والله البنادول ده فاشل فشل السنين ..هو التمر والموز فعلا بيعوضوا الجسم بجميع الأملاح اللي بيحتاجها في يوم الصيام
عرض للطباعة
بص أنا حأقولك تجربتى يمكن تفيد حد
1- الفول فى السحور بيبهدلنى طول اليوم .ممنوع أى فول أو بسطرمة أو جبن تركى ( رومى للقاهريين)
2- فى الإفطار كوب التمر باللبن بصراحة بيقفلها و بعد الصلاة بلاش دب فى الأكل فى الإفطار يادوب شوية أرز ملو كف اليد و لحوم أو دجاج و خضار و بأفترى فى السلطة .
3-نصيحة إبعد عن الحلويات و الكنافة و القطايف و إن كان بد فقطعة واحدة
4-أنا بأتسحر الساعة 12:30 بالكتير رغيف خبز بلدى أقسمه نصفين : نص جبنة بيضاء مع بيضه مسلوقة و خيار و طماطم و النص التانى كريمة بمربى و بعدين واحدة زبادى و تفاحة أو موزة
5-جرب تعصر نص ليمونة على نص كوب ماء و تشربه . معايا بيمنع العطش طول اليوم
6-بيصحونى قبل الفجر أشرب و أصلى و أكمل نوم للساعة 6 .
الحمد لله معديش مشاكل المعدة فى الصيام لإن الأكل خفيف .
تمر موز زبادى احيانا بطيخ جبنة ملح خفيف خيار وكلمة السر ((( فول بزيت الزيتون بس يكون زيت محترم ))))
كل سحور عادى بس خفف واختم بزبادى الموضوع مش صعب ..
وانت راجع من التراويح كل اى وجبه اعتبرها وجبه غداء........... وبعدين وقت السحور جميل جدا التمر باللبن مع موزه او زبادى وكم قطعه خياروياسلام لو جبنه ملح خفيف مع بطيخ..
واضح إن فيه إجماع على البطيخ يا جماعة ..عشان كده أنا هجيب بطيخ النهارده فعلا :E_braces[1]: