ضبط زوايا اسكندرية

**kimoo12** · 24-06-2015 06:08 PM

السلام عليكم
يا جماعة عايز حد يعرف يضبط زواية مع الطارة في كيا ريو
العربية انا حليت الطارة ر ركبتها ف خلفت شوية رحت اظبط زاوايا بقيت بتحدف شمال رحت لحد تاني بقيت بتحدف يميين و الطارة متسنترة

عايز حد كويس و فاهم مش يقلبوي بجهاز الكمبيوتر ده و خلاص

**ehab assl** · 25-06-2015 01:12 PM

مركز الشعلالى فى الزقازيق يخليهالك سنتر من غير فك الطارة خالص .بس للاسف بعيد عنك

**ehab assl** · 25-06-2015 02:12 PM

المشاركة الأصلية كتبت بواسطة ehab assl

مركز الشعلالى لضبط الزوايا فى الزقازيق يخليهالك سنتر من غير فك الطارة خالص .بس للاسف بعيد عنك

**kimoo12** · 25-06-2015 08:39 PM

والله انا تعبت من كتر معملت الموضوع ده
كله يعمل اي حاجةً كدة بااكمبيوتر ده و يطبعلك ورقة و شكرا مافيش اي حد فاهم حاجة

**elgohary10** · 25-06-2015 09:13 PM

طلمبه بنزين موبيل اللى فى سموحه ميدان فيكتور عمانويل بجوار lovelly وcib

**Abo_Mazen** · 26-06-2015 02:45 AM

المشاركة الأصلية كتبت بواسطة elgohary10

طلمبه بنزين موبيل اللى فى سموحه ميدان فيكتور عمانويل بجوار lovelly وcib

في برضه في سموحه موبيل اللي ورا خدمة عملاء موبينيل قدام نادي أصحاب الجياد ..في شركة هناك إسمها ناسيتا ..جوا البنزينه نفسها ..فيها شوية شباب زي العسل ..وبيديك ضمان على الشغل أسبوع ..يعني حضرتك تعمل الشغل وقدامك أسبوع لو العربية خلفت معاك ترجع تعيد الشغل تاني ..الشركة إسمها ناسيتا في محطة بنزين موبيل اللي ورا خدمة عملاء موبينيل ..بيضبط بخمسين جنيه ..بصراحه ما بقتش أتعامل غير معاهم في ضبط الزوايا ..كان عندي عجلة شمال مأخره ..رحت وجيت عليهم بتاع تلات مرات عشان كنت بروح للعفشجي يضبط وأرجع يحط على الكمبيوتر يلاقيها لسه عايزه كمان درجه ..أروح للحداد وأرجع ..قعدت في القصة دي أربع ايام وكل مره أروح وأدخل عندهم على نفس الفاتوره اللي هي بخمسين جنيه ..آه ..كنت مغير بيضات طرف والطاره برضه خلفت معايا ..ضبطوها من بيضات الطرف ولاد الإيه ..ولا فك الطاره ولا جه ناحية الصليبه خالص ..كل شغله كان من تحت

**Yehya Badr** · 26-06-2015 03:34 AM

المشاركة الأصلية كتبت بواسطة abo_mazen

في برضه في سموحه موبيل اللي ورا خدمة عملاء موبينيل قدام نادي أصحاب الجياد ..في شركة هناك إسمها ناسيتا ..جوا البنزينه نفسها ..فيها شوية شباب زي العسل ..وبيديك ضمان على الشغل أسبوع ..يعني حضرتك تعمل الشغل وقدامك أسبوع لو العربية خلفت معاك ترجع تعيد الشغل تاني ..الشركة إسمها ناسيتا في محطة بنزين موبيل اللي ورا خدمة عملاء موبينيل ..بيضبط بخمسين جنيه ..بصراحه ما بقتش أتعامل غير معاهم في ضبط الزوايا ..كان عندي عجلة شمال مأخره ..رحت وجيت عليهم بتاع تلات مرات عشان كنت بروح للعفشجي يضبط وأرجع يحط على الكمبيوتر يلاقيها لسه عايزه كمان درجه ..أروح للحداد وأرجع ..قعدت في القصة دي أربع ايام وكل مره أروح وأدخل عندهم على نفس الفاتوره اللي هي بخمسين جنيه ..آه ..كنت مغير بيضات طرف والطاره برضه خلفت معايا ..ضبطوها من بيضات الطرف ولاد الإيه ..ولا فك الطاره ولا جه ناحية الصليبه خالص ..كل شغله كان من تحت

أنا برضة بأتعامل معهم ناس فاهمة و عندوهم خدمات كتير زي التكييف و التنيروجين و عملت عندهم ضبظ زوايا للوجان و مليت العجل نتروجين عندهم و الدنيا أختلفت عندي ثبات و راحة