المشاركة الأصلية كتبت بواسطة mankindforce
رأيي فالتقرير بكل موضوعيه, مع العلم انى
كنت نازل اخلص قيها و فأخر لحظه نزل عرض علي سيات توليدو, رحت جايب التوليدو.
1- الشنطه بدون نقاش فعلاً ضيقه جداً.
2- مش ناشفه خالص فالمطبات.
اظبت الكاوتش علي 29 او 30 هتلاقى العربيه ارتاحت جداً معاك.
32 دى فالدول اللى مافيهاش مطبات.
3- موضوع الكماليات ده فى اي عربيه كده, عشان كل واحد يجيب علي قد اللى يدفعه.
كمثل بسيط مرسيدس e-200 2015 اول فئه مافيهاش مرايات ضم كهربا, اوبشن اهبل, بس كل فئه و ليها سعرها فى اى عربيه.
4- ماجربتش دايموند
ساعات بصلح حاجات عند سعودى اللى على طريق اسماعيليه, كويس مش وحش.
لو شاريها بضمان دايموند لازم تعمل عندهم الصيانه او مركز صيانه معتمد من دايموند و إلا هيروح الضمان.
5- السنتر مش فى كل العربيات كده.
6- العزل فعلاً ضعيف.
بعض فئات الخليجى, و ما اكثرهم, بتنزل بعزل افضل من الوكيل.
صوت الموتور عالى عشان سبورت.
7- الصاج ضعيف من ايام البومه, انا معايا واحده, لو سندت على الرفرف زياده شويه هيتكبس.
و اغلب العربيات اليابانى و الكوري كده.
8- بردو كماليات و كل فئه و ليها سعرها.
9- قطع غيارها غاليه فعلاً, زي اي قطع غيار اصلي, و نشدد على كلمة اصلي.
ليها قطع غيار تجاري كتير مغرقه السوق و سعرها معقول.
شىء الصراحه هفتقده فالتوليدو و ربنا يستر.
10- انا رديت علي الموضوع ده.
الاكصدام الاصلى قبل الدهان لونه ابيض.
الاسود ده تايوانى او صينى و اى حاجه تانيه.
تحياتى