قول .. حتى لو هزعل .. أنا محتاج المصارحة أكتر من أي حاجة
عرض للطباعة
قول .. حتى لو هزعل .. أنا محتاج المصارحة أكتر من أي حاجة
الموضوع كله غلطتك من الاول
انا عارف ان ملوش لزمه اللوم بس عشان متكررش الغلط ده تاني
الزوجه الصح هي اللي تفضل مع جوزها علي المره قبل الحلوه
و المفروض اي واحده في الدنيا عارفه ان الحياه شويه حلوه و شويه وحشه
انا عندي في العيله نماذج للي اهاليهم مدلعينهم علي الاخر
سواء شباب او بنات
الناس دي هتاخد مقلب محترم لما يتجوزوا و يعيشوا الحياه الحقيقيه
عموما ربنا يصبرك علي فقدان ابنك و علي مشكلتك مع زوجتك
و ربنا يعوضك خير ان شاء الله
متفقدش الامل ابدا في ربنا انه هيعوضنا خير عن اوضاع سيئه
سواء سيئه بسببنا او باسباب خارج ارادتنا
المهم التعلم من اخطاء الماضي و عدم تكرارها
الكلام دا صحيح .. بس مثالي .. ضغوط الحياة بتبقى أقوى كتير من الإنسان
أنا ليا تجربة زواج قبلها كانت مصرية .. كلهم كدا .. مابيستحملوش أي المشكلة اسبوعين ( حتى لو مش مادية )
مفيش صبر .. عقلهم صغير
اللي يحل المشكلة دي أفتكر الحب .. دا نعمة نادرة الوجود !
فالزواج عن حب هيحل المشكلة دي .. أكيد هيبقى فيها عوج .. بس طالما الحب موجود هتتقبل منها
هتنكد عليك وهتنرفزك بس هتستحملها وإنتا مرتاح .. غير لما تبقى بتنكد عليك وحدة إنتا أساسًا مش مرتاح معاها
حتى الحب مايقدرش يقف قدام ضغوط الحياة الكتيرة و التوتر المستمر. الاولاد و المصاريف و مشاكل الشغل و الاهل و الجيران
عمرها ما جرحتنى عند اهلها ودايما تكبرنى إﻻ فى مرة واحدة سابت البيت واشتكت انى بعمل حاجة غلط عالكمبيوتر..والدتها الدكتورة ضربتها وقالتلها ارجعى بيتك فورا دة احسن منك واوعى تفكرى تحرجية معانا.. كان موقف وحيد وكنا ممرش سنة على جوازنا ومتكررش تانى اى حاجة زية.. قبل مراتى كان فى مشروع بضغط مباشر وحصار من اﻷهل للتنفيذ.. كانت نوعية مدلله والدها ووحيدتة و مسرفة و زائدة الجرأة وغليظة القلب ومرتبطة بامها التى تعشق الماديات بشكل غير عادى وكنت وقتها رقيق الحال ومحدود الدخل .. واذكر انى وقتها دفعت ذات مرة راتبى بالكامل لسداد فواتير تليفونات تتعدى الثﻻثة اصفار.. فكانت الزيارات باﻹجبار والتليفونات الطويلة بالساعات باﻹجبار ايضا ..نظام انت بتاعى وانا حرة فيك.. وﻻ انسى والدها تستجديها ترحمنى من التليفونات وترد عليها وهيا معايا عالسماعه ملكيش دعوة هوا الى بيدفع..الحقيقة فى شخصيات تتجوز واحد تستنزفة كأنة بقرة حلوب ودايما مش مشكور.. ودى عمرها ماتعرف تحب..عاوزة خدام بلقب زوج.وبيكون اهلها مربيينها ان مفيش زيها.وفى . وشخصيات تتجوز واحد تصون مالة وعرضة وتكون قدم سعد علية و امام رغبتهم فى التفاخر والبذخ -اعتمادا على امكانات والدى وقتها- وضعف المستوى الدينى ..مقدرتش استحمل خصوصا انهم كانوا فارضين عليا اماكن معينة لشرا اﻷثاث بسعار معينة.. وانفصلت بقرار فردى..