الموضوع: ايه رأيكم فى فكرة المشروع ده ارباحه 150%

المشاركة الأصلية كتبت بواسطة egyarmy

قريت طبعا كل الردود و فهمتها كويس لان فيه شك فى البدايه للحرمانيه
طيب لو أتعملت عبوات نص كيلو و عبوات كيلو و أتوزعت فى السوبر ماركت
و متكتبش عليها للشيشه أطلاقا
هتبقى حرام ولا حلال ؟

الحكم على الأشياء بيبقى حسب الظن الغالب للشيء اللي هتستخدم فيه
يعني لو واحد بيبيع سكاكين مثلا وعلى يقين من إن أكتر الناس في المنطقة اللي بيبيع فيها السكاكين دي بيشتروها علشان يتخانقوا بيها أو يقتلوا ناس أو يعوروهم فحرام عليه يبيع السكاكين مع إن الأصل فيها الإباحة ومينفعش يقول وأنا مالي أنا ببيع حاجة حلال وهما اللي بيستخدموها في الحرام ! لأ .. هنا الحكم يبنى على اللي يغلب على ظنه هو لو متأكد من إن غالبية الحاجة هتستخدم في الحرام فلا يجوز ليه إنه يبيعها وهيبقى مشارك في الإثم والعدوان
لو قسنا موضوع الفحم على الموضوع ده فهنقول برده لو حضرتك غلب على ظنك إن أغلب الناس اللي هتستخدم الفحم ده هيستخدموه في الشيشة وما يتبعها من حشيش وبانجو ومخدرات فلا يجوز ليك إنك تتاجر فيها حتى لو ليها استخدام تاني زي الشوي على الفحم في المطاعم وما شابه فالحكم برده للأغلب لو أغلب الناس بتشتري الفحم ده علشان الشيشة فلا يجوز ليك إنك تبيعها لو هينفع تتاجر في فحم مخصص للمطاعم بس ومينفعش يستخدم للشيشة (معرفش ينفع كده ولا لأ) فهنا يجوز
ولو الفحم بيستخدم في الشيشة وفي المطاعم سواء بس ينفع مثلا تكتب على الكيس من برة (غير مخصص لاستخدامات الشيشة والدخان ومخصص فقط لشوي الطعام واستخدامات الطعام) بحيث تخدع اللي ممكن يشتريه للشيشة وتخوفه من إنه يشتريه وتخلي بتوع المطاعم بس اللي يشتروه فكده يبقى عفيت نفسك من المسئولية حتى لو واحد ناصح عارف إنه ينفع للشيشة واشتراه
والله أعلم