مازدا 3 الجديدة عجباني بس قلقان جدا

السلام عليكم.كنا معدين بالصدفة من قدام اباظة اوتو تريد اللي الداون تاون ودخلنا انا ووالدي واخويا الكبير واتفرجنا ع العربيات لاننا ناويين ان شاء الله نغير العربية بفئة اعلي فاثناء التجول ف المعرض شوفنا المازدا 3 ال 2015 طبعا شكل خارجي وداخلي خرافة وخامات مفيش بعدها وسعرها 210 الف اعلي فئة وفيها كماليات كتير وياباني بس الحلو ميكملش طبعا قبل اما نقدم علي اي خطوة دخلت ع المنتدي واكتشفت ان الموتور ضعيف وسحبها وحش بس هل يا تري هو ده هيأثر جامد علي قرار الشراء خصوصا ان والدي ولا انا بنحب الجري بس معلش استحملوني هل سحبها زي الدايو نوبيرا 2007 مثلا ولا ايه :) وانا عارف انها مفهاش esp طبعا والدي مستني ردي اللي هيكون ردكم مش عارف بقي طبعا هي حاجة والدايو حاجة بس انا خايف من نقطة السحب وناس بتقول الموتور بيجعر ومش حلو ومخنةق وللاسف والدي مش حابب الكورولا خاصة التابلوة بتاعها مش عارف ليه هي مسألة اذواق. وصحيح شفت البيجو 2008 موديل 2016 ب 195 الف وشفت فيها شاشة كبيرة من جوة وكدة بس دي 2015 كانت اعلي فئة ارخص من كدة.نرجع بقي لموضوهنا الاساسي ايه رأيكم ف المازدا ومش عاوز حد يرشح عربية تانية..
معلش طولت عليكم بس عربية بالسعر دة مينفعش يكون فيها عيوب جوهرية خصوصا ان الواحد مش ناوي يغير قبل 5 او 6 سنين

بص يا باشا.
انا ان شاء الله انا ناوي اجيبها.
الموتور مش وحش خالص, المشكله ان الفيتيس 4 سرعات.
انا لسه جايب سيات توليدو لمراتى, الفيتيس ال6 سرعات فارق جداً علي السرعه العاليه.
العربيه لسه فالتليين, بس بجيب بيها 110 كم/ساعه و بتكون على 2400 RPM, يعنى مرتاحه علي السرعات.
هو ده الفرق, مش الموتور, لأن باقى العربيات مش الفرق الشاسع يعنى فالموتور, مع العلم انى معرفش دي هتكون علي كام RPM علي نفس السرعه لأنى ماجربتهاش.
موضوع الESP مش فارق معايا قوي عشان دي عربيه جر امامى, و رأيي الشخصى انه بيفيد اكتر فالدفع الخلفى.
عفشتها Multi Link و دي بتدي ثبات حلو جداً.
ماكدبش عليك انا مافكرتش فموضوع الجري بيها لأنى مش هستخدمها فالسفر.
ملحوظه: ربنا يخليلك والدك, انا رأيي من رأيه, ركبت الكورولا الجديده حسيت ان ده تابلوه ميكروباص.:E_braces[1]:
تحياتى

لو مبتحبش الجري فعلا يبقى مش هتسمع صوت النعرة لأنها أكيد هتظهر على لفات موتور عالي
للأسف الياريس والكورلا أنعم منها...الياريس كمان أسرع منها ومواتيرهم هادية
عندك كمان السيفيك الهاي لاين وفيها vsa عربية مالهاش حل ومفهاش غلطة

المازدا حتبقى خفيفة على السرعات العالية جدا و مفيهاش esp او ASR والا 12 ايرباج و الا تقنية متقدمة عموما ، لو بتحب الجري و عايز تجرب سواقة الفيراري و عايز عربية محترمة جدا وفر فلوسك و هاتلك الفا روميو 156 موديل 2003 فما فوق مستعملة و حتدعيلي (من 85 ل 95 للحالات النضيفة). بدل ما تنفع الوكيل 30 او 40% من تمن السيارة على الاقل و قيمتها تقع اول ما تركبها.

مادام انت و السيد الوالد مش بتحبوا الجري يبقي هاتها طبعاً لأنها عربية محترمة و كمالياتها ممتازة و كقيمة مقابل سعر حلوة بس خلي بالك هتتضايق لما تلاقي نفسك مش عارف تشد مع لوجان أو بروتون Gen 2 و هم أرخص ب 80000 علي الأقل ... قلبها في دماغك كويس و ممكن تاخدلك بصة سريعة علي فوكاس أو أسترا لأن الفوكاس الجديدة بقت عربية تحفة شكلاً و مضموناً و أعلي فئة سيدان ب 206 يعني هتوفر كمان فلوس مقابل امكانيات أحسن و ربنا يوفقك لما فيه الخير إن شاء الله :)

اقتباس:

---

المشاركة الأصلية كتبت بواسطة نسر عربي

المازدا حتبقى خفيفة على السرعات العالية جدا و مفيهاش esp او asr والا 12 ايرباج و الا تقنية متقدمة عموما ، لو بتحب الجري و عايز تجرب سواقة الفيراري و عايز عربية محترمة جدا وفر فلوسك و هاتلك الفا روميو 156 موديل 2003 فما فوق مستعملة و حتدعيلي (من 85 ل 95 للحالات النضيفة). بدل ما تنفع الوكيل 30 او 40% من تمن السيارة على الاقل و قيمتها تقع اول ما تركبها.

