بعد تخفيض قيمة الجنيه مرتين متتاليتين في خلال ثلاثة ايام
اخشى ان تتبعها تخفيضات اخرى
علينا ان نستعد لموجة شرسة من غلاء الاسعار
عرض للطباعة
بعد تخفيض قيمة الجنيه مرتين متتاليتين في خلال ثلاثة ايام
اخشى ان تتبعها تخفيضات اخرى
علينا ان نستعد لموجة شرسة من غلاء الاسعار
الدولار متوقف عند 7.72 جنيه مصري
XE: (USD/EGP) US Dollar to Egyptian Pound Rate
ارتفع النهاردة ليصبح السعر الرسمي 7.83 في البنوك
متقولش كدة ارجوك يا دكتور هلال علشان متبقاش ضد الوطن و مروج للاشاعات و مش عاوز الخير لمصر و اتهامات كتير من الى الناس اتهمتك بيها قبل كدة
موجة الغلاء حتحصل بداية من التصريح بارتفاع سعر الدولار .... يعنى لسة مستوردناش حاجة بالسعر الجديد .... بس الاسعار حتزيد برضوا .... و ستواصل الارتفاع
الظريف ... ان رؤساء البنوك قالوا ان ده قرار كويس علشان تقريب سعر الدولار المصرفى من سعره الحقيقى ...... طيب ما عملوش الكلام ده من فترة ليه ؟؟!!!!
و بالرغم من انى من انصار اننا نواججه المريض بعلته فى وشه ... احسن ما نخبى عليه و نجيبهالوا وحدة وحدة .... بس لا انكر ان قرار الحد من ايداع الدولار كان عامل سيطرة على ارتفاع الاسعار
الاظرف ... ان مع زيادة الاسعار ... تلاقى زيادة فى اسعار الخدمات .... زى الكهرباء و الغاز ... اه .. نسينا البنزين
لنا الله
تقبل مرورى و احترامى
بصفة عامة و ببساطة .... الدولار هو العملة العالمية تقريبا .... ارتباط الجنيه بيه ارتباط شبه دائم ... و لما الفرق بينهم يزيد ... ده معناه ان الدولار بيجرى ... و الجنيه مش عارف يحصله و المسافة بينهم بنزيد ... طيب بقية العملات اخبارها ايه ... هما كمان بيجرى ورا الدولار ( اغلب العملات ) ... و العملات دى الان محافظة على المسافة الى بينها و بين الدولار
يعنى الجنيه هو الى بيتراجع .... و ممكن حضرتك تلاحظ قيمة الجنيه بالنسبة للريال السعودى مثلا .. او اليورو او الجنيه الاسترلينى ... و حضرتك ممكن تلاحظ الفرق
اخي احمد
للاسف فان الاجراءات التي اتخذها هشام رامز ليست سوى تأجيل للمشكلة وليست حلولا حقيقية
الآن بدأ تجار العملة يشترون الدولار من المصريين بالخارج بعد القيود المفروضة على السحب والايداع
وبحيث يتم البيع والشراء خارج مصر ، مما يؤدي الى زيادة حدة الضغوط على الجنيه المصري
نفس الشيء حدث في السبعينات ، ايام اشرف السعد وسامي حسن ، وغيرهم من كبار تجار العملة
عندها اضطر وزير الاقتصاد مصطفى السعيد الى رفع سعر الدولار من جنيه واحد الى 2 جنيه مرة واحدة
تخيل اننا نعيد نفس الحلول التي ثبت فشلها وكان نعيد اختراع العجلة.
شكرا على مرورك الكريم ودعك من صراخ الجاهلين الذين يعتقدون ان التقدم سيحدث بمجرد الهتافات
الى الخلف در ...
فى رايى المتواضع ......
فيه مشكلة اساسية .....
الاستسهال ... بمعنى ... اننا بندور على الحل الاسهل ... مش الحل الانسب .. و ده مرض متوطن فى المصريين ( و انا واحد من الناس دى )
الخطط طويلة الامد .... ربنا يدينا و يديك طولة العمر .... التفكير للمستقبل ... عيشنى النهاردة و موتنى بكرة .... طب نواجه ... ياراجل ... يعنى الى واجهوا اخدوا ايه !!!!
