اية اكتر شئ لسة عايش جواك من ذكريات ايام الطفولة
انا حاجات كتيرة أيام طفولة مش قادر انساها
مثلا مكنش فية أنواع من شكولاتة الا الكورنا اللى عاملة زى الحطب ولبان بم بم حد فاكر اعلان بم بم بيقدم جوايز ههههههههه وصور البوم واملى الالبوم واكسب جوايز وحد فاكر مصاصة سيمكا؟؟
حد فاكر لسة برنامج نادى السينما اللى كان بيجى يوم السبت بليل
وبرنامج اخترنا لك اللى كان بيجى يوم يوم الأربعاء بليل ؟
وبرنامج جولة الكاميرا حول العالم اللى كان بيجى الساعة 8 يوم الاحد
وبرنامج مصطفى محمود اللى كان موعدة الساعة عشرة مساء كل اتنين
وافلام رعب الفك المفترس واجزائها؟؟
حد فاكر لسة العاب الاتارى بتاعت زمان ......ز ولعبة الطيارة الشهيرة و لعبة جونيس هههه
حد فاكر مسلسل لا الة الا الله في رمضان وفوازير عمو فواد ؟ وايام ما كان التلفزيون بيقفل من ساعة عشرة مساء؟ حد فاكر فانوس رمضان الشهير اللى جواة عصفورة صفرة
حد فاكر كمبيوتر صخر؟
حد لسة فاكر أيام ما كان بيقعد عند هبورجر ويمبى؟؟ودة كان مطعم أولاد الزوات ساعتها
حد فاكر لما خرجنا في شوارع كلنا عشان مصر اتعادلت مع هولندا ف كاس العالم
معلش جماعة تخاريف الصيام بدئت تشتغل بس اللى لسة فاكر حاجة من أيام الطفولة يكتبها وفكرنا بالزمن الذى مضى