---

احنا عاوزين نبعد عن المستعمل خالص

يعني نصرف نظر عنها ونشوف حاجة تانية طيب لو حاجة تانية هتكون ايه احنا عاوزين جاجة شكلها حلو بعيدا ع الكرولا وال 2016 ف المازدا هتنزل بنفس المواصفات دي ولا فيه امل تتغير ؟؟

اقتباس:

---

المشاركة الأصلية كتبت بواسطة mostafa bedo

يعني نصرف نظر عنها ونشوف حاجة تانية طيب لو حاجة تانية هتكون ايه احنا عاوزين جاجة شكلها حلو بعيدا ع الكرولا وال 2016 ف المازدا هتنزل بنفس المواصفات دي ولا فيه امل تتغير ؟؟

---

لو عجباكم المازدا 3 ومش هتبيعوها بعد فتره صغيره توكلوا على الله العربيه محترمه جداً وموضوع السحب ده مش هيفرق معاكم طالما استخدام عادي ومش غاويين شد وجري وكلام من ده
بس لو بتفكر في اقتراحات تانيه فأعتقد ان الهوندا السيفيك تستاهل تبصوا عليها بصه قبل الشراء

اقتباس:

---

المشاركة الأصلية كتبت بواسطة نسر عربي

المازدا حتبقى خفيفة على السرعات العالية جدا و مفيهاش esp او asr والا 12 ايرباج و الا تقنية متقدمة عموما ، لو بتحب الجري و عايز تجرب سواقة الفيراري و عايز عربية محترمة جدا وفر فلوسك و هاتلك الفا روميو 156 موديل 2003 فما فوق مستعملة و حتدعيلي (من 85 ل 95 للحالات النضيفة). بدل ما تنفع الوكيل 30 او 40% من تمن السيارة على الاقل و قيمتها تقع اول ما تركبها.

---

ده عفواً هيدعي عليك مش ليك.
اجيب عربية اخبطها تاني يوم تبقى متصلّحه ولا اجيب عربية لما يحصلها حاجه افضل حاطط ايدي على خدي جنبها بالأسابيع ويمكن شهور.
السوق المصري ليه اعتبارات تانية, انا مش في اوروبا عشان اجيب الحاجات الانتيكة دي.

بعيدا عن اي فنيات
العربيه عامله مبيعات معقو له بدون دعايه
افضل من سيفك وامبيريزا

الالفا روميو لو لا قدر الله اتخبطت حتتصلح تاني يوم لان قطع غيارها موجودة سواء جديدة او استيراد عند المستوردين زي الكيلاني او بتوع الاستيراد او التوكيل يبقى ايه المشكلة مين قالك انها انتيكة ده قطع غيارها في السوق المصري اكتر بكتير من المازدا 3 لانها منتشرة جدا في اوروبا، انت ماشي بس بالاشاعات انما الحقيقة غير كدة خالص انزل بنفسك اسأل الكيلاني مثلا في التوفيقية او التوكيل في العبور. انتيكة دي تقولها على الفا روميو ثمانينات مثلا مش 2004.

طب ما تعملها test drive عشان تعرف الاداء مرضي بالنسبه ليكم و لا لأ

عموما ممكن تشوف عربيات تانيه sedan في نفس الفئه السعريه زي

تويوتا كورولا\هوندا سيفيك\رينو فلوانس \ميتسوبيشي لانسر شارك

الشارك انا برجحها بشده عشان كمان تصميمها الرائع

اقتباس:

---

المشاركة الأصلية كتبت بواسطة نسر عربي

الالفا روميو لو لا قدر الله اتخبطت حتتصلح تاني يوم لان قطع غيارها موجودة سواء جديدة او استيراد عند المستوردين زي الكيلاني او بتوع الاستيراد او التوكيل يبقى ايه المشكلة مين قالك انها انتيكة ده قطع غيارها في السوق المصري اكتر بكتير من المازدا 3 لانها منتشرة جدا في اوروبا، انت ماشي بس بالاشاعات انما الحقيقة غير كدة خالص انزل بنفسك اسأل الكيلاني مثلا في التوفيقية او التوكيل في العبور. انتيكة دي تقولها على الفا روميو ثمانينات مثلا مش 2004.

---

اسمحلى اختلف مع حضرتك.
قطع غيارالالفا روميو فى مصر اقل من المازدا.
هى فى اوروبا يمكن تكون اكتر, بس اللى بيستوردوها فى مصر قليلين جداً, لأن العربيه مش منتشره و بيع قطع غيارها صعب.
حضرتك ذكرت اسامى معينه بتشتغل فالالفا روميو, لكن المازدا هتلاقى حاجتها عند اغلب بتوع اليابانى.

مازدا 2015 انتشرت جداً و اكتر من الالفا روميو فى اعتقادى, علي الاقل بشوفها كتير فالشارع, و ده هيخلى بتوع قطع الغيار يستوردو حاجتها.
تحياتى

اللي بينافس في الفئة دي 4 عربيات ياباني
كورولا وسيفيك ومازدا وامبريزا
استبعدت الكورولا
يبقى باقي مازدا وسيفيك وامبريزا
ورأيي السيفيك أفضل في كل حاجة ماعدا الوسع
والمازدا حلوة جدا لو مش بتاع جري
الامبريزا تمام بس فيها مشاكل بسيطة اوي زي إن زيت الموتور بينقص والفتيس بيسخن والوكيل بتاعها تعبان وقطع غيارها مش متوفرة أوي

توكل على الله في السيفيك أو المازدا