تجهيز شقة

**abd_el_7amid** · 03-07-2015 04:12 AM

السلام عليكم
دلوقتي انا هنقل لشقة جديدة لسه علي المحارة. في مهندسين بياخدوا الشقة ويسلمهالك متشطبة.
اللي محتاج اعرفه المهندس بياخد كام في الموضوع دا؟
معلومات عن الشقة ١٥٥ متر 2 صافي. تكلفة تشطيبات في حدود١٠٠٠٠٠ جنيه
معاد الاستلام بعد شهرين

وجزاكم الله خيرا

**Dr. Assem** · 03-07-2015 05:05 AM

المبلغ اللي بباخده المهندس بيكون على حسب حيعمل ايه. اولا التصميم. ثانيا الاشراف على التنفيذ. ثالثا انه يجيب الخامات و الصنايعية من عنده و يضمن حسن شغلهم و جودة الخامات.

لو تصميم بس و اختيار الوان و ديكورات يبقى في حدود 15 الى 40 الف . و بتزيد كل اما تزيد مسؤولياته.

و طبعا المبلغ حيفرق لو مهندس فرداني او شركة كبيرة. يعني ممكن تشوف مهندس شاطر شغال في شركة كبيرة و تتعامل معاه من الباطن. لكن لو في مشاكل حتلبس معاه و الشركة مالهاش دعوة.

و ممكن لو زوقك حلو .او طلباتك بسيطة. تجيب حد مضمون و له خبرة مع الصنايعية يجيبهملك و يشرف عليهم و يتابع الخامات و حيكون تكلفته اقل. بس مالوش دعوة بالاذواق. و اوعي تسيب له حاجة يعملها على ذوقه و الا ممكن يضيعك

**waleed alsudy** · 03-07-2015 07:25 AM

شوف انا مهندس
وموضوع الحساب دا بيكون على حسب شغلك والمطلوب والمكان والكلام دا وممكن افيدك اكتر لو حابب
عموما دا رقمي للتواصل
01281461075 مهندس وليد

**Abo_Mazen** · 03-07-2015 02:21 PM

شوف مقاول تشطيبات أرخص ..مهندس يعني مكتب وهيعيش عليك الدور ..شوف مقاول أفضل

**abokoko** · 03-07-2015 02:48 PM

كنت سالت عن نسبة المكاتب
واتقال لى انها بيتكون 15% من التكلفة

**abd_el_7amid** · 03-07-2015 03:29 PM

الف شكر ليكم. انا معايا فعلا مهندس معرفه والموضوع انه مكسوف يطلب وانا ش عايز ابخسه حقه

**waleed alsudy** · 03-07-2015 03:32 PM

المشاركة الأصلية كتبت بواسطة abokoko

كنت سالت عن نسبة المكاتب
واتقال لى انها بيتكون 15% من التكلفة

هقلك على حاجه كويسه معلومه لقدام
الموضوع مش موضوع ارخص او اغلى ممكن فعلا تعمل وتجيب مثلا مقاول بدل مهندس والكلام دا لكن اللي متعرفوش اصلا انه اه ممكن يقللك في حسابه فتفرح وتقول دا كويس ويخمك في الشغل سواء من ناحيه الجوده او من ناحيه المواد نفسها او في اي حاجه تانيه افضلك تشتغل مع مكتب علشان بيكون في عقد وفي وقت محدد بينكو ومكتوب كدا فيه

بعدين موضوع 15% مش كتير زي ما حضرتك بتقول في مكاتب بتاخد 25%
والقرار النهائي لك
ولو عايز اي استفسار انا تحت امرك من غير مقابل يعني

**abd_el_7amid** · 04-07-2015 06:17 PM

في مكان بيبيع ابواب غرف جاهزة علي التركيب؟ وبكام

**amr011111** · 04-07-2015 09:29 PM

اهم حاجه فى الموضوع ده انك تشترى انت الخامات لان السرقه على ودنه فى الموضوع ده الا ما رحم ربى. والنسبه بتبقى من 15 ل 25 فى الميه. لدرجة انه لو ادى اكراميه لعامل فبياخد هوه برضه من 15 ل 25 فى المائه عليها. ﻻنه بيحسب الشقه اتكلفت كام وبياخد نسبته. ده غير انه بيحاسبك هندسيا وليس فعليا

**abokoko** · 04-07-2015 10:01 PM

حاليا شغال عن طريق المعارف
يعنى واحد معرفة جاب لى كهربائي
اللى باع لى الشقة جاب لى السباك
السباك جاب ابن عمه محارة
وهكذا

الموضوع: تجهيز شقة

LinkBack

أدوات الموضوع

عرض

تجهيز شقة - انشر الموضوع فى :

-

-

-

-

-

-

-

-

-

المواضيع المتشابهه

تجهيز سيارة المعاقين

تجهيز الميجان للسفر

ساعدوووونى فى تجهيز العروسه

تجهيز محل كاوتشات وجنوط

مساعدة في تجهيز كوفي شوب

الكلمات الدلالية لهذا الموضوع

المفضلات

المفضلات

ضوابط المشاركة