بعد ستة اشهر من حفل الخطوبة الكبير الى عملوة .. و على الرغم من تبعات مرة تمثلت فى ردود فعل على صدمة اﻻنفصال كاتخاذ إجراءات التقاضى الكيدى والمكائد القذرة واﻹعتداءات السافلة التى مست اسرتى بعد الفسخ ..اﻻ انى دائما اردد الحمد لله اننى اتخذت القرار الجرئ قبل ان اغرس اكثر فى المشاكل وتحملت بنفس راضية اتعاب المحامين نيابة عن والدى .. والحقيقة أرى بدون مجاملة ان موقفك بالخطوبة كان ضعيف امام والدك وامام نفسك من حيث تقديرك لمستقبل حياتك مع ام بنتك على ضوء المتغيرات التى تفضلت بشرحها.. وبرغم شهامتك فى كفالة بنت زوجتك اﻻ انها لم تشفعلك لتكبر جمايلك فى نظرها كما ان تجربتها السابقة لم تغير طبعها بشكل جوهرى فتحارب ﻹنجاح الفرصة الثانيية التى قد ﻻ تتكرر..ورغما عنك للأسف اصبحت ..انت صاحب تجربتين غير موفقتين وهذا يضعف موقفك اذا اردت بدء حياة جديدة. واعنى بذلك انك يجب عليك دراسة الخطوات القادمة بشكل جيد. واول اﻻولويات ان تجتهد لمعرفة شخصية على جانب من العلم والدين والجمال والجرأة والإستقﻻلية تتقبل ظروفك وتعوضك .يارب يصلحلك حالك ويريح بالك ولله اﻷمر من قبل ومن بعد..
اتق الله و انبسط و عيش , انا معرفش مراتك انت تعرفها اكتر مني , اتاكد بس انها فعلا بتعاملك و حش , و لو فعلا مش حاسه بيك اتجوز عليها بس اتجوز عشان تنبسط , فكك بقي من العيله الكبيره و الكلام ده وبنت مين , ديه ست يعني بشنطه هدومها , اتجوز ست تبسطك و دلع نفسك و اتق الله برضه في مراتك الاولي , و مش لازم تطلق علي فكره خالص , علي فكره ده حلال ان الرجل يتجوز اربعه و ده حق الرجل و شرع الله , اتعلم ازاي تعيش , اتق الله و خد اجازه من شغلك و اتجوز واحده و سافر معاها أي بلد علي البحر , لا مراتك و لا ابوك هينفعوك لا في دنيتك و لا قدام ربك , ربنا معاك , انا حاسس بيك , و بدعيلك ربنا يهون عليك
والله ياجماعة أنا عارف إن فيه نسبة كبيرة من الخطأ في أسلوبي ويمكن أنا من كتر مابدي أعذار بضيع حقي
المهم إني ماخترتش بضغط من حد .. أنا قررت إني أتزوجها لإني في الفترة دي كنت بدون زوجة ولما كلمني والدي اقتنعت بيها
هيا عاشت في بيت أهلها كدا .. مش قصدها سوء معاملة ليا .. هيا طبيعتها كدا وصعب جدًا تتغير ..
مش كلها سلبيات فيها إيجابيات ولكن أنا قلبي إتغير من ناحيتها .. ومعدش فيا حيل ولا صبر أكتر على الوضع دا
الزواج التاني رغم إنه مستقبح جدًا في وسطنا .. ومكنتش بفكر فيه خالص سابقًا.. بس الفكرة مسيطرة عليا حاليًا ..
ومش عايز أطلقها لإني مش عايز بنتي تتبهدل
وموضوع البنت مفهوش أي جميل مني .. هيا تزوجتني بوضع أنا قبلتها عليه والبنت أنا حبيتها وقبلتها كطفلة و عاملتها زي بنتي و ربيتها دي بنتي زي ماهيا بنتها
ويصعب عليا فراقها زي بنتي بالظبط ويمكن من أسباب عدم طلاقي ليها إني هتحرم من بناتي وخصوصًا بنتها لإن مليش صفة قانونية .
وكمان الزواج التاني لو حصل لازم تبقى على مزاجي على الآخر .. مش زواج لغرض الزواج وخلاص مش أي وحدة هتناسبني كزوجة
والموضوع دا معقد ومحتاج مني صبر ويمكن مش هيحصل بعد ماصبر .. و كمان أنا مش قادر أصبر ..