و الكثير من اساسيات طرق التفكير الى محدش عاوز يغلط و يجرب غيرها
حلول مؤقتة .... جميل .. طيب الحلول الجزرية ؟!! مفيش
اخطر افة تنخر فى المجتمع هى ارتفاع الاسعار ..... و بالفعل ... لنا الله
صبرا قليلا وسوف تتم الاطاحة بهشام رامز قريبا عندما تتضح معالم الجريمة التي ارتكبها في حق الجنيه المصري
للأسف .... الاطاحة بيه مش حتكون حل .... و اتمنى من الله ... انه يتحاسب على قراراته دى ... او على الاقل يوضح ليه القرارات دى .... بس على رأى واحد صديقى .... يعنى الى قبلوا اتحاسبوا علشان يتحاسب ده !!!
المشكلة تحليلها بسيط لكن حلها مشكلة كبيرة و مفيش حل قصير الامد و الحل محتاج سنين ......ببساطة الدولة تعتمد على الاستيراد تقريبا فى كل شئ و لنقص الاستثمارات فى مجال البترول تحولنا من دولة منتجة للنفط و الغاز الى دولة مستوردة للطاقة, و مستوردين لمستلزمات الانتاج يعنى حتى منتجاتنا المصنعة معظمها مبنى على الاستيراد, و الغذاء حدث و لا حرج نستورد من العدس و الفول و اللحوم و القمح و علف الدواجن الخ..... أذن أقتصادنا يعتمد على الاستيراد و الاستيراد يعنى الدولار......و الدولار اصبح شحيحا لأسباب كثيرة أهمها انكماش السياحة و انخفاض التصدير 25% و انخفاض الناتج من النفط و الغاز من الايجاب الى السلبى و انكماش الاستثمارات, أضافة أخرى حل ميعاد سداد قرضين واحد لقطر حوالى مليار دولار و الاخر لنادى باريس حوالى 700 مليون دولار......يعنى من الاخر الله يعين المسؤلين و يعنا معهم.....الحل على المدى القصير.....مفيش.....مزيد من ربط الاحزمة و مزيد من شح فى الدولار وشح فى البضائع و المنتجات ومزيد من ارتفاع فى الاسعار والحل "الوحيد" هو زيادة مدخول البلاد من الدولارات و تقليل الاستيراد و توقعاتى (بناء على المواقع الاقتصادية على النت) سيصل الدولار الى 8.15 جنية و ربنا يسترها علينا كلنا
ربنا يستر
لخطة : باتت تكون محفوظة
*دور الاخوان : انهاك آمن مصر من الداخل و الحدود .........
*دور الطابور الخامس في النقابات :الاثارة والتهييج للعصيان وزيادة الرواتب
*دور الحركات الاعلامية في 6 ابريل والاشتراكيين الثوريين : اثارة وتهييج الشعب بارتفاع الاسعار
*دور نقابة الصحفيين والاعلام : فبركة الاخبار "فن صناعة الشائعات" لتشكيك دائما في الدولة مع كسر الروح المعنوية
*دور المخابرات (الامريكية - التركية - القطرية) : تمويل تدريب
الهـدف :
نزيف الدولة اقتصاديا وكانت رد الفعل سريعا سقوط الجنية امام الدولار و البورصة و الهدف اسقاط الدولة عقابا للمصريين على 30 -7 وخلع الاخوان
يعني الواحد يلحق يحول فلوسه لدولارات النهارده قبل بكره و لا ايه الوضع بالظبط ؟؟؟
كلها شهر وقناة السويس الجديدة تشتغل
والجنيه يبقى بعشرة دولار مش العكس
والحكومة تخلي المرتبات بالدولار بدلا من الجنيه لوفرة الدولار في البنوك بدون استخدام
والايفون 6 بلس حيبقى بـ 200 جنيه
والعربيات الفارهة وما ادراكم ما العربيات الفارهة حتبقى بكام الف جنيه
ومظاهرات تطالب ببيع البنزين بالدولار بدلا من الجنيه لقيمة الاحتفاظ بالجنيه
