الموضوع: استفسار بخصوص السفينة الالمانية 300sel أو w126مرسيدس

شباب لو سمحتوا عايز اعرف كل حاجة عن مرسيدس 300sel من أول سعرها بيتراوح من كام لكام للموديلات من ( 82 إلى 86 ) إلى ضريبتها السنوية لحد استهلاكها فى البنزين لكل 100 كم مروراً بتوافر قطع غيارها وسعرقطع الغيار ( غالى و لا رخيص بالنسبة لباقى الفئات ) واى حد يعرف يشتغل فيها و لا صعب ؟؟
و فين الاماكن الموثوق فيها اللى ممكن نلاقي فيها الموديل ده سواء فى القاهرة او الاسكندرية و يفضل الاسكندرية فى الاساس
يصراحة العربية داخلة دماغى جداً و بفكر فيها و انا صاحى و بحلم بيها و انا نايم
حاجة اخيرة ومهمة بالنسبة ليا أنا لسه متعلم سواقة جديد وبسافر كتير لأن بين مكان اقامتى و مقر عملى حوالى 700 كم فبسافر حوالى اربع مرات المشوار ده فى السنة فهل العربية دى تبقى مناسبة ليا و لا ترشحوا ليا حاجة تانية ؟؟ ولو انها عجبانى كفاية انها مرسيدس .
ارجو انكم ما تبخلوش عليا فى الرد و شكراً مقدماً لكل من سيتعب تفسه و يرد عليا
اخوكم محمد

العربية دي مرة خبطت فيها وكنت راكب فيات 132.
المرسيدس والله محصلهاش حاجة تماما غير شوية تراب علي الإكصدام بتاعها
العربية 132 غيرت إكصدام ورفرف يمين و 2 فانوس وشبكة ومروحة ريداتير.

دي مدرعة فعلا مش عربية