برجاء إعطاء ارائكم في بعض الأشياء الخاصه بعربيتي Honda Civic 2000.
اولا: عندي صوت ونه من العجله الاماميه يمين .. هل أغير بليه العجله دي بس ولا الاحسن العجلتين الأمامي ..
وايه افضل نوع أشتريه من فضلكم ..
ثانيا : عند سرعه 140 ألاقي ال rpm عند 4000 وأثناء ذلك وبدون ما ازود بنزين ألاقي ال rpm ينط من 4000 الي 4300 مره واحده وفي الحظه دي العربيه تسحب شويه .. هذا لمده ثواني وبعدها يرجع الrpm الي 4000 .. ثم يتم تكرار هذا التغير من 4000الي 43000 والعكس اكثر من مره .. مش عارف تفسيره ايه ....
ثالثا : ايه رأيكم في زيت موتور هوندا ... 5w30 يتم تغيره كل 10000
انا شاري العربيه من شهور بسيطه وكان مالك العربيه ماشي علي الزيت ده .. مع العلم ان العداد 165000 كيلو .. بس كبس الماتور كويس جدا والزيت مش بينقص .. فرأيكو ايه في نوع الزيت والدرجة ..
رابعا: أشكركم جميعا وكل سنه وأنتم طيبين .. رمضان كريم