منذ زمن كبير لم اغسل السيارة فى مغسلة يعنى يمكن اكثر من عام
المهم قلت اغسل السيارة وبعد ما السيارة اتغسلت وتانى يوم لقيت مشكلة غريبة
المروحة تعمل على درجة حرارة قليلة حوالى 70 - 75 ولا تظل تشتغل فترة طويلة جدا
ثم بعد يوم كده اصبحت المروحة تعمل على طول تقريبا كلما المس السلك مع الثرموستات المروحة تشتغل حتى لو كانت باردة
لدرجة انى شيلت سلكة الثرموستات وبشغلها يدوى من زرار داخل السيارة

الثرموستات ده راكب قبلة كتاوت للحماية لانه كان بيضرب كل شوية من زمان فالكهربائى عمل الكتاوت ده وفعلا الثرومستات ده بقالة حوالى اكتر من 5 سنين
الموضوع الان هل المشكلة حدثت بعد الغسيل للثرموستات ام للكتاوت
وهل اخلى العربية كام يوم كده الى ان تنشف خالص ويمكن المشكلة تتحل لوحدها ام اذهب الى الكهربائى ؟
لانى متخوف من تغيير الثرموستات لانه غالبا بيكون قافش جدا فى الريداتير واى ضغطة عليه ممكن يكسر الزور اللى بيركب فيه..
برجاء الافادة