وكروت الشحن حتبقى فئة الجنيه وفئة نص جنيه وفئة ربع جنيه
الاخ العزيز د هلال الفاضل شكرا على ردكم الكريم , لكنى فى الحقيقة غير متفائل بحلول سريعة قصيرة الاجل , و المنظومة المصرفية الان فى مصر تعيش قوانين و قررات استثنائية من تقيد التصرف فى الودائع الدولارية " و لهم كل الحق فى الظروف الحالية" مع صعوبة جذب الاستثمارات و انخفاض الصادرات , مش عارف ....بلد زى بنجلادش فى طريقها لتكون نمر شرق اسيوى عن طريق امور بسيطة مثل مصانع وورش المنسوجات فى طول و عرض البلاد و كلها تقريبا موجهة للتصدير و الهند اصبح العائد من البرمجيات و الاتصالات ( خدمات) يقترب من دخلها من الحديد و الصلب..... حتى ده يحتاج الى سنوات و سنوات حقيقى مش شايف اى حلول سريعة الامل فى المستقبل اكثر اشراقا و لكن على سنوات مش قليلة...... يا ريت اقدر اكون اكثر تفائلا ..مع خالص تحياتى
كلام جميل أوي
ومختصره في جملة واحدة
وهي إن في عصابة بتنهش في البلد وخربتها وخلتها على الحديدة وعلى رغم فشلهم المفضوح في ناس لسة بتطبلهم علشان على هواهم وشوف المليارات اللي كانت بتنهال علينا من الخليج راحت فين واتصرفت على ايه وحسنت الاقصاد في ايه وانت هتعرف إني على حق
مهما كل واحد قعد يطلع نظرية اقتصادية وحلول علشان ترفع من الوضع الاقتصادي فكله هيبوء بالفشل لأن الأساس خربان طول ما العصابة دي لسة موجودة وأي فلوس هتيجي هتتنهب أول بأول والفجوة هتزيد أكتر بين الحرامية وبين المواطن الغلبان اللي بياكل من الزبالة
لكن شوف دولة زي تركيا مثلا كان وضعها الاقتصادي عامل ازاي ولما مسكها واحد نضيف وشريف بقت عاملة ازاي (طبعا ذكر كلمة تركيا لوحده بيجيب هسهس للجماعة اياهم اللي بيطبلوا للعصابة اياها بس يارب نبقى ربع تركيا بس اللي اقتصادها أصبح من أقوى الاقتصاد في العالم)
ملحوظة: كلامي ملوش دعوة بالسياسة ده كلام خاص بالوضع الاقتصادي !
من اعطى هؤلاء الفشلة الحق في التصرف في الودائع الدولارية للمواطنين
مجموعة من الوزراء لم يأتوا بطريقة ديمقراطية من خلال نواب شعب يختارون حكومة
من يعطيهم الحق في قرارات تمنع مواطن من التصرف المطلق في أمواله
ومتقوليش دولة كذا عملت كذا
دولة كذا تدار بالديمقراطية وعندما يأخذون قرارات مثل التقشف فيكون أيضا بالديمقراطية
الموضوع بسيط جداً
الدولار سعره مش هايبدأ ينزل ولا حتى يستقر إلا لما واردات مصر من الدولار تبدأ تتزايد.
تتزايد إزاي؟ عن طريق الآتي:
- إزدهار الصادرات
- عودة السياحه
- زيادة تحويلات المصريين من الخارج
- تزايد ثقة المستثمرين الأجانب في الإقتصاد المصري وبالتالي تشجعهم على الاستثمار في مصر
ارجو من الاخوة الكرام التركيز على الجانب الاقتصادي والابتعاد عن التناحر السياسي حتى لا يتعرض الموضوع للحذف
اقدر مشاعركم جميعا
والحل ايه ..؟
قال مدير قطاع الخزانة وإدارة الأموال لدى أحد البنوك الخاصة ان استئناف البنك المركزى لسياسة خفض العملة المحلية أمام الدولار تدعم احتمالات وتوقعات قائمة بوصول الجنيه لمستويات تترواح بين 8 و 8.25 جنيها للدولار فى الأجل القريب.
