الموضوع: البطاريات انواعها و صيانتها و كيفية اختيار البطارية المناسبة للسيارة

المشاركة الأصلية كتبت بواسطة amr axel

بمناسبة الصورة الشحن الخارج من الدينامو و علاقته الطردية مع عدد لفات الموتور و في مدة اد ايه و ديه ع حسب يعني هندخل في قصة تانية

لانى فعلا مبتكلمش على دينموهات عربيات صغيره بتكلم عن متوسط لعربيات متقلش عن 1500 سى سى ايه حيخلى واحد معاه 127 ولا ماروتى يعلى بطاريه عربيته
الصوره
هو مش حاطط زمن هو بيحسب العلاقه بالنسبه للار بى ام والامبير
كلمه على حسب هو هنا بيعمل تيست

المشاركة الأصلية كتبت بواسطة exelence

بالنسبة للصورة معنى كده ان عند سرعة مثلا" 3000 rpm يبقى الدينامو بيخرج 130 أمبير يـــأه دى معلومة جديدة بصراحه طب و بعد ال 4000 rpm بيبقى الخرج ثابت ؟

حتى لو طلع 130 الاجهزه تستهلك ما تحتاجه فقط لو جهاز يستهلك 20 امبير والمنبع 200 امبير لن يستهلك الجهاز الا ال20 امبير

تقرير ممتاز ، بس اسمحلى اختلف معاك فى نقطة زيادة سعة البطارية ( لأن ده مجالي )

من الأفضل زيادة سعة البطارية ، وكل ما تزود سعة البطارية يبقى أفضل للأسباب التالية

عند إختيار بطاريات السيارة ، فبنركز على حاجتين


1 - ال (Cranking amperes) CA أو الCold cranking amperes CCA

وده المقصود بيه التيار الثابت اللى ممكن يتسحب من البطارية لمدة 30 ثانية بحيث جهد البطارية لا يقل عن 7.2 ( وال CA عند درجة حرارة 0 وال CCA عند -18 تقريبا)

وكل ما السعة الخاصة بالبطارية بتزيد يتزيد قيمة ال CA وال CCA

وده المفيد لتشغيل السيارة ( المارش)

2 - ال RC (Reserve capacity)

وده الوقت بالدقائق اللى تقدر تسحب فية تيار ثابت 25 أمبير لحد جهد معين ( بختلف على حسب الكود يعني IEEE غير IEC غير SAE غير JIS )

وبرضوا كل ما السعة الخاصة بالبطارية بتزيد ال RC بيزيد

وده المفيد لتشغيل الأجهزة فى حالة العربية مطفية

نيجي بقى للدينامو وللسعة

سعة البطارية بتتقاس بال أمبير ساعة ، يعني البطارية ال 65 أمبير ساعة مثلا معناها انها تقدر تعطي 6.5 أمبير لمدة 10 ساعات بحيث الجهد ميقلش عن قيمة محددة

دينامو البطارية بيشحن البطارية بجهد ثابت ومبيفرقش معاه السعة خالص ( كل الموضوع وقت أكبر فقط لاغير ) فالمهم هل جهد الديناموا يقدر يشحن ام لا ( وعلشان كده مش هتلاقي ابدا حد بيقيس تيار شحن الديناموا كلهم بيقيسوا الجهد )

بس طبعا تكلفة اكبر ووزن أكبر وحجم اكبر وعمر اطول

تماااااااااام

المشاركة الأصلية كتبت بواسطة eng.mostafa323

مجهود اكثر من رائع
مشكور عليه

لو تكمل جميلك بقى
وايه احسن اماكن نجيب منها مضمونه لكل نوع
مثلا الفارتا وال اي سى ديلكو

اقرأ الموضوع دا

http://www.nilemotors.net/Nile/391093-a.html (اختيار بطارية من ثلاثة)