-
نقص زيت الفلوانس 2015
السلام عليكم
كل سنة و انتم طيبين.
انا شاري الفلوانس 2015 من حوالي شهر ونص المهم العربية فوق الممتازة في كل حاجة و عامل بالعربية 2500 كيلو .
العربية عند 1300 كيلو نقص الزيت كورة واحدة في المؤشر الديجيتال و بعدها ب 1000 كيلو لقيته نقص كورة تانية فقلت اروح ابص على معيار الزيت اليدوي لقيت الزيت واصل للمنطقة المشرشرة عادي و معدي ال H مفيش مشاكل ركبت و بصيت على المؤشر الديجيتال لقيته رجع تاني كورة واحدة مش اتنين فقلت شكلها تهييسه عادي من الحساس الديجيتال .
انهرده لقيته نقص تاني كورة كمان يعني بقى ناقص كورتين قلت اروح ابص يدوي لقيت الزيت واصل برده للمنطقة المشرشرة عادي و معدي ال H مفيش مشاكل بس مرجعش كمل تاني لسة ناقص كورتين .
انا بصراحة سمعت كلام كتير هنا في المنتدى بخصوص موضوع نقص الزيت ، ناس بتقول عادي زيت الفبريكة جاي ناقص و ناس بتقول مشكلة valve بتتحل في ساعة و ناس بتقول مصيبة و ربنا يعوص عليك هيغيروا الموتور .
المهم انا المفروض اعمل ايه :
هل استنى لصيانة ال 5000 و اشوف مع التوكيل ؟
هل لازم اروح فورا التوكيل و اشوف المشكلة ؟
هل ازود الزيت شوية بره لحد ما اكمل 5000 و اروح مرة واحدة ؟
ياريت يا رجالتنا تقوليلي رايكوا ايه و الناس اللي قابلت المشكلة ديه عملت ايه وهل ديه مشكلة اصلا بما ان المؤشر اليدوي مظبوط و انا لولا كلام الناس في الموضوع ده و ان العربية نازل بؤشر ديجيتال مكنتش حسيت ان الزيت نقص لانه مظبوط منيوال .
-
اسلم حل ان حضرتك تسرع باالذهاب للتوكيل ومتستناش لما تيجى فترة الصيانة لأن دى حالة طارئة وممكن يحصل بسببها حاجة أكبر إن قدرالله وإن شاء الله يكون خير
-
طول ما المقاس اليدوى مظبوط ان شاء الله مفيش مشكلة لا كورة ولا كورتين ولا غيره .. ان شاء الله بعج ما هتغير زيت الفابريكة كل الكلام دة هيظبط متقلقش الا لو الزيت نقص بشدة غير كدة اطمن
-
المقاس المانيوال هو الفيصل في موضوع الزيت وسيبك خالص من الحساس الديجيتال
-
[OVERLINE][/OVERLINE]
ولا يهمك يا باشا - انا كنت زى حضرتك كده والمقاس نقص كورة ثم اثنان عند 4000 كم وبعدها كل شىء تمام ومفيش نقص نهائى بعد كدة
دلوقت انا عامل 57000 كم ما شاء الله- استمتع بعربيتك :3mla:
-
كما نصحوك الاخوه الملاك ...
طالما المقياس اليدوي مظبوط يبقي كله تمام و مفيش اي نقص ...
بالنسبه للمقياس الديجيتال نقص ٢/٣ نقطه حتي تغييره كل ١٠ الاف ... يعتبر طبيعي ...
غير كده يبقي حساس الديجيتال عايز يتغير في الضمان ...
تحياتي ...
Content Relevant URLs by
vBSEO 3.6.0 PL2