وسمح المركزى اليوم الأحد بتراجع جديد لقيمة العملة المحلية أمام الدولار بواقع 10 قروش لتصل الى مستوى 7.73 جنيها للدولار فى المزاد الدورى و 7.83 جنيها بالبنوك
وأشار مدير الخزانة إن قرار البنك المركزى بخفض قيمة الجنيه 10 قروش فى مزاد الخميس الماضى جاء مفاجئاً لكل المتعاملين فى السوق المحلية فى ظل اختفاء السوق السوداء لتداول الدولار وتقليص هامش الفجوة بين اسعار التداول فى السوقين الرسمية والموازية منذ قرارات مارس الماضى.
وفسر مدير ادارة الخزانة خفض قيمة الجنيه بالتزامن مع إعلان الحكومة الموازنة العامة للعام المالى الجديدة 2016/2015، والتى تقتضى فرض خطط اصلاح جديدة لخفض عجز الموازنة المستهدف الى نسب تتراوح بين 8.5 و%9 كما هو معلن من المسئولين، لافتاً الى ان الفترة المقبلة ستشهد عددا من القرارات الاقتصادية المهمة.
واضاف ان الحديث عن حزم مساعدات جديدة من دول الخليج فى مشروع الموازنة الجديدة، بات صعباً الامر الذى قد يوجه انظار مسئولى الحكومة الى طرق ابواب صندوق النقد الدولى للاقتراض منه لتحقيق مستهدفات عجز الموازنة العامة خاصة بعد ان نجحت فى تسويق سندات دولارية فى الأسواق العالمية يونيو الماضى، مشيراً الى ان تخفيض قيمة الجنيه ابرز شروط الصندوق لمنح قروض جديدة لمصر.
وتخوف من تاثير القرار سلبياً على تحويلات المصريين فى الخارج لاسيما فى ظل زيارة رغبة الاحتفاظ بالعملة الأجنبية تحوطاً من خفض مستمر فى قيمة الجنيه على خلفية تراجع الاستثمارات الأجنبية المباشرة والايرادات السياحية وسط زيادة فى الطلبات.
الكلام ده انا سمعته فعلا النهاردة. .......زاد مرتين خلال الاسبوع الحالي. .....وده مربى الرعب ليا من ارتفاع الأسعار
اردوغان ديكتاتور و بيبعثر في فلوس الشعب يمين و شمال و اللي بينزل مظاهرات بيتعمل معاه الصح زي مصر كده بالظبط
لنا في حوار قفل تويتر عبره ... القصر الجديد ... المظاهرات الاخيره
انا مش هقول حرامي او لأ عشان الله اعلم بيه
بس معاك حق ان نقل تركيا نقله نوعيه و خلي الجيش علي الحياد من السياسه
و دي خطوات ممتازه اتمني اشوفها في مصر
سوف تنشأ مشكلة أخرى تتلخص في ان هذه الزيادة في سعر الدولار سوف تدفع الكثير من الناس لشراء الدولار وتحويل مدخراتهم من الجنيه المصري إلى الدولار ، وهذا في حد ذاته يزيد من حدة المشكلة ، ويقلل من فاعلية الاجراءات التي ستلجأ اليها الحكومة
خطر الدولارة فى الداخل مقدور التغلب عليه برفع الفائدة على الودائع بالعملة المحلية لأغراء الادخار بالعملة المحلية وده اللى كان حاصل فى السبعينات ووصلت الفائدة الى 18% و ان كان ده هيرفع نسبة التضخم لكن المشكلة الحقيقية هتكون فى انخفاض تحويلات المصريين بالخارج و اعتقد ان الدولة هتجد نفسها مجبرة على فرض ضرائب على العاملين بالخارج لتعويض فرق نقص التحويلات و ده حصل فعلا مرتين قبل كده فى التسعينات.
معظم دول الخليج حرامية وبينهبوا فلوس بس معيشين شعوبهم في رفاهية ونعيم ومش بيجوروا على حقوقهم
أمريكا أم الحريات بتعمل في المظاهرات والمتظاهرين أمرّ من اللي أردوغان بيعمله بس برده عندهم حريات وممكن تشتم رئيس الدولة نفسه وميحصلكش حاجة (سبحان الله !)
