عرض للطباعة
العلم بالوان قوس قزح تم تعريفه في ويكي بيديا بآنه "هناك العديد من الأعلام التي لا ترتبط بشكل مباشر بعلم قوس قزح في يومنا هذا، ومن أشهرها علم فخر إل جي بي تي المستخدم من قبل المثليات والمثليون وثنائيو الجنس والمتحولون جنسيا التي يستخدمها مثليو الجنس الفخورون"
يعني اللي بيستخدم العلم ده ، بيبقي شاذ و فخور بكونه شاذ!
الممثل خالد ابو النجا رفع صوره له علي الفيس بوك بعلم الوان قوس قزح في حمله شملت الكثير من المشاهير الاجانب.
مش عارف هنروح علي فين بعد كده
كنت بحسبها اشعات عليه يعنى طلع لمؤخزه اما بالنسبه احنا رايحين على فين فاحنا رايحين على يوم القيامه
أنا طبعا ضد فكره ده تماما لكن هو مقالش انه شاذ ومش كل اللى بيحطوا العلم ده يبقوا شواذ. اه ممكن يكون مؤيد لأفكارهم لكن مش شرط يبقى شاذ يعنى مش لازم يكون بيعمل نفس فعلهم وبرضه ده مش معناه انى موافق حد يتعاطف مع قوم لوط
القصد ان مينفعش نتهمه بالشذود لأن لا دليل على ذلك حتى لو كان مؤيد لأفكارهم لأن مفيش دليل على انه عمل كدة علشان نبرأ لأنفسنا كمسلمين من طعن أعراض الناس.
سبحانك اللهم وبحمدك أشهد أن لا اله الا أنت أستغفرك وأتوب اليك
ده مش طعن اعراض الناس الراجل بنفسه بيؤيدهماقتباس:
المشاركة الأصلية كتبت بواسطة mohamed_hamid
عارف اللى بيشيل الخمره اللى بينقلها زيه زى اللى بيبعها وبيشربها
كون انه شايف ان الشواذ دول حاجه جميله جدا ومن حقهم الله يحرقهم فهو مثلهم لان الفكره عجباه ومتعاطف معاهم وبيشجعهم
ايه الكلام الغريب ده؟هو زيه زى ليوناردو دى كابريو واعتقد جورج كلونى عملوا صورة القوس قزح متضامنين مع حق المثليين المدنية ..ده مش معناه انهم مثليين زيهم!
زى مانت ممكن تتعاطف مع مسيحيين ماسبيرو وانت مسلم
وهو الموضوع مش حب قد ماهو اتساق مع مبادئ بالحرية وانك تكون رقيب نفسك مش الدولة اللى رقيبه عليك طالما مبتعملش حاجه غصب
ياريت بس الناس تاخد بالها من الكلام ..............
معنى انوا انت موفق على حاجه او مؤيد او فخور .........ايا كان اللفظ ........
مالوش غير تصرف واحد ...............انك معندكش مشكله خاااااااااالص انه لو جاتلك الفرصه انك تعمل كده :(
.....
دى بقى مافيهاش مسلم ومسيحى .....اخوانى او سيساوى ......
هوا اللى قال بنفسه ..........محدش قذفه ولا جاب فى سيرته .......هوا اللى قال بنفسه :(
واللى بيقول زى زى فلان او علان ......................المفروض انه مسلم حضرتك ......او للاسف محسوب علينا واحد
فيه ناس عندها مفهوم الحرية مطاط وزايد عن حده. تعريفهم للحرية بيكون مستمد من الثقافة الغربية مش من تعاليم الاسلام او حتى من عاداتنا وتقاليدنا. يعنى اللى بتكون عقليته كدة بيتلاقيه يقولك دائما انا مع حريتك وسأدافع عن حصولك على حريتك وممارسة حقوقك حتى لو تعارضت مع أفكارى . مش بتسمعوا الجملة دى من بعض اللى بيسموا نفسهم مثقفين؟ تمام. اهو الجماعة دول عندهم اعتقاد بالحرية الكاملة زى الحرية الجنسية (مثلا) سواء علاقة مثلية او غير مثلية مادام هو مش مضرور فى حاجة. خلاص كدة؟ اللى زى ده بقى بيكون مش شرط هو فعلا بيمارس الفعل ده وممكن يكون بