الموضوع: استفسار من الإخوة المحامين والمحاسبين القانونيين عن تأسيس شركة

المشاركة الأصلية كتبت بواسطة mecha

ممكن ,فيه هواه مستواهم كويس ,لكن في دنيا الاشغال المتطلبات تختلف ,لازم كيان تجاري قانوني يعني شركه وواضح ان تاسيسها مبيكلفش كتير لكن فيه التزامات اعلي يعني شغل بمواعيد وموظفين وتسويق وخطة عمل.وصاحب الموضوع نفسه ابو اسر شغال فري لانسر وعاوز يحول لشركه وعلي كلامه المجال مليان بهواه لا يعتمد عليهم وعاوز يدخل في شغل اكبر. مثلا التوريدات مش هيدوها لفري لانسر وكمان الدفع ,فيه شركات مبتحاسبش كاش لازم شيكات وضرايب .

هو ده
الله ينور عليك
وكلام باسم صحيح في بعض الجزئيات بس جزئيات تانية غلط
وانا قلت انا شغال فري لانسر كويس الحمد لله بس عايز اوسع نشاطي واتعامل مع شركات اكبر ودول بيحتاجوا مقر للشركة وعقد وفواتير وخلافه وده مش متيسر للفري لانسر اللي بيفضل شغلهم محدود في نطاق الشركات الصغيرة او الافراد والشركات مش هتثق فيهم لان مع اول مشكلة هيكونوا فص ملح وداب
وطبعا اي حد دلوقتي ممكن يعمل ويب سايت لنفسه ويحجز استضافة بنفسه ودومين وكل حاجة بس هيغرق في شبر مية مع اول مشكلة تقابله ومستحيل يعمل موقع احترافي واخره يعمل شوية اعلانات مزعجة على فيس بوك لكن مش هيقدر يسوق لموقعه تسويق احترافي
كل حاجة وليها حاجة وادي العيش لخبازه
اي حد يقدر يغير فيوز ضارب لعربيته لكن مع اول مشكلة في الكنترول مثلا او الضفيرة هيجري على كهربائي متخصص وهكذا
اي حد يقدر يصور نفسه بالموبايل ويطبع الصور على برنتر الوان لكن اللي عايز يتصور صور احترافية علشان يقدم لوظيفة مثلا او يسافر هيجري على باسم ^_^