الموضوع: النوم بعد السحور هيموتني

السلام عليكم

صلى عاللى ها يشفع فيك .... عليه الصلاة و السلام

بص يا سيدى ... للأسف احنا فاهمين رمضان غلط ... رمضان شهر عباده و عمل .. بس احنا محولينه لشهر اكلات و أنواع اشكال و الوان و طوال الفطار عمالين نحشى ... اصل يوم الصيام طويل و ببدء يومى بدرى

شهر رمضان كان فيه اغلب الغزوات ... تخيل .. صوم و صحرا و حر و كر و فر و قتل و استشهاد ..

الرسول عليه الصلاة و السلام قال

[ ص: 467 ] الحديث السابع والأربعون عن المقدام بن معدي كرب قال : سمعت رسول الله صلى الله عليه وسلم يقول : ما ملأ آدمي وعاء شرا من بطن ، بحسب ابن آدم أكلات يقمن صلبه ، فإن كان لا محالة ، فثلث لطعامه ، وثلث لشرابه ، وثلث لنفسه رواه الإمام أحمد والترمذي والنسائي وابن ماجه ، وقال الترمذي : حديث حسن .

فا اول حاجه ما تملاش ... و لا حتى بالماء
اما فكرة اصل انا ببدء يومى بدرى دى فا ده عادى ... انا ببدء يومى الساعه 2:30 قبل الفجر لحد الفطار
و مش بتسحر الا على عدد فردى من التمر بالكتير سبعه و بوء ميه صغير .. مش بشرب ميه كتير ... و اليوم اللى بتسحر فيه و الله بنسبه كبيره بتعب.

بس السحور سنه عن الرسول الكريم صلى الله عليه و سلم ... يعنى لازم تتسحر

نصيحتى ليك ...

أولا انت بتلغبط في النوم ... عاوز تنام مرتين في اليوم !!!! و يمكن كمان تلاقيك بتقيل شويه قبل الفطار ههههههههه لا يا راجل
النوم خليه مره واحده بس و قضى وقت مجمد ... نام اكتر فتره .. لو عملت كده ها تلاقى جسمك كمان بقى صحى اكتر و مش ها تتقلب لا على الجنب اليمين و لا الشمال ... دور و اطلع علطول ههههه

ثانيا .. الصداع ... ده جاى نتيجة عملية التجفيف لانك بتهمل شرب الميه
الحل انك تشرب كميات قليله من الميه كل نص ساعه طالما انت صاحى ... عطشان او مش عطشان

ثالثا ... الحموضه ... و تقليب البطن ... ده لانك بتاكل و تنام فالجسم مش بيهضم كويس
الحل انك تخف الاكل و تاكل على مرتين مثلا و السحور يكون تمر بس .. و النوم على الجنب اليمين
اما لو الحموضه جامده و انت عندك قاولون ... يبقى اى دكتور ها يقولك اعملى تحليل الميكروب الحلزونى ..... بعد الشر عنك و عن السامعين

صدقنى انشط وقت و احلى فتره تقضيها ... لما تكون البطن خاويه على عروشها ... لان أعضاء الجسم كلها بتكون تمام و مركزه ... غير لما البطن تكون مليانه بتلاقى أعضاء الجسم بتضيع طاقتها على الهضم و لذلك بنحس بالخمول بعد اكله جامده

انا طولت اوى .... معلش
بس دى خلاصة تجربتى مع رمضان و لا انصحك بالخيار لانه بيزود الحموضه ... اما باقى الخضار و الفاكهه مع تحفظى على الموز بتكون نصيحه كويسه لانها طريقه كويسه جدا للوقايه من العطش ... بتفضل في الجسم فتره كويسه تزوده فيها بالميه ... يعنى و انت صايم جسمك بيشرب ....

اعتقد اننا لازم نشعر بالجوع و العطش ليتحقق جزء من هدف الصيام

احمد...اسف للاطاله

المشاركة الأصلية كتبت بواسطة abo_mazen

:ta_clap[1]: :ta_clap[1]: :ta_clap[1]: :ta_clap[1]: :ta_clap[1]: :ta_clap[1]: :ta_clap[1]:

اخجلتم تواضعى هههههه ...