شاي ونسكافيه طول النهار ..ولا في بالي ..دخل عليا المغرب خلاص ..أشرب أي حاجه إلا الشاي والنسكافيه ...بس في زملاء هنا إقترحوا بلاش موضوع البيض ده ..وأنا شايف فعلا إن معاهم حق ..لإن البيض مع شرب المياه بيعمل غازات
علاج الصداع باذن الله حباية بنادول او اكسترا بعد السحور يستحسن مع معلقة عسل نحل وان شاء الله مفيش صداع طوال اليوم.
التمر والموز مفيد جدا على السحور لتقليل الشعور بالعطش علشان فيهم بوتاسيوم وده بيقلل الشعور بالعطش على مدار اليوم.