بفكر أجر عربيتى للشركة موديل 2014 اللى ليه خبره يفيد

**maio_do** · 30-06-2015 12:31 AM

بسم الله الرحمن الرحيم

السلام عليكم ورحمه الله وبركاته

رمضان مبارك علينا جميعا كل سنة وانتوا طيبين ربنا يعود علينا الايام بخير

انا هسافر باذن الله خارج البلاد الفترة اللى جاية وعربيتى 2014 بيجو 301 بفكر اجرها بدل ركنتها

لانى هرجع ابيعها ودلوقتى هخسر فيها كتير عايز اعرف اية عيوب الايجار للشركات غير الكيلو الكتير

وايةالضمانات لحماية العربية يعنى مياخدوهاش خالص او تتسرق او يعملوا بيها حادثة والتامين سارى عليها ولا لاء لو متاجرة

**مُصْطٓفٓى** · 30-06-2015 12:45 AM

اتذكر اني قرأت بعض الموضوعات التي تتكلم عن هذا الأمر
وأجمع الكثيرون على رفض هذه الفكرة بشكل تام
لا أتذكر النقاط التي عرضوها
ولكن يمكن البحث عن هذه الموضوعات

**hesham fawzy h** · 30-06-2015 12:39 PM

بيعها دلوقتى احسن بكتييير

العربية هتتهان

**ENG.MaRk** · 30-06-2015 12:41 PM

أحد أصدقائي كان مسافر معايا ألمانيا ست شهور و ساب عربيته عند معرض يأجرهاله و العربية كانت أوبل أسترا 2013 و كان عامل بيها 8000 كم بس رجع لقي العربية عاملة 52000 كم و ماتتركبش حرفياً و باعها علي حالتها و خسر فيها كتير لأنه جاب آخره منها لأنها كانت متبهدلة ... اللي بيأجر عربية بيهينها فعلياً و اللي هتجيبهولك العربية من إيجارها هتخسره في إعادة بيعها يعني الموضوع نسبي ... قلبها كويس في دماغك و ربنا يوفقك لما فيه الخير إن شاء الله :)

**maio_do** · 01-07-2015 01:22 AM

انا مش عايز ابيعها واخسر برده

**shake** · 01-07-2015 01:27 AM

متابع وربنا يوفقك للى فيه الخير

**ENG.MaRk** · 01-07-2015 01:50 AM

المشاركة الأصلية كتبت بواسطة maio_do

انا مش عايز ابيعها واخسر برده

خليها بلاش تأجرها و ارفعها و لما ترجع من السفر بيعها لأنك ممكن تغير رأيك و ماتبيعهاش لما ترجع أو بيعها قبل ما تسافر لو مش عايز تخسر كتير

**maio_do** · 01-07-2015 04:20 AM

المشاركة الأصلية كتبت بواسطة eng.mark

خليها بلاش تأجرها و ارفعها و لما ترجع من السفر بيعها لأنك ممكن تغير رأيك و ماتبيعهاش لما ترجع أو بيعها قبل ما تسافر لو مش عايز تخسر كتير

طيب بص يا بشمهندس انا هقولك الحساب بالظبط وقولى رايك انا حسابها صح ولا غلط

دلوقتى عربيتى بيجو 301 هاى لاين جبتها باوفر برايس 142 الف وعامله 50 الف دلوقتى سعرها جديد نزل بقى ب 130 الف زيرو لو عايز ابيعها هتبقى بكام ؟ 115 مثلا؟ ولا اكتر

طيب لو فكرت اجر هتبقى بكام هتجيبلى 40 الف فى السنة هامن عليها ب 4000 يبقى اللى داخلى 36 الف
لو فكرت ابيعها بعدها هتبقى بكام 100؟ 95؟

يبقى فى الاولى خسرت 27 الف والتانية مخسرتش حاجة او 5 الاف بالكتير

**punisher** · 01-07-2015 05:02 AM

بيع العربيه وحط فلوسها وديعه ف البنك لو مش فارق معاك فوايد البنوك وكده يبقي اللي خسرته تعوضهولك الفوايد

لو تعرف تستثمرهم ف حاجه يبقي احسن حل

**مُصْطٓفٓى** · 01-07-2015 05:54 AM

المشاركة الأصلية كتبت بواسطة maio_do

طيب بص يا بشمهندس انا هقولك الحساب بالظبط وقولى رايك انا حسابها صح ولا غلط

دلوقتى عربيتى بيجو 301 هاى لاين جبتها باوفر برايس 142 الف وعامله 50 الف دلوقتى سعرها جديد نزل بقى ب 130 الف زيرو لو عايز ابيعها هتبقى بكام ؟ 115 مثلا؟ ولا اكتر

طيب لو فكرت اجر هتبقى بكام هتجيبلى 40 الف فى السنة هامن عليها ب 4000 يبقى اللى داخلى 36 الف
لو فكرت ابيعها بعدها هتبقى بكام 100؟ 95؟

يبقى فى الاولى خسرت 27 الف والتانية مخسرتش حاجة او 5 الاف بالكتير

ماشية 50 ألف كيلو واحتمال متكونش موديل السنة .. يبقى صعب تطلب فيها 115 ألف
لو كسر زيرو وملحقتش تمشي بيها 5 الاف كيلو ممكن تطلب فيها 120 وتمسك فيهم

النقطة التانية هل حتعرف تأجرها ب 3500 جنيه في الشهر ؟

النقطة الثالثة هل فيه شركة تأمين حتقبل أنها تأمن على سيارة مؤجرة لشركة بترول أو لمعرض ؟
ولو لا قدر الله حصل مشكلة هل الشركة اللي أجرت العربية حتلف وتدور على تصليحها مع التأمين
ولا حيقولولك تعالى اتصرف مع التأمين

لو العربية مشيت 100 ألف كيلو في السنة ده
وجيت تبيع عربية ماشية 150 ألف كيلو وموديلها حديث مثلا 2014
هل حتلاقي حد يشتريها بحالتها المتبهدلة ده وبالعداد ده حتى لو 95 الف ؟