أردوغان مثبتش عليه قضية فساد واحدة وسيبك من الهري بتاع الإعلام بتاعنا بتاع القصور والكلام ده بس حتى لو حصل فشوف الأول هو نقل شعبه من إيه لإيه شوف بلدهم كانت إيه ودلوقتي ايه فحتى لو حرامي بس برده مبيجورش على حق حد ومظبط شعبه
أنا معنديش مانع يحكمني واحد حرامي ونصاب وفيه كل العبر بس يعيشنا في رفاهية وحرية زي الشعوب دي لكن تبقى حرامي وناهب مليارات ومش مكفيك وعايز تنهب قوت الغلابة كمان ؟! تبقى عايز تتعدم في ميدان عام بالقباقيب
بلد زى مصر مبتلى بموظفين حكومة وجهاز شرطة بيستحقروا اصحاب المهن الحرة على اعتبار انهم فئة ملطشة ملهمش ضهر .. اية الى يخلى المستثمر يبدأ نشاطة وهو عارف ان محدش هيحمية من حقد الموظف الحكومى الى ممكن يفرض علية غرامات ويحرك قضايا كيدية وتعسفية و ممكن يسجنة .. محدش هينصفة حيال انقطاع المرافق والخدمات عن نشاطة اﻻنتاجى بحجة تخفيف اﻷحمال.. محدش هيتحاسب لو انقطعت الكهربا عنة لأيام وخسر شقا عمرة ..محدش هيقف جنبة لو رئيس المباحث بعت رجالتة برهبوة ويطفشوة من ارضة ومزرعتة ازاى هيكون شعورك لو جاتلك اوامر تقفل ورشتك بكرة لأسباب امنية..عشان زيارة المسؤول الفﻻنى وهيعدى من الشارع بتاعك اية شعورك لما يقولولك قبل زيارة المسؤل اخلى الشارع من عربيتك الى راكنها امام شركتك يا اما هنكسرلك زجاجها عشان ندور على متفجرات.. ازاى بتدور عﻹنتاج واحنا فى غابة ؟ ازاى ندور عالتفوق واحنا ممكن اى حد يصطاد اى حد من الشارع او من قلب بيتة ويمرمطة ويجيبلة اعدام ؟مش شايف ان دى بﻻهة؟ يا استاذنا الفاضل البلد بلدهم الخدمات واﻹمتيازات والزيادات والتعيينات والحماية والعﻻجات ليهم..خليهم بقى يسدوا فيها ﻻطالما هما اختصروا صورة البلد فيهم .. طالما بيقصوا ويقصوا افضل الكفاءات واصحاب الضمير فى مقابل الحفاظ على كراسيهم خليهم يشربوا.. وكراسيهم حاليا مراجيح والشعب الخانع عن حقوقة يستاهل البلد ﻻ فيها طبيب بيشتغل صح وﻻ محامى بيشتغل صح وﻻ مهندس بيشتغل صح وﻻ مدرس بيشتغل صح تنتظر منها اى انتاج؟ بلد التﻻعب بالثوابت سمتها والأخﻻقيات الحقيرة ديدنها وأغلب أئمتها اشتروا دنياهم بدينهم وإعﻻمها خانها هتنتظر منها اية؟ احنا بﻻدنا عموما ﻻ ينظر لها النظام العالمى على انها مجتمع بشرى وانما رعاع على البحر المتوسط ومحطة بنزين كبيرة بشبة الجزيرة العربية .. وقد ولوا علينا من يحمى ذلك ويغتال أحﻻمنا..البداية هى اﻹنسان واﻹنسان يعنى ببساطة صوت انتخابى نزية.. انتهى
للاسف يا دكتور حدث العكس
حيث تم زيادة الفوائد على الودائع بالدولار ، لتشجيع الناس على ايداع ما لديهم من دولارات بالبنوك
وهذا في حد ذاته يشجع الناس على دولرة مدخراتهم والتخلي عن الجنيه
فما هو العائد من زيادة الفوائد على الودائع بالجنيه ، ثم سحب هذه الفوائد من خلال تخفيض قيمة الجنيه؟
فما تقدمه باليد اليمنى تسحب اكثر منه باليد اليسرى