ربنا يبارك فيكم وشكرًا لكل الأعضاء الكرام
العشرة الأواخر وليلة 23 ..( اللهم بلغنا ليلة القدر و اجعلنا من عتقاء النار واغفر لنا وارحمنا برحمتك يا أرحم الراحمين )
بسم الله الرحمن الرحيم
الحمد لله والصلاة والسلام على رسول الله نبينا محمد خيرلا خلق الله
الأستاذ eso101
أخر مشاركة لى فى المنتدى كانت من شهور وحضرتك أهنتني بالرد فى موضوع الزواج الى كان حد من الاعضاء فاتحه للنقاش ومنذ هذا الوقت كانت اخر مشاركة لى وكنت على قرار بعدم المشاركة مرة أخرى ليس بسبب اهانتك ولكن بسبب تغافل الادارة عن الاهانة ... وكان أخر ما كتبت فى المنتدى موجه لك بانى أدعوا لك الله أن يعطيك بقدر أخلاقك ..
أغلب الظن الان إنى أكون شامت أو فرحان فى مشكلتك .
بس عايز أقولك أنى أشبهك جدا فى الحياة الاجتماعية المنهارة تماما وأنت سألت إذا كان فى حد مر بحاجة زى كده .
شوف يا أخى الحبيب ... أولا أُشهد الله أنى سامحتك وأدعوا لك الله أن يهديك إلى الطريق الذي يرضي به عنك عز وجل .
طلق الدنيا والمال الذي سكن قلبك وعقلك
عمرة إلى بيت الله الحرام وإذا لم تكن اقمت الحج فعجل به اذا كنت تستطيع
قراءة القرأن لا تنقطع عنها ابدا يوميا
إذا كنت تتعامل مع بنوك تراجع فورا لان الوعيد من الله واضح وصريح جدا بان من يتعامل بالربا يأذن بحرب من الله ورسوله
ليس لك مفر إلا إلى الله بس بالحق والصدق وده مش حيصل غير لما تعرف حقيقة وجودك فى الدنيا والمطلوب منك بالتحديد ومش شرط تكون كل خلفياتك وتجاربك عن الحياة فى محلها وبعد كده تحاول تعمل من الحق على قدر المستطاع ووسط الجو العام الان ده حاجة صعبة جدا جدا جدا فشوف الاول إزاى تعرف الحقيقة عن طريق قراءة كتب موثوق فيها أو الاستماع لعلماء موثوق فيهم وبعض كده شوف ازاى تتطبق بدون خجل من الناس لان المبدا الثابت أن تُرضي الله ولو كان بسخط الناس وعندها يرضي عنك الله ويسبب لك من السعادة.
وعلشان يكون الموضوع سهل شوية شوف مثلا مشكلة شغله بالك جدا وعندك مثلا كتاب فقه السنة فى كل الاحكام ممكن تدور على مشكلتك وتقارن بين تصرفك أو حلولك المقترحة وبين المفروض من الكتاب أو من السنة الشريفة.
وطبعا دور العلماء مهم جدا لان حتى اذا كان الواحد بيفهم لغة عربية كويس ويقدر يستوعب جزء من المكتوب ولكن فرق بين من درس هذا كدراسة وعلم وجمع فى سبيل الله فقط وليس لاى غرض اخر.
ودعائك لنا أخى الحبيب لانى أمر بأزمة نفسية شديدة قد تكون أصعب منك ومن فضلك بلاش تعلق على مشاركتى أقرأها فقط جزاك الله خير .
سبحان الله وبحمد سبحان الله العظيم
أستغفر الله العظيم وأتوب إليه
لا حول ولا قوة إلا بالله العَلي العظيم
إذا قامت الساعة وفي يد أحدكم فسيلة فليغرسها.....
الحديث الذي رواه الإمام أحمد وغيره عن أنس رضي الله عنه قال: قال رسول الله صلى الله عليه وسلم: إن قامت الساعة وبيد أحدكم فسيلة، فإن استطاع أن لا يقوم حتى يغرسها فليفعل. والحديث قال عنه الهيثمي : ورجاله ثقات وأثبات.
وقال عنه الأرناؤوط: إسناده صحيح على شرط مسلم، وصححه الألباني في الصحيحة.
ومعناه: أن المسلم يستمر في عمل الخير ومنه الغرس، ولو كان قبل القيامة بلحظات، فإنه مأجور على ذلك.
"اعمل لدنياك كأنك تعيش أبداً واعمل لآخرتك كأنك تموت غداً"...حديث ضعيف و ان كان حسن المعنى
تصدق .. شوف فلوسك بتطلع زكاة مالك عليها