الموضوع: ساعدوني في اتخاذ القرار

خليك عندك ..وضبط فيزا تانيه من هناك ..وإنزل مصر وإرجع على الفيز الجديده ..مفيش حل غير كده ...وجودك هنا هيصعب عليك إنك تلاقي حاجه تانيه هناك ...ناس كتيييييير بتعمل كده ...بتستغل وجودها في السعوديه مثلا عشان يلاقي فيزا تانيه ..ضبط حالك .كلم ناس ..شوف معارف ..شوف إعلانات ..وضبط الفيزا ولو تعرف ترجع بيها من عندك ..قصدي يعني الفيزا اللي هتلاقيها ..إرجع وبعدين نزلها على الباسبور وإرجع تاني ..حاول متعملش مشاكل مع كفيلك الفتره دي لغاية ما تضبط في حاجه تاني ..أنا عارف موضوع الفيز مبقاش سهل زي الأول ..ممكن حد يوعدك بإنه هيطلعلك فيزا ويخلى بيك ..ممكن حد يقولك أنا مقدم على فيز وأصبر شوية وتلاقيه كذاب ولا مقدم ولا منيل ..ولا يشغلك ..إنت في جميع الأحوال قاعد هناك على كفالة كفيلك الحالي ..وفي الوقت نفسه دن ومتهمدش غير لما تلاقي فيزا تانيه ..بص ..في جميع الأحوال طرح إنك تقعد في مصر غير مقبول ..على الأقل في الوقت الحالي ..وحكاية إنك ترجع وتحاول تدور على فيزا من هنا دي صعبة..لإن هنا المنافسه في البحث عن فيزا عمل في السعودية أصعب ..إنما من هناك ممكن تقابل صاحب العمل وتعمل معاه إنترفيو وتقنعه بنفسك وفي الآخر تاخد الفيزا وترجع بيها وتبقى ترجع عليها بإذن الله ..

ده رأيي من خبرات سابقه