مطلوب عربية نقل بالمقطورة

**MaZaGAngeE** · 16-11-2008 04:18 AM

ايه أنواع العربيات النقل التقيل في مصر ؟ و الوكلاء مين ؟
و أسعار العربيات ايه ؟
قطع غيارها ؟
صيانتها ؟

هل فيه مواقع انترنت للشركات دي ؟

**WalidAdel** · 16-11-2008 06:12 PM

هو ياباشا علي حد معلوماتي يعني بتمشي في طريق اسكندريه الزراعي في الاول كده يعد كوبري قليوب لحد اول المنوفيه حتلاقي كذا معرض عندهم العربيه بس حتلاقي معظمهم اسكانيا علشان بتستحمل و قطع غيار نسبياً رخيصه حتلاقيهم استيراد مستعمله يعني و بعدين بتروح عند اباظا بيعملك المقطوره اللي انت عايزها سواء قلاب او ثابت بس انا معرفش صراحه مكان اباظا فين بالظبط لو عايز ممكن اسالك
انا كنت ليسه انهارده علي الطريق و لقيت تاجر من التجار دول ليسه جايب دفعه جديده لاتقل عن 25 عربيه حتلاقي علي اليمين و انت رايح علي اسكندريه بس الصراحه مش متذكر المسافه قد ايه

**WalidAdel** · 20-11-2008 12:19 AM

ممممممممممممم
لأ معرفش والله بقي بس ممكن تشوف توكيل اسكانيا لو ليها هنا او Jac دي بردوا توكيل عربيات نقل ثقيل بس مش حتلاقي حد ممكن يفيدك هنا الا اذا كان وضع من الاعضاء عنده نقل بس الصيانه عموما بتاعة العربيات دي ملهاش توكيل خالص المكيانيكيا في كل حته بيفهموا فيها و قطع الغيار في شاره الجسر اللي في شبرا و بس علي كده لكن يكون لهيا توكيل ما اظنش

**MaZaGAngeE** · 23-11-2008 03:31 PM

المشاركة الأصلية كتبت بواسطة fakoussa

توكيل اسكانيا و فولفو هو غبور
توكيل مرسيدس Mcvفى مدينة العبور
اما جاك فهو صينى هتلاقى معلومات عنه فى ملاحق السيارات كل يوم جمعه و سبت فى الاهرام و الاخبار

شكرا يا باشا

أنا بجمع معلومات عن أنواع العربيات النقل و من كلام السواقين :

أفضل سيارة نقل هي مرسيدس 2828
و بعديها تيجي ال مان
بعدها سكانيا
بعدها رينو
بعدها فولفو

**ToYoTa** · 23-11-2008 03:44 PM

المشاركة الأصلية كتبت بواسطة walidadel

و بعدين بتروح عند اباظا بيعملك المقطوره اللي انت عايزها سواء قلاب او ثابت بس انا معرفش صراحه مكان اباظا فين بالظبط لو عايز ممكن اسالك

وده عنوان مصنع اباظة للي يحتاجه:

6 شارع مختار اباظة - المنطقة الصناعية الثانية - من شارع جسر السويس - مصر الجديدة - القاهرة - مصر

**MAGEDSAMIR** · 29-11-2008 03:02 AM

اولا الماركة الاولى هى مرسيدس ثانيا احسن موديل فى القلابات الكبيرة هو3838 ويسمى مرسيدس skاما اليوم فالموديل الاول هو اكتروس 4048kوهذه السيارات بها تكنولوجيا اعلى بكثير من تلك الموجودة فى الملاكى ولاسيما بعض موديلات المرسيدس الحديثة جدا لذلك يتم عمل الصيانات فى مراكز الخدمة فقط والتى من الضرورى وجودها على مستوى الجمهورية لخدمة هذه السيارات واخيرا عنوان شركة MCV وكيل مرسيدس بنز للسيارات التجارية فى مصر هو الكيلو 24 طريق مصر الاسماعيلية الصحراوى بجوار محطة بنزين total

**maka** · 26-02-2009 09:08 PM

ماتبعد عن المقطورة علشان القلق وتفكر فى التريللا

**Sameh** · 28-02-2009 08:53 PM

هو السؤال هتشغلها فى إيه ؟ بعنى لو هتشغلها فى محاجر مثلاً يبقى خليك فى 3838 عشان الخلوص العالى بينها وبين الأرض وفلتر هوا جاهز للشغل ده وتكنولوجيا معقولة يعنى صيانة أسهل ، ويمكن يكون الدوبل بتاعها أكبر من الأكتروس عشان الغرز والإرتفاع وكدة بس دى مش متأكد منها ، وكذلك هل فيه فرق فى الصندوق ولا هو بتاع الأكتروس ؟
لو جوا المدن ومش هتطلع عن الأسفلت يبقى ممكن الأكتروس بالرفاهية والتكنولوجيا بس ماعنديش فكرة عن فرق السعر

بالنسبة للسكانيا رائعة طبعا والسويدى أحسن شاسيهات وأقوى صلب أعتقد موديل 113h هو الأكثر شهرة ، بس ده مش معناه إن المرسيدس أقل

الفولفو بقا تانى شركة بتبيع قلابات على مستوى العالم ، يعنى إعتمادية وخبرة عالية جدا جدا ، بس وجودها مش قوى مصر ، ماعرفش حالها إيه مع توكيل غبور ؟ ممكن تكون الأمور أحسن

رأى الشخصى هو ال 3838 نظراً للإنتشار الكبير ووجود قطع الغيار وموتور وحش

بالتوفيق يا باشا ، بس يا ريت تفكر فى راس وتريللا سكس ويل أحسن من قلاب ومقطورة عشان قانون المرور والكلام ده ، والحمولة مش هتقل كتير هتكون فى حدود 55 طن ولا حاجة