نشــة فى الغيــارات لنيســان صنى 2008

**mika1** · 16-11-2008 11:27 AM

العربية نيسان صني 2008مرة كنت ماشي بيها على الطريق الصحراوي على 130 كم لقيتها بطلت فجأة لقيت الحرارة على الاخر ( الريدياتير كان شبه فاضي) - المهم لمبة الموتور(check engin) نورت اتصلت بالتوكيل بعد ما العربية بردت قالي تعالى التوكيل باسرع ما يمكن ورحت وكشفوا على الردياتير والماتور وقالولي كله تمام .
وبعد مامشيتبيها حوالي 1000 كيلو لاحظت ان العربية بتنتش مع الغيار من الاول للتاني ومن التاني للتالت واحياناً تبق مخنوقة واحيانا سحبها عالى واحيانا سحبها زي الزفت على الاول لحد الرابع
-مع العلم انا اضطريت امشي بيها مرة (15 كيلو)مع وجود اشارة تانك البنزين منورة
كمان احياناً احط بنزين(92 ايسو) الاقي العربية متظبطة ومرة تانية(92 الامارات - موبيل) الاقيها حالها اتقلب
- رحت للتوكيل مرتين ( العوض جروب) قالوا العربية تمام وكل الانجيكشن كدا بينتش طبعا انا اول مرة اسوق عربية انجيكشن وما اعرفش فيه اوي فطبعاً صدقت لكن انا مش مبسوط لما بسوق العربية.
-- اريد حلاً
-

**Akram** · 17-11-2008 01:00 AM

يعني ايه كل الانجكشن بينتش , ده اسمه نتش , يعني هما بينتشوا عليك ,
انا أول مرة اسمع الحكاية دي ,
يا إما انك تروح لمركز تاني تابع للتوكيل و تشوف رأيهم ايه , أو ممكن تروح لميكانيكي برة التوكيل و خليه يكشف و يقولك تعمل ايه ,
و ساعتها الناس اللي بتنتش مش هتعلاف تنتش :)

**pharonicking** · 17-11-2008 01:45 AM

ايه سبب نقصان المية فى الرادياتير؟عربية 2008؟؟؟؟؟؟ظ

**جمال** · 17-11-2008 12:47 PM

دى غالبا رواسب فى البنزين , ومحتاج تنظيف دورة البنزين

**zeyad1810** · 17-11-2008 01:18 PM

الردياتير شبة فاضى يبقى فى مشكلة تسريب عندك فى دورة التبريد
انت بتقول رحت للتوكيل مرتين ( العوض جروب) قالوا العربية تمام ؟؟؟ طب ازاى كلة تمام ؟؟؟؟
شوف حد تانى يكشف ع العربية
بخصوص النتشة ممكن تجرب منظف رشاشات وتشوف النتيجة