الموضوع: حراره جيب شيروكي 2008

لا ده مش طبيعى فعلا - اكشف على الخراطيم بتاعة المية اللى عالرادياتير واللى عالموتور ممكن يكون فيه خرطوم مشقق او الكوليه بتاعه مش مربوط كويس - وبعد كده غير الغطا بواحد جديد تشتريه من التوكيل علشان تريح دماغك وتتابع الميه كل يوم الصبح قبل ماتدور ولو لقيتها نقصت تانى قوللى علشان اقولك تعمل ايه بعد كده .

المشاركة الأصلية كتبت بواسطة stowfik2004

انا راجعت امبارح زى ما حضرتك قولتيلى على موضوع المايه لقيت القربه مليانه لاكن لما حضرتك لفت نظرى لموضوع الريداتير ده بصيت عليهم لقيتو ناقص تقريبا لتر ونصف واكتر كمان طبعا ذودتو تفتكر طبيعى ان القربه تبقه مليانه والردتير ناقص ولا فى حاجه تنصحنينى بيها اعملها علشان اعالج الموضوع ده

فيه كذا نوع للقربة فى العربيات نوع بيبقى لتعويض المية الناقصة فى الرادياتير ونوع لاستقبال الميه او الضغط الزيادة من الرادياتير لان كل الميه مابتسخن الضغط بيزيد والنوع اللى فى العربية دى هو النوع التانى اللى بيستقبل الميه او الضغط الزايد فى الرادياتير مش بيعوض النقص اللى فى الرادياتير - علشان كده قولتلك اكشف على الميه فى الرادياتير مع انك قلت ان القربة مليانة - غير الغطا واكشف عالخراطيم بتاعة الميه

لو حصل زيادة تاني في الحراره و نقص في المياه ، اكشف على طرمبه المياه