الموضوع: بدال البنزين

مشكلتى طويلة شوية بس معلش اتحملونى

عربيتى استرا 1200
كنت راجع من شغلى من يومين قبل العصر بربع ساعة يدوب صليت العصر ونزلت بدور العربية دارت وعند الضغط على البنزين الدواسة مش بتجيب غير فى الأخر خالصوطبعا مفيش سحب كشفت كمبيوتر طلع خطأ فى دواسة البنزين وegr و maf المفروض دول اللى بايظين فعشان اتأكد أكتر جبت عربية صاحبى نفس الموديل خلعت الدواسة بتاعتى ركبتها عنده اشتغلت تمام وجبت بتاعته عندى مشتغلتش وهكذا عملت مع البوابة والماف والتى بى اس وegr وحتى الضفيرة اللى على الموتور فبكدا اتأكدت ان كل حاجتى سليمه قلنا يبقى كنترول خلت الكنترول بتاعه بالإيمولايزر ونفس المشكلة كنترولى اشتغل تمام عنده وبتاعة لأ طلعت على الحرفيين غير 3 كنترول هناك ومفيش فايده وكان عند العايدى المهم قالنا على كهربائى قال مش هيشتغل غير بعد الفطار وسألت على اى واحد كهربائى كويس فدلونى على واحد اسمه محمود اوبل رحت وكلمناه قال للصبى اللى عنده يحرق على مسمار المجمع فى الفيشة اللى جايه فى صدر العربية وفعلا العربية بقت تمام واحسن من الأول بس أخد 220 ج انا قلت مش مهم مقابل ان العربية خلصت بعد ما شفت يومين فى الشارع وتغيير فيها فمشيت مبسوط وانا خارج من الحرفيين فصلت تانى رجعت له فك الفيشة ونظفها ( الصبيان بتوعه ) وقاسوا السلوك من الفيشة بتاعة الدواسة لحد الفيشة اللى على الكنترول ووجدوا ان كل الأسلاك سليمه وهوا زى الزئبق يطل ويمشى ودا كان من قبل اذان العشا لحد الساعة 2 بالليل وكل ما اكلمه فى التليفون يقول جاى ومفيش فزعلت وخليتهم قفلوا العربية ومشيت ولحد دلوقت البدال مفيش غير تحت خالص

افيدونى لحسن اخوكم خلصان


واسف على الإطالة وكل عام وانتم بخير

ياالله117 مشاهدة ولا حتى حد يعبر ويقول متابع دا ايه قمة التعاون ده

متشكر على كل حال وكل عام وانتم الى الله اقرب