تقرير عن عربيتى الAudi Q3 بعد مرور سنه

**Dr.EHAB GHAREE** · 07-07-2015 05:13 AM

طبعا كلام حضرتك انا متفق معاه 100% بالنسبه للتسارع وتفهمت وجهه نظرك.لكن اللى انا حبيت اوصله ان موتور اودى الجديد بيكشف عن تكنولوجى محترم اللى يقدر يخلى عربيه وزنها مش قليل بسعه 1400 انها تخرج 150 حصان وتسارع 0-100 فى 9 ثوان ده بصراحه انا شايفه نقطه ايجابيه فى حق الاودى.مع الاخذ فى الاعتبار ال BMW X1 كانت 2000 سي سي والتسارع بتاعها اقل
النقطه التانيه وهى انا يوميا سايق ع الطريق ومعظم اللى كانوا بيشدوا معايا عالطريق كانوا الانترا -اوكتافيا-سيراتو-استرا-تويوتا-سوبارو-فلونس- بى ام 316-c180-جيب رانجلر وكل دول كان تسارعهم اقل من q3
والحق يقال ان عربيتين هما اللى علموا عليا ولكن بصعوبه الاولى كانت مرسيدس E280ومعلش دى مكنه قد مكنه عربيتى مرتين وتمنها معدى
والتانيه كانت bmw 328 من شهر عالصحراوى ودى مكنه 2000 وكمان 180 حصان وتسارع بتاعها اقوى وتمنها 580 الف
المره الجايه بقا ربنا يوعدنا بR8 ولا TT وRS7 عشان اكتب بقلب جامد عن التسارع اللى فى 3.5 ثانيه
وطبعا بشكر وجهه نظر حضرتك مره تانيه واتشرفت بتعليقك

**m-f-b** · 07-07-2015 11:55 AM

السلامو عليكم تقرير رائع اؤيد كل ماجاء فيه ( السيارة معى منذ 9 شهور ) ولكن فى حاجتين مهمين جدا
1- مفيش اى طقطقه ولا زنه ولا اى صوت ولا اى تزيق بعد تقريبا 40000 الف كيلو
2- العربيه مرييييييييييييييييييييييي يييحه جدا وسبتا جدا بعد 210 ( دى بقى اهم حاجه عندى ان بعد اى سفر طويل اقدر انزل اشتغل واقضى عمل )

**Dr.EHAB GHAREE** · 07-07-2015 02:23 PM

فعلا وانا بضم صوتى لصوت حضرتك فى موضوع الثبات

**banzai** · 07-07-2015 05:19 PM

المشاركة الأصلية كتبت بواسطة Dr.EHAB GHAREE

والحق يقال ان عربيتين هما اللى علموا عليا ولكن بصعوبه الاولى كانت مرسيدس والحق يقال ان عربيتين هما اللى علموا عليا ولكن بصعوبه الاولى كانت مرسيدس E280ومعلش دى مكنه قد مكنه عربيتى مرتين وتمنها معدى
والتانيه كانت bmw 328 من شهر عالصحراوى ودى مكنه 2000 وكمان 180 حصان وتسارع بتاعها اقوى وتمنها 580 الف
المره الجايه بقا ربنا يوعدنا بR8 ولا TT وRS7 عشان اكتب بقلب جامد عن التسارع اللى فى 3.5 ثانيهومعلش دى مكنه قد مكنه عربيتى مرتين وتمنها معدى
والتانيه كانت bmw 328 من شهر عالصحراوى ودى مكنه 2000 وكمان 180 حصان وتسارع بتاعها اقوى وتمنها 580 الف
المره الجايه بقا ربنا يوعدنا بR8 ولا TT وRS7 عشان اكتب بقلب جامد عن التسارع اللى فى 3.5 ثانيه

يا كبير انت عربيتك موتورها اقتصادى معموله علشان توفر فى البنزين ده 1.4 لتر مش 3.5 6 سلندر
انت الفتيس ال dsg و تسارعه و تجميعه مع عزم التيربو اللى طالع على ار بى ام قليل هو اللى بيديك احساس ان العربيه سريعه و ده شىء كويس مش وحش
بس انت اللى فتحت صدرك على الناس , و يا سيدى مش لازم r8 و لا tt
انا ممكن ب 45 الف جنيه ازعلك جامد هجيب سيفيك موديل تمنينات كحيانه و هسقطلها مكنة التايب ار b18c
200 حصان و 185 نيوتن عزم من 1.8 لتر تنفس طبيعى من غير تيربو على وزن العربيه 900 كج و شوف بقى
التسارع هيبقى عامل ازاى

**Anxs111** · 08-07-2015 04:04 AM

very nice review, thanks man....
i am completely convinced thats the car i should buy if Liam in egypt
how about the space in the rear seats , is it too tight or ok... (compare to X1 for example)

**kaza** · 08-07-2015 04:56 AM

المشاركة الأصلية كتبت بواسطة banzai

يا كبير انت عربيتك موتورها اقتصادى معموله علشان توفر فى البنزين ده 1.4 لتر مش 3.5 6 سلندر
انت الفتيس ال dsg و تسارعه و تجميعه مع عزم التيربو اللى طالع على ار بى ام قليل هو اللى بيديك احساس ان العربيه سريعه و ده شىء كويس مش وحش
بس انت اللى فتحت صدرك على الناس , و يا سيدى مش لازم r8 و لا tt
انا ممكن ب 45 الف جنيه ازعلك جامد هجيب سيفيك موديل تمنينات كحيانه و هسقطلها مكنة التايب ار b18c
200 حصان و 185 نيوتن عزم من 1.8 لتر تنفس طبيعى من غير تيربو على وزن العربيه 900 كج و شوف بقى
التسارع هيبقى عامل ازاى

مش للدرجة دي ...هات اونو تربو 1400 او بونتو تربو ومش هيكملو ال45000 وفعلا نشوف مين اللي هيعلم ....مشكلة كل عضو اشتري عربية جديدة بتاخدة الانا لدرجة اقناعك انة جاب اللامبرجيني او الزوندا او الفايرون وربنا يهدي ....لاني كل ما اتكلم بيتقال عليا اني اسلوبي هجومي ...الاودي بموتورها اقتصادي بمحرك مرن وليس موتور رياضي زيها زي 508 بموتور صغير مشحون الغرض الاساسي الاقتصاد في استهلاك الوقود زي ما ذكر ...واي عربية بموتور رياضي او محرك كبير امثال ما
ذكرت بالاضافة للهوندا او ميتسوبيشي لانسر ايفليوشن او نيسان اوتويوتا بمحرك 1.8فاعلي هتخلي الطيارة الاودي موتوسيكل جاوة ...العربية جديدة مبروكة عليك وربنا يعوضك في المبلغ اللي دفعتة واهه بتنبسط ليها وباللي دفعتة وخصوصا في بلاد الاهرام والتي لا يوجد بها مكان سوي للكوري والصيني والهندي الا من رحم ربي

**Zyad Farghal** · 08-07-2015 08:11 AM

طبعاً مبروك لحضرتك وربنا يكفيك شرّها..
بس طريقة حضرتك في الكتابة مستفزة نوعاً ما.

**رامي مصطفى** · 08-07-2015 12:39 PM

الغريب ان كل ايللي بيعلق بيعلق ع التسارع والكماليات
ولا واحد علق ع احترام الاخر حتى بعد مانوهت بأسلوب غير مباشر (العالم البق بتوع dsgر!!!!!!!!!!)
!!!!!!!!!!!!!!!!!!!!!!!!!!!!!!!!!!!!!!!!!!!
والاداره :للأسف crying1:

**Dr.EHAB GHAREE** · 08-07-2015 02:25 PM

انا حاولت اعمل تعديل يا جماعه للجمل المستفزه فى الموضوع وللاسف معرفتش حتى لما لقيت الموقع مشير الريبورت عالفيس انا سارعت وكتبت اعتذار فى كومنت للناس اللى حتستفز من اى كلمه لما تقرا الموضوع
وانا كنت بكتب بروح المداعبه وليس السخريه من حد
وانا بعتذر لكل اللى زعل من كلمه انا كاتبها

**عﻻء سالمان** · 28-08-2015 03:06 PM

مبروك يا دكتور ايهاب المجموعة المالكة لأودى انتزعت من تويوتا صدارة العالم خﻻل النصف الأول من 2015 .. اختيار موفق

الموضوع: تقرير عن عربيتى الAudi Q3 بعد مرور سنه

LinkBack

أدوات الموضوع

عرض

-

-

المواضيع المتشابهه

تقرير مصور عن الصيانه الأخيره فى عربيتى

اخيرا تقرير عن عربيتى الماروتى الجديدة..

تقرير عن عربيتى الجديدة

تقرير كامل عن عربيتى هيونداى فيرنا 2000 سى سى.

عربيتى مرور دمياط وعايز انقلها القاهرة اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة