ليه تشتري عربية جديدة لما ممكن تضبط 2 قدام؟

**MaZaGAngeE** · 25-06-2015 04:18 AM

فكرة كويسة وانا كنت عامل كده في بيجو 504 و فولكس بيتلز و لانسر بطة…
العربيات اللي مناسبة من وجهة نظري و رخيصة و تعيش التلاتة دول و المرسيدس سبعينات و تمانينات…
قطع غيار و صيانة معقولة جدا و عربيات سفر و شغل و تتحمل وقت كبير لو انت طنشتها شوية في الصيانة ..

**mrghost** · 25-06-2015 11:17 AM

مشكلة المستعمل
1-قطع الغيار بقت مضروبه وبالتالى مش معمرة
2-المصنعيات بتاعة الميكانيكية بقت عاليه قوى
انا كان معايا شاهين من الزيرو وكنت محافظ عليه اوى لدرجة انها كانت فبريكة برة وجوة لمدة 11 سنه لخد مابعتها بعد مازهقت من قطع الغيار المضروبة والمصنعيات الخرافية وصرفت عليها على مدى 11 سنه 18 اف جنيه وفى الاخر بعتها ب40 الف فقط
مع ان شايف انها كانت افضل من الفيرنا اللى معايا حاليا بس خلاص بقى هى خدت وقتها

**mrghost** · 25-06-2015 11:19 AM

وعلى فكرة حكاية عربيتين بدل واحدة غاليه دى فكرة ممتازة
انا ووالدى بنبدل على العربيتين حسب طبيعة المشوار وعدد الافراد لانى بحس ان كل واحدة مناسبه لظروف معينة

**اسامه نور الدي** · 28-06-2015 03:13 PM

المشكله ان المصري اتعود ع المضروب في كل حاجه حتي العربيات بيجري ورا الكوري وبعديه الصيني ع الهندي وكلها عربيات العالم زابلها اصلا و في اخر سلم التطور وكله بسبب تجارنا الاشاوس الي بيروحو يجيبو زباله المصانع ويبعوها بفلوس للناس وسايبين ماركات محترمه باسعار معقوله متدخلش عشان الناس متجربش و تقلب بضاعتهم ايه معني ان فولفو مثلا متبقاش ليه رجل في مصر او لانشيا او ستروين او فورد او الفا روميو و جايبين لنا جيلي وجوناو وبودي وهينج وبينج عربيات زباله في العالم مش معترفين بيها اصلا وبتتباع اعلي من الماركات ده علي فكره

**heshamhassan** · 03-07-2015 04:58 AM

والله يا افندم حضرتك شجعتني انا كان معروض عليا ماهيندرا 2008 من واحد قريبي بس كنت خايف منها وكان عندي كام استفسار من حضرتك لو تكرمت و انا اسف لو حضرتك لقيتهم كتير؛
1.هل في منها جديد ولا كلو مستعمل يعني عز العرب. مش ناوي ينزل منها تاني
2.بالنسبة للموتور انا حاسس مواصافاته قليلو علي علي العربية حضرتك اي رايك
3.هل تنفع اوف رود في الصحراء والغرز خصوصا ان 2008 دفع خلفي بس وفيها زرار للغرز تقريبا
4.الناس بيخوفوني جدا من قطع غيارها واعتماديتها وانها بتبوظ بسرعة
5.اخباراستهلاك البنزين مع حضرتك ايه
وياريت لو وقتك يسمح اتواصل. معاك تليفونيا افهم من حضرتك اكتر علشان حضرتك من القليلين مالكي هذه السيارة مش لاقيلها حاجة خالص علي النت كصفحة للملاك وخلافه
واسف علي الاطالة

**نسر عربي** · 03-07-2015 09:33 PM

المشاركة الأصلية كتبت بواسطة heshamhassan

والله يا افندم حضرتك شجعتني انا كان معروض عليا ماهيندرا 2008 من واحد قريبي بس كنت خايف منها وكان عندي كام استفسار من حضرتك لو تكرمت و انا اسف لو حضرتك لقيتهم كتير؛
1.هل في منها جديد ولا كلو مستعمل يعني عز العرب. مش ناوي ينزل منها تاني
2.بالنسبة للموتور انا حاسس مواصافاته قليلو علي علي العربية حضرتك اي رايك
3.هل تنفع اوف رود في الصحراء والغرز خصوصا ان 2008 دفع خلفي بس وفيها زرار للغرز تقريبا
4.الناس بيخوفوني جدا من قطع غيارها واعتماديتها وانها بتبوظ بسرعة
5.اخباراستهلاك البنزين مع حضرتك ايه
وياريت لو وقتك يسمح اتواصل. معاك تليفونيا افهم من حضرتك اكتر علشان حضرتك من القليلين مالكي هذه السيارة مش لاقيلها حاجة خالص علي النت كصفحة للملاك وخلافه
واسف علي الاطالة

العربية زي الفل، خليك في البنزين، الموتور تحفة قوي جدا لانه مصمم على انه يدي عزم كبير، و هو نفسه موتور Renault Laguna و انا جايبها مانيوال و 4 في 2 يعني مفيهاش فيتيس غرز فانا مش احسن واحد افيدك في موضوع الاوفرود.
قطع الغيار موجودة عند البافارية بس انا عملت حاجة اجمد غيرت في الحرفيين عند روماني معظم عفشتها و حاجات تانية لقطع غيار ياباني متوافقة ، حتى فلتر البنزين كمان ناوي اخليه باجيرو زي المساعدين و حاجات تانية، و خليت ماستر الدبرياج امريكاني، و بما ان الموتور فرنسي فانا اعتمادي على التوكيل شبه منعدم، انت كمان ممكن لو عايز في الحرفيين تركب جيربوكس اوتوماتيك متسوبيشي بس انا معرفش ايه نتائج التجربة دي،
استهلاك الوقود هو هو اكتر حاجة بسيطة من استهلاك عربية 1600 سي سي جوة المدينة بس بيبقى اعلى منها في الطريق السريع بحوالي 35% زيادة. وخليهم يفتحولك الحاجات المقفولة في التنك و يغيرولك الخراطيم الهندي بخراطيم عمولة مصري في الحرفيين و ده حيخليك تفول العربية كل 470 مش 370 كم

بعد 7 سنوات تجربة، الماهيندرا بنزين افضل و اذكى عربية ممكن تسوقها في مصر، عملية جدا. والوكيل حيندم انه وقف استيراد البنزين من زمان و ركز على الديزل، غالبا علشان كان عنده واحدة تانية بنزين صيني، فكره ضيق جدا الحقيقة. العربية دي تحفة تحفة تحفة خصوصا لو طورتها انا عارف كويس انا باقول ايه و لما باشوف الناس بتشتري البيكانتو و الحاجات اللي زيها ب 90 الف باقعد اضحك و الله على اللي هم فيه و سياسة القطيع اللي ممشياهم.