الموضوع: شارك و لا النترا زيرو

صدقني لما بتقارن الاتنين ببعض حسيت بأهانه للماتسوبيشي حتي لو فيها عيوب للاسباب الاتيه .......
اولا اساسيات العربيه الماتسوبيشي تفرق كتير عن الالنترا في الاعتماديه والامان والثقه وعلي رأسهم الماتور والعفشه والشاسيه والكونترول يمكن يكون صوت الماتور عالي بعد 140 بس في المقابل سير كاتينه حديد يكفي ترييح الدماغ واني اكون مطمن ثبات العربيه حدث ولا حرج .اداء العربيه علي الطريق لاتوصف
مميزات الالنترا التبلوه شكله جميل .قطع الغيار متوفره بزياده بحكم انها هيونداي
انما كا سياره والي يسوق الاتنين هيقدر يحكم وبجداره للماتسوبيشي............
اتمني حاجه في اي مقارنه ان لو حد طلب افضليه او مقارنه بين عربيتين اكون مجرب الاتنين مش مجرب واحده او اشتريت واحده تكون هي دي التوب لا اكون مجرب الاتنين واقدر اقيم بعدها

المشاركة الأصلية كتبت بواسطة أحمد محمد

فتحة السقف تبدأ من الفئة الثانية للإلانترا، وفي الفئة الأخيرة للانسر، فإذا قارنت هاتين الفئتين، فالميتسوبيشي أفضل؛ فوسائل الأمان فيها أعلى، كما أنها مزودة بمفتاح ذكي وتكييف أوتوماتيكي، ويمكن طي المقاعد الخلفية لزيادة اتساع حيز الأمتعة. هذا غير أن اللانسر تتميز عن الإلانترا باقتصادها في الوقود وارتفاع بطنها عن الأرض.

كلامك صح فعلا يا أستاذ أحمد

سيدي الفاضل ....اركب الاثنين وقارن الميتسوبيشي ضيقة جدا عن الالنترا سواء في الامام او الخلف وشكل التابلوة والخامات سواء للكراسي والصالون افضل للالنترا العزل والنعومة افضل الالنترا النعومة واستهلاك البنزين وقوة الموتور الالنترا يكفي ان الالنترا بتعمل معايا 6 لتر لكل 100 كم وبمعدل سرعة بين 120-100 في السفر وداخل البلد مابتعديش 7لتر لكل 100 كم ....قطع غيار منتشرة اكتر وارخص من الميتسوبيشي الشارك وبمراحل ....ثبات مش بطال ابدا علي السرعات العالية حتي 200 بس بالعقل مش فووووو وبالاخص في التجاوزات لان الجزء الخلفي لية تفكير لوحدة غير باقي العربية .....نور واوبشن وحركات وشكل جذاب الالنترا ....سرعة بيع وتمسك فلوس اظن الاتنين زي بعض بس الالنترا بانتشارها عن الشارك افضل في البيع ودة اعتقادي ومش لازم تاخد بية .....انا ركبت الاثنين والشارك حلوة بس قدمت شوية خطوطها في الداخل والخارج عجزت والالنترا اصبي منها بمراحل ...من الاخر انت صاحب الاختيار وطبعا استخارة الله الافضل من كل شيئ

المشاركة الأصلية كتبت بواسطة simon659

صدقني لما بتقارن الاتنين ببعض حسيت بأهانه للماتسوبيشي حتي لو فيها عيوب للاسباب الاتيه .......
اولا اساسيات العربيه الماتسوبيشي تفرق كتير عن الالنترا في الاعتماديه والامان والثقه وعلي رأسهم الماتور والعفشه والشاسيه والكونترول يمكن يكون صوت الماتور عالي بعد 140 بس في المقابل سير كاتينه حديد يكفي ترييح الدماغ واني اكون مطمن ثبات العربيه حدث ولا حرج .اداء العربيه علي الطريق لاتوصف
مميزات الالنترا التبلوه شكله جميل .قطع الغيار متوفره بزياده بحكم انها هيونداي
انما كا سياره والي يسوق الاتنين هيقدر يحكم وبجداره للماتسوبيشي............
اتمني حاجه في اي مقارنه ان لو حد طلب افضليه او مقارنه بين عربيتين اكون مجرب الاتنين مش مجرب واحده او اشتريت واحده تكون هي دي التوب لا اكون مجرب الاتنين واقدر اقيم بعدها

مع كامل احترامي لحضرتك وحبك الكبير للشارك بس متاكد انك ركبت الاثنين ومتاكد ان الشارك استهلاك البنزين اقل من الالنترا ؟؟؟؟؟؟
مش معني كدة اني باقول ان الالنترا واو وفايرون لا ليها عيوب واخطرهم الثبات بس فعلا بمجرد ما تاخد علي العربية وعلي رد فعلها للجزء الخلفي هتستمتع بيها وصدقني مش وحشة خالص وبعدها اركب الشارك وقول اية رايك بجد وصدقني هتغير خالص اللي انت كاتبة
خد بالك ان فية عربيات افضل بكتير في التماسك زي الصني القديم والشارك طبعا والكرولا لكن الراجل طلب بحيادية الاثنين دول وبالتالي امانة الرد اقتدت كدة

المشاركة الأصلية كتبت بواسطة arateb

لا يا فندم لا تدخل و لا حاجه حضرتك اسأل براحتك الموضوع أني عندي ولدين و بيحبوا موضوع فتحه السقف عشان بيفتحوها و انا ماشي و يطلعوا دماغهم منها ده السبب الأساسي و شكرًا لمرور حضرتك

دا انا بنتي مصدعاني كل شويه ليه ماجبتش عربيه من غير سقف
اقولها ياحبيبتي منصور مقاطع الكلام الفاضي ده
تقولي طيب ماتروح لعموا يصلحالك ويشيل السقف!!!!!!
العربيه مش بس راحه وامان لأ العربيه راحة دماغ بردوا من تصليح السقف!!!!!!!!!علشان الاولاد
ربنا يوفقك في اختيارك

ربنا يبارك لكل واحد في عربيته