جربتها ونفعت ..حد جربها قبل كده ؟؟؟...

كنت قريت قبل كده معلومة ...بس مش فاكر هنا بصراحه ولا فين ..إن العربية لو ماشيه على سرعة 20 كيلو ممكن تنقل للغيار التاني من غير ما تدوس دبرياج ولما توصل لسرعة 40 ممكن تنقل للغيار التالت ولما توصل 60 ممكن تنقل للغيار الرابع ..ولما توصل 80 ممكن تنقل للخامس ..كل ده بدون دبرياج ..

بصراحه أن قريت المعلومة ومحطيتهاش في دماغي ..بس قلت أجربها النهارده ..وفعلا وأنا على الغيار الأول وصلت لغاية سرعة 25 كيلو وقمت شايل رجلي من على البنزين وأول السرعة ما وصلت 20 ومن غير ما أدوس دبرياج جبت الغيار التاني ..وجه معايا بمنتهى البساطة والسهوله ..وطلعت على الغيار التالت برضه بنفس الطريقه

طبعا الموضوع ده يفرق جدا جدا جدا في حالة لا قدر كابل الدبرياج إتقطع أو الماستر ضرب وإنت في حته بعيده عن الميكانيكي ..فالطريقه دي تخليك ممكن تمشي بالعربية عادي جدا لغاية ما توصل للميكانيكي ..

أنا رأيي إن طريقه إستثنائية في القيادة .يعني ما ينفعش يبقى الطبيعي في سواقتك إنك تنقل بالطريقه دي ..

اللي جربها على سرعات أعلى من كده ياريت يفيدنا بتجربته

وسؤال تاني برضه ..هو ليه اللي حصل ده حصل .؟؟..يعني بطريقة تانيه في السؤال ..ليه الدبرياج هنا أو في اللحظة اللي انا نقلت فيها دي مكانش الدبرياج ليه دور في الموضوع ..او ليه الفتيس ما زعقش زي ما بقولوا ؟؟؟

الموضوع‏ ‏ده‏ ‏حصل‏ ‏معايا‏ ‏قبل‏ ‏كدة‏ ‏ومشيت‏ ‏٣٠‏ ‏كم‏ ‏بالطريقة‏ ‏دي

المشكلة ليست في السرعات الاعلى
المشكلة في النقلة الاولى من السكون للحركة

اقتباس:

---

المشاركة الأصلية كتبت بواسطة hilal

المشكلة ليست في السرعات الاعلى
المشكلة في النقلة الاولى من السكون للحركة

---

ما هي دي للأسف ملهاش غير إنها تيجي بالمارش :dumb:

اقتباس:

---

المشاركة الأصلية كتبت بواسطة abo_mazen

ما هي دي للأسف ملهاش غير إنها تيجي بالمارش :dumb:

---

حلاوتها بقى لما تضطر تهدى وتقف عند اشارة مرور
والعربيات تمشي شوية وتقف عدة مرات
متعة ليس بعدها متعة

اقتباس:

---

المشاركة الأصلية كتبت بواسطة hilal

حلاوتها بقى لما تضطر تهدى وتقف عند اشارة مرور
والعربيات تمشي شوية وتقف عدة مرات
متعة ليس بعدها متعة

---

وآه ...وخصوصا وإنت بتدورها بالمارش كده وهي عماله تتنطط بيك بدوارة المارش ..بتبقى كانك راكب جمل :E_braces[1]:

بص يا باشا الفتيس مازعقش علشان انت بتنقل الغيارات في الوقت المناسب بمعنى انك بتنقل في وقت بيكون تروس الفتيس معشقة في بعض (متداخلين مع بعض )
انت عايز تجربها من غير ما تبص على امبير السرعة وانت بتغير غير بالراحة هتلاقي ان عصاية الفتيس واقفة قبل الغيار الى أن التروس تيجي مع بعض وتلاقي الفتيس أخذ الغيار

اقتباس:

---

المشاركة الأصلية كتبت بواسطة mazen56

بص يا باشا الفتيس مازعقش علشان انت بتنقل الغيارات في الوقت المناسب بمعنى انك بتنقل في وقت بيكون تروس الفتيس معشقة في بعض (متداخلين مع بعض )
انت عايز تجربها من غير ما تبص على امبير السرعة وانت بتغير غير بالراحة هتلاقي ان عصاية الفتيس واقفة قبل الغيار الى أن التروس تيجي مع بعض وتلاقي الفتيس أخذ الغيار

---

يعني تقصد لو أنا ماشي على سرعه أعلى من كده بتكون التروس مش معشقه؟؟؟..معلش هتقل عليك ..ممكن تفصل شويه؟؟

الحوار ده بيخلي اسطوانه الدبرياج تتاكل بسرعه

فعلا كان سلك الدبرياج انقطع مني وانا بعيد عن البيت 80 كم وكلمت الميكانيكي قالي اعمل كدا. وفعلا بقيت اخطف الغيار بعد مكون دايس بنزين واشيل رجلي من علي دواسة البنزين مباشرتا.
وعرفت اجيب كل الغيارات.

واير الدبرياج اتقطع مني قبل كده وعادي فضلت ماشي بالعربيه اكتر من يوم كمان

اقتباس:

---

المشاركة الأصلية كتبت بواسطة M!SHO

واير الدبرياج اتقطع مني قبل كده وعادي فضلت ماشي بالعربيه اكتر من يوم كمان

---

وكنت لما تحب تتحرك من الثبات تدي الأولاني وتدور بالمارش والعربية تعقد تعمل jump بقى معاك ؟؟؟

Fff

اقتباس:

---

المشاركة الأصلية كتبت بواسطة abo_mazen

وكنت لما تحب تتحرك من الثبات تدي الأولاني وتدور بالمارش والعربية تعقد تعمل jump بقى معاك ؟؟؟

---

اه فعلاً ، كنت بدور وادوس بنزين على طول كانت بتقل شويه
المشكله الحققيه كانت في الزحمه ، لكن العربيه عادي كانت بتجيب الرابع والخامس ولا كإن فيه حاجه

الموضوع ده بيختلف من عربية لاخرى ولاسباب كتير منها حساسية رجل السائق والمسافة بين تروس التعشيق ومجموعة السينكرونيزر المسئولة عن تقريب سرعات التروس مع بعضها اثناء التعشيق
بس عموما التجربة هى خير برهان
والله الموفق

اقتباس:

---

المشاركة الأصلية كتبت بواسطة heshmbzm_f

الموضوع ده بيختلف من عربية لاخرى ولاسباب كتير منها حساسية رجل السائق والمسافة بين تروس التعشيق ومجموعة السينكرونيزر المسئولة عن تقريب سرعات التروس مع بعضها اثناء التعشيق
بس عموما التجربة هى خير برهان
والله الموفق

---

معنى كده إن اللي نفع في العربية عندي ممكن ما ينفعش في عربيه تانيه مع إتباع نفس المعايير

هي هتنفع ,المشكله مع طول الاستعمال فلانشة الغويشه بتشرخ.لان الدبرياج بيسمح بالتحميل التدريجي ,لكن التعشيق بالطريقة دي رغم بسهوله لانه تعشيق مسلوب لكن الفلانشه رقيقه ومع الوقت بتشرخ.

http://www.hitec-part.com/upload/201311161652546108.jpg

نحاس اصفر

حد جرب او يعرف الفاميه الحراري ؟؟
المفروض انه شفاف او عسلي
هل فعلاً بيحمي و يمنع حرارة الشمس من الدخول للعربية بجد ؟؟
ولا اشتغالة قبل الواحد ما يلبس فيه ( المترين ب 350 جنيه تقريبا ) !!!
ياريت اللي يعرف يفيدني

جربتها فعلا و نفعت ! حركة لذيذة اوي و مفيدة جدا كمان

و نفعت في كل الغيارات ، بس سؤال بالنسبة لعربيتي الي اصلا مش بتدور من غير دبرياج ، اعمل ايه عشان ادورها او اجيب الاول ؟

اقتباس:

---

المشاركة الأصلية كتبت بواسطة bassembbb

جربتها فعلا و نفعت ! حركة لذيذة اوي و مفيدة جدا كمان

و نفعت في كل الغيارات ، بس سؤال بالنسبة لعربيتي الي اصلا مش بتدور من غير دبرياج ، اعمل ايه عشان ادورها او اجيب الاول ؟

---

على فكره أنا سمعت إن حكاية الإكسيل اللي مش بتدور غير بالضغط على الدبرياج ليها طريقة كده بيفصلوا بيها حاجه بتخلي العربية تدور عادي من غير ما تدوس دبرياج ...بالنسبة بقى لموضوع الغيار من غير ما تدوس دبرياج أصلا خلي بالك عشان فيه رأي بيقول إن دي مش حاجه أساسية ..دي بتبقى طريقة إستثنائية في حالات الطوارئ فقط

اقتباس:

---

المشاركة الأصلية كتبت بواسطة Abo_Mazen

على فكره أنا سمعت إن حكاية الإكسيل اللي مش بتدور غير بالضغط على الدبرياج ليها طريقة كده بيفصلوا بيها حاجه بتخلي العربية تدور عادي من غير ما تدوس دبرياج ...بالنسبة بقى لموضوع الغيار من غير ما تدوس دبرياج أصلا خلي بالك عشان فيه رأي بيقول إن دي مش حاجه أساسية ..دي بتبقى طريقة إستثنائية في حالات الطوارئ فقط

---

انا فاهم، بس اعملها ازاي بقى في الطوارئ ديه :grin02:

اقتباس:

---

المشاركة الأصلية كتبت بواسطة bassembbb

انا فاهم، بس اعملها ازاي بقى في الطوارئ ديه :grin02:

---

بصراحه ..سؤال محرج :E_braces[1]:

اقتباس:

---

المشاركة الأصلية كتبت بواسطة bassembbb

انا فاهم، بس اعملها ازاي بقى في الطوارئ ديه :grin02:

---

هتعمل كوبري علي سويتش الدواسه

اقتباس:

---

المشاركة الأصلية كتبت بواسطة Mecha

هتعمل كوبري علي سويتش الدواسه

---

دي طلعت سهله أهي :E_braces[1]:

اقتباس:

---

المشاركة الأصلية كتبت بواسطة Mecha

هتعمل كوبري علي سويتش الدواسه

---

لا اشرحلي اكتر اعمل ايه كده :dumb:

اقتباس:

---

المشاركة الأصلية كتبت بواسطة bassembbb

لا اشرحلي اكتر اعمل ايه كده :dumb:

---

واضح عجباك اوي اللغليبه دي هههههه. هتلاقيه علي دراع دواسة الدبرياج بتحل الفيشه وتعمل الكوبري .بس تبا خسرت السيفتي الامان اللي بيوفره.

اقتباس:

---

المشاركة الأصلية كتبت بواسطة Mecha

واضح عجباك اوي اللغليبه دي هههههه. هتلاقيه علي دراع دواسة الدبرياج بتحل الفيشه وتعمل الكوبري .بس تبا خسرت السيفتي الامان اللي بيوفره.

---

طب سيبنا من ديه، افرض سلك الدبرياج اتقطع و انا في حتة، اعمل ايه انا بقى :grin02: اغني ظلموه؟ :grin02: :grin02:

اصل هدور إزاي ووهجيب الأول إزاي؟ ولا ملهاش غير زق بقى؟

تعبتكم معايا :dumb:

اقتباس:

---

المشاركة الأصلية كتبت بواسطة bassembbb

طب سيبنا من ديه، افرض سلك الدبرياج اتقطع و انا في حتة، اعمل ايه انا بقى :grin02: اغني ظلموه؟ :grin02: :grin02:

اصل هدور إزاي ووهجيب الأول إزاي؟ ولا ملهاش غير زق بقى؟

تعبتكم معايا :dumb:

---

لا ياعم بناقص السيكيورتي ..وبعدين هو فين السيكيورتي والناس كلها عارفاه أهو ..مصر كلها عارفه إن الإكسيل مش بتدور غير لما تكون دايس على الدبرياج ..عادي يعني

اقتباس:

---

المشاركة الأصلية كتبت بواسطة abo_mazen

لا ياعم بناقص السيكيورتي ..وبعدين هو فين السيكيورتي والناس كلها عارفاه أهو ..مصر كلها عارفه إن الإكسيل مش بتدور غير لما تكون دايس على الدبرياج ..عادي يعني

---

يا باشا سيفتي مش سيكيوريتي ,ملهاش دعوه بتأمين السرقه ,دي امان للسواق والعربيه عشان ميدورش ويخبط حد عشان نسي انها واخده غيار ,فبيدوس دبرياج لفصل الحركه حتي لو غيار بالخطأ.

اقتباس:

---

المشاركة الأصلية كتبت بواسطة mecha

يا باشا سيفتي مش سيكيوريتي ,ملهاش دعوه بتأمين السرقه ,دي امان للسواق والعربيه عشان ميدورش ويخبط حد عشان نسي انها واخده غيار ,فبيدوس دبرياج لفصل الحركه حتي لو غيار بالخطأ.

---

آها ..لا برضه يا عم ..بناقص السيفتي ..ما هي العربيات كلها أهي من غير أيتها سيفتي ..وبعدين ما هو لو ناسي إنه مدي غيار ودور بالدبرياج وهو هيقوم شايل رجله على أساس إنه مموره ..هوب ..هتقوم ناطه لقدام برضه

اقتباس:

---

المشاركة الأصلية كتبت بواسطة abo_mazen

آها ..لا برضه يا عم ..بناقص السيفتي ..ما هي العربيات كلها أهي من غير أيتها سيفتي ..وبعدين ما هو لو ناسي إنه مدي غيار ودور بالدبرياج وهو هيقوم شايل رجله على أساس إنه مموره ..هوب ..هتقوم ناطه لقدام برضه

---

مهو مفيش سواق مضبوط بيشيل رجله من الدبرياج نتش ,مش معموله اعتباطا .هي موازيه لشبيه في الاتوماتيك