امتى اغير زيت المحرك

**ali ashraf** · 07-07-2015 03:06 PM

عندى عربية مبسقهاش كتير و بحطلها زيت 10 آلاف كيلو 0/50 المهم ممكن يعدى 6 شهور و تكون عملت 3000 كم فقط ممكن اسيب الزيت فيها و لا لازم اغيره ؟ انا الحقيقة معرفش بس لما بلاقى صوت الموتور ناعم و الزيت لا يزال يحتفظ باللزوجة و مفيش مشاكل " بطنش "تغير الزيت شهر كمان الا لو كنت مسافر مثلا بغيره فورا هل ده ممكن يقصر عمر المحرك ؟ و التغير لازم يكون كل 6 شهور بغض النظر عملت كام كيلو متر ؟ مع خالص تحياتى

**eng_amg** · 07-07-2015 07:12 PM

فعلا انا جربت ركنت غربية اكثر من 3 شهور وكنت لسة مغير زيت موبيل 1
وبعدين استعمالي ليها قليل جدا. وخلال سنه مشيت بيها 5000 كم او اقل
بدأت احس ان الموتور صوته مش حلو. ولما بصيت علي الزيت لقيته اسود ولزوجته قلت روحت للميكانيكي قالي غير الزيت فورا. وطبعا اول مغيرته الموضوع اختلف تماما.

**borio1704** · 07-07-2015 08:19 PM

تغيير الزيت يتم حسب جدول الصيانة بتاع العرببة اللي مكتوب في الكتالوج..

بعض السيارات بتقوللك غير على 10 آلاف .. ولو بتسوق العربية بطريقة ( مجهدة للزيت ) يبقى لازم تغيره على مسافة أقل ( غالبا بتبقى 50% يعني 5000 كم )

هتلاقي في جدول الصيانة في الكتالوج كمان إن مدد التغيير مكتوبة بالأشهر أو بالمسافة.. وبردو نفس الكلام يتقال على المدة الزمنية

وبشكل عام... لو بتمشي أقل من 10 آلاف في السنة ( أو 5000 في 6 شهور ) يبقى تمشي بنظام الوقت بدون النظر للمسافة.

آخر حاجة... حضرتك اخترت الزيت ده بناء على إيه؟؟

...