السلام عليكم ...


لو سمحتم يا شباب ويا شابات عاوز أعرف رأيكم , ايه الافضل

جواز الصالونات

وللا الجواز عن حب أو معرفة مسبقة

بالنسبة لي , اللي مأخرني لحد دلوقتي اني مش مقتنع بجواز الصالونات

هو صحيح اخواتي اتجوزوا بالطريقة دي وسعداء الحمد لله , بس انا مش حاسس انها الطريقة المثلى للجواز

لأنه في المعظم كله بيمثل على كله , انما لو تعرف البنت قبل كده - مثلا معاك في الشغل - هتبقى عارف

اخلاقها وطباعها بدون تزويق وهي برضه هتبقى عارفاك على حقيقتك

المشكلة بقى اني لو استنيت اني الاقي واحدة في الشغل أو اني أعجب بواحدة وبعدين اتقدملها هعنس وهاتجوز على الاربعين كده وللا حاجة



ايه رأيكم ... الافضل الصالونات وللا الحب

وايه اللي يخلي الصالونات ينجح لو اتحوجت ليه ..؟


شكرا جزيلا