الموضوع: انا ف مصيبة كبيرة اوي اوي حد يلحقني

السؤال لأحد المحامين المتبرع بالفتاوى القانونية على أحد المنتديات المعروفه ..

السؤال :

هل يجوز عمل توكيل خاص للاخ القاصر؟؟


توكيل القاصر,
هل يجوز عمل توكيل خاص للاخ ذو الـ 19 عام ام لا؟ وما هي شروط عمل التوكيل؟ وهل يتطلب عمل التوكيل حضور الطرفين ام لا؟
ولكم جزيل الشكر




الإجابة :

عليكم السلام

لا يجوز توكيل القاصر لأنه لا يملك
تمثيل نفسه أمام الغير .. فكيف يمثل غيره ؟

والتوكيل بصفة عامة لا يحتاج الى وجود الوكيل
ويمكنك عمله بمفردك .............


إنتهى .......







بالنسبة للأخ اللي بيقول يروح المرور وممكن تعدي ..أنا عايز أقوله إنه ممكن يروح المرور يلبس قضيه ..عشان وارد قوي إن المرور يتهمه إن التوكيل ده مزور ..

دي غلطة موظف الشهر العقاري ..موظف الشهر العقاري شغلته أصلا إنه يتحقق من المستندات ويراجع كل حاجه فيها زي تواريخ الميلاد والأسماء والبيانات الشخصية ..كل حاجه ..عشان كده مفيش غير إن البائع يستدعى لعمل توكيل آخر صحيح ... ويكون الأمر بالتنسيق مع موظف الشهر العقاري حتى لو دخل الموضوع في إبتزاز لموظف الشهر العقاري إنه يطلع معاه بالدفتر عشان يتعمل توكيل تاني صحيح ..خلي بالك ..دي غلطة موظف الشهر العقاري ..

وأنا شايف إن هو يروح لمدير الشهر العقاري يقعد معاه ويحكيله على الموقف ويحاول يوجد تسويه مع مدير الشهر العقاري للمشكلة دي

المشاركة الأصلية كتبت بواسطة magoda

طب متروح تعمل توكيل بيع لوالدك وانتهى الحوار وروح لنفس الموظف

يا بيه ما إحنا قولنا قاصر ..يعني لا يتعمله توكيل ولا يعمل توكيل ..يعني التوكيل اللي إتعمل للراجل صاحب الموضوع توكيل فاسد

المشاركة الأصلية كتبت بواسطة PoP Sameh

تمام انا فاهم حضرتك ان التوكيل من او الي قاصر غير صحيح
لكن لو الموظف الغبي اللي عملي التوكيل
بنفس الطريقة عمل توكيل مني لوالدي
ايه بقي الضرر او المشكلة اللي هتحصل
اذا كان والدي هو اللي هيروح بالتوكيلات المرور ينقل ملكية
و المرور مش هيقدروا يكتشفوا ان في توكيل من 3 توكيلات فيه قاصر
لان المرور كل تعامله مع صاحب اخر توكيل بس كده
ايه رأيكم ف الكلام ده ???
انا اسف بجد تعبكم معايا

مين اللي قال لحضرتك إن المرور بيتعامل مع آخر توكيل بس ؟؟؟؟

الموظف في المرور بيفحص الورق اللي قدامه كله ..ممكن تعدي ..وممكن ما تعديش ..هي المشكلة بقى لو ما عديتش إن هي تتحول لقضيه ...عشان التوكيل ده كده فاسد ..واللي هيروح هيتم إتهامه بإنه مزور