الموضوع: هاجدد فى العربيه وعاوز خبرتكم

متابع

المشاركة الأصلية كتبت بواسطة ah-elgendy

انا معايا اوبل فيكترا 99 مانويل 1600 الموتور الاسود واحد كامه
هابتدى بالمشاكل اللى عندى
1-العربيه عاوز حساس tps ده لازم يتغير ولا فى حاجه منظف ليه ويشتغل تانى (انا لقيت سعره عند سرور 200 جنيه وعند المصريه ميدان لبنان 275 جنيه وهو هو )

2-محتاج تغير طرمبه باور المشكله فيها ان صوتها بيكون عالى لما العربيه تسخن الميكانيكى قالى هاتها زهر فى حدود 500 جنيه وسئلت عند الاخرس قالى 700 جنيه بالتركيب رائيكم ايه

3-عندى خبطه فى الرفرف خفيفه بس البويه وقعت محتاج سمكره والاكصدام الخلفى مكسور عاوز يتلحم وعاوز اغير البكيتات بتاعت الزجاج الامامى واشيل الصداء مصنعيه السمكرى تكون كام وهنحتاج رش فى حدود كام

4-بدل ما ارش الاتنين اكصدام قولت اعملهم كاربون اللى بيكون لون العربيه بس اعملهم فين انا سكان فى اكتوبر و شبرا مصر ويتكلفوا كام وهو فى طبه بتتباع مكان فوانيس الشبوره علشان سئلت عليهم لقيتهم ب250 جنيه

5-سئلت ع فوانيس العربيه القطعه واحده لقيت الواحد ب 275 جنيه عند سرور حد بيبيع بسعر ارخص منه

6-سقف العربيه الفرش بتاعه وقع ده ليه اصلاح ولا بيتغير جديد ويتكلف كام

7-عاوز اشترى كلاكس للعربيه وسمعتين علشان يبقى شغال اربع سماعات دول رينجهم كام

8-واخيرا الكبيره ااااااااااوى التكيف اصلحه فين ؟

ياريت الناس تفيدنى بخبرتها فى الحاجات ديه

فوانيس الشبوره الواحد ب200 جنيه انا لسه جايبهم والاحسن تشوف فى فيصل عند هانى اوبل

وحساس ال tps بيتنضف احسن

متابع و يا ترى الواحد يشترى رفرف استعمال ولا يعملهم سمكرة ارخص لانى فى مرة سالت لقيت سمكرة و دوكو هيبقو غاليين

المشاركة الأصلية كتبت بواسطة exelence

متابع و يا ترى الواحد يشترى رفرف استعمال ولا يعملهم سمكرة ارخص لانى فى مرة سالت لقيت سمكرة و دوكو هيبقو غاليين

الرفرف استيراد لسه جايبه من اسبوع ب1000جنيه بفوانيس الشبوره

وتعمل حسابك انك ممكن ترشه لو غير لون عربيتك يعنى هاتوفر سمكره بس

ولو هاترش انا من سنه رشيت اكصدامين ب250 جنيه والسمكره بالكتير 100 جنيه فى الاكصدام لو فيه شغل كتير