شوية استفسارات عن الاوكتافيا a7 الجديدة

**Mostafa Bedo** · 08-07-2015 02:15 AM

سلام عليكم.
ان شاء الله ناويين نجيب عربية جديدة ومن ضمن الاختيارات عجبتنا الاسكودا الفئة التانية.
وكنا عاوزين نعرف ايه الكماليات اللي فيها وضمانها اد ايه واخبار السوند سيستم ايه عشان ده اهم حاجة عندي :) وايه رأيكم فيها كسيارة لعائلة 5 افراد اب وام وشابين وطفل هتبقي ضيقة ولا معقولة ؟؟ وهل فعلا فيها مشاكل ف الموتور والفتيس زي ما شفت ف موضوعين ف القسم هنا وبأكد علي حته الكماليات اللي فيها يا ريت تفيدونا ف الحته دي عشان مهمة بالنسبالنا ومن غير تحيز هي ولا البيجو 508 اول فئة.
معلش دوشتكم بس قرار شراء عربية زيرو مش سهل والواحد مش بيشتري كل يوم.

**AHMEDJUDDY** · 08-07-2015 09:32 AM

ال 508 طبعا ... بدون تفكير

**Mohamed Zahran** · 08-07-2015 10:11 AM

المشاركة الأصلية كتبت بواسطة mostafa bedo

سلام عليكم.
ان شاء الله ناويين نجيب عربية جديدة ومن ضمن الاختيارات عجبتنا الاسكودا الفئة التانية.
وكنا عاوزين نعرف ايه الكماليات اللي فيها وضمانها اد ايه واخبار السوند سيستم ايه عشان ده اهم حاجة عندي :) وايه رأيكم فيها كسيارة لعائلة 5 افراد اب وام وشابين وطفل هتبقي ضيقة ولا معقولة ؟؟ وهل فعلا فيها مشاكل ف الموتور والفتيس زي ما شفت ف موضوعين ف القسم هنا وبأكد علي حته الكماليات اللي فيها يا ريت تفيدونا ف الحته دي عشان مهمة بالنسبالنا ومن غير تحيز هي ولا البيجو 508 اول فئة.
معلش دوشتكم بس قرار شراء عربية زيرو مش سهل والواحد مش بيشتري كل يوم.

أنا برده نويت أجيب الأوكتافيا بس حجيب أعلي فئه ودي سعرها 279 موديل 2016, لو تهمك الكماليات يبقي لازم تجيب أعلي فئه لأن فيها حساسات ادام وورا, سقف بانوراما, فرش جلد, مفتاح سمارت, زينون وحاجات تانيه كتير, ال 508 انعم واشيك بس مشاكلها كتير وتمنها بينزل جامد

**طارق _عبد السلام** · 08-07-2015 04:57 PM

لو على الكماليات خليك فى البيجو

**moody_687** · 09-07-2015 12:16 AM

كماليات الاسكودا تدفعوا ف اوكتافيا 272 الف ج وعفشة تورشن بيم وثباتها اقل من البيجو 508 وجنطها 16 وماتور 110 حصان وعربية سعرها مبالغ فيه جدا وداخلة ف فئة سعرية لعربيات افخم منها واشيك بمراحل !!!
وهل الاوبشن اللي ف الاسكودا يتغلب ع الاوبشن فالبيجو ؟؟!!!!!!
فعلا لولا اختلاف الازواق لبارت السلع
عاما ال ربع مليون مبلغ مش هين ولازم تجيب بالتمن ده افضل سيارة والا هتكون بترمي فلوسك فالارض

**Mohamed Zahran** · 09-07-2015 01:52 PM

المشاركة الأصلية كتبت بواسطة moody_687

كماليات الاسكودا تدفعوا ف اوكتافيا 272 الف ج وعفشة تورشن بيم وثباتها اقل من البيجو 508 وجنطها 16 وماتور 110 حصان وعربية سعرها مبالغ فيه جدا وداخلة ف فئة سعرية لعربيات افخم منها واشيك بمراحل !!!
وهل الاوبشن اللي ف الاسكودا يتغلب ع الاوبشن فالبيجو ؟؟!!!!!!
فعلا لولا اختلاف الازواق لبارت السلع
عاما ال ربع مليون مبلغ مش هين ولازم تجيب بالتمن ده افضل سيارة والا هتكون بترمي فلوسك فالارض

إنت عندك حق في إن السعر ده مبالغ فيه علي اسكودا بس المشكله إن باقي الماركات الأوروبيه مواتير تربو وحخش بقي في قصة بتاخد 92 والا الموتور حيبوظ ده غير مشاكل الفتيس وسعر إعادة البيع. عشان كده أنا شايف الاسكودا عربيه برده أشيك من الياباني ومشاكلها أقل كتير من البيجو والأوبل والفولكس

**atef_5005** · 09-07-2015 07:49 PM

المشاركة الأصلية كتبت بواسطة Mohamed Zahran

إنت عندك حق في إن السعر ده مبالغ فيه علي اسكودا بس المشكله إن باقي الماركات الأوروبيه مواتير تربو وحخش بقي في قصة بتاخد 92 والا الموتور حيبوظ ده غير مشاكل الفتيس وسعر إعادة البيع. عشان كده أنا شايف الاسكودا عربيه برده أشيك من الياباني ومشاكلها أقل كتير من البيجو والأوبل والفولكس

زمان كان العربيات اللي تتركب
مرسيدس و بي ام و دول في فئه
يليها باسات و دي في فئه
يليها الاوكتافيا و الجيتا
لحد 2009
طبعا مازال المرسيسدس و البي ام في المقدمه
الباسات بقت تربو و فتيس دي اس جي و الجيتا كذلك خرجو من السوق
ما اتبقاش غير الفانتازيا
لحد 2014
المرسييدس و البي ام في المقدمه
ال a7 بقت العفشه تورشن بيم و بتجيب ترس كامه و عزل ضعيف
دلوقتي انا شايف ان مفيش غير المرسيدس و البي ام
لحد ما فولكس فاجن تتعدل و سكودا يظبطوا الماتور و العفشه