الكلام ده موجود في محافظة القاهره برضه ..ولا في إسكندرية فقط
عندنا في إسكندرية الطريق الدولي ماسك من أول مراقيا لغاااااااااااااااية أبو قير ...يعني نقدر نقول كده محزم المدينة من أول مراقيا لأبوقير ..عشان كده لو حد جاي من القاهرة مش لازم يدخل مدينة إسكندرية أصلا ..هو ممكن بمنتهى البساطه يمسك محور التعمير من مفارق العجمي على الطريق الصحراوي ..أو ممكن يخلص الصحراوي ويقوم طالع من على الكوبري اللي بعد محرم بك ويكمل ..ده لو عاوز يوصل لأبوقير أو المنتزه من غير ما يدخل المدينة ..وده طبعا بيخليك توصل لأي حته في إسكندرية مباشرة ..وكأنك من خلال الطريق الدولي ده بتمشي بمحاذاة مدينة الإسكندرية من بره وتقوم ساقط على النقطة اللي إنت عاوز توصلها مباشرة ..وده مشهد صغير كده من على جوجل إيرث عشان يوضح كلامي ..طبعا باين الخط الأحمر ده هو الطريق الدولي وباين برضه مدينة الإسكندرية على ضفاف البحر الأبيض المتوسط ..كل اللي بيعملة أي حد بما فيهم أنا إني بمشي على الخط الأحمر ده بمحاذاة المدينة وأقوم ساقط مباشرة على أي مكان أنا عايزه داخل المدينة من خلال طرق طبعا ...السؤال بقى ..هل في طريق في القاهرة ليه نفس الوضعيه دي كده ..يعني هل في طريق بيحزم محافظة القاهرة بنفس الطريقة ..بحيث إني مثلا لو عايز أعمل يوم في القاهرة مثلا يعني ..أروح حديقة الحيوانات في الجيزة ..وبعدين مش عايز أمشي جوه القاهرة خالص ..لأ ..أنا عايز أطلع على الطريق ده ..اللي أنا بسأل عليه ومتخيله ولسه معرفش أصلا موجود ولا لأ ..وبعدين أقوم ساقط مثلا على حديقة ألأزهر ..معلش أنا عارف إن في ناس هتقولي إيه الكلام الغريب ده ..بس أنا بقول كده عشان إحنا عندنا كده في إسكندرية فعلا ..الصورة أهي للتوضيح بالنسبة لإسكندرية مثلا
http://nileup.com/up/uploads/nilemotors_14351372001.jpg