المسافة كانت طويلة فأجرت سائق..جاب سرعة 145 كم ساعة والتكييف على 3لو سمحتم ياجماعة انا كنت هشتري شارك فئة تانية خليجي ب 148 الف بس لما ركبت العربية ماارتحتش فيها وقطع غيارها الغالية مشكلة كبيرة طبعا بالنسبة للعربية
فاانا كان قدامي عربية بومة 2012 بس موتورها 1300 cc اوتوماتيك وماشية 70 الف كيلو او اقل بشوية صغيرة والعربية كويسة جدا وحالتها كويسة ورشة نضافه ومتركب ليها جنوط
وعامله فى حدود 80 الف جنيه او 82 بالكتير هي بتاعت واحد صاحبي .
وهو هيبيعها لانه جاب مرسيدس c180 وهيجيب ix 35
بس ناس كتير قلقتني من حوار التكييف بيقولولي السحب هيبقي زفت مع التكييف ومش هتجيب اكتر من 120 وبيقلولي شوف مانيوال احسن
بس سالت واحد معاه العربية قالي ان العيب اللي في ال 1300 اوتو بيكون فى بداية السحب لحد 80 وبعد كدة ولا اي اندهاش العربية بتسحب معاه كويس جدا
وواحد تاني قالي اليابان مش عبيطة علشان تعمل عربية ماتورها مش هيستحملها مع التكييف
وغيرهم حذرني قالي بلاش من ال 1300
وللعلم دي هتبقي اول عربية اركبها خاصة بتاعتي يعني مش كان معايا عربيات قبلها
كنت مقضيها عربيات اصحابي وايجارات
افيدوني افااااادكم الله
ومعلش اسف لو طولت عليكم ..
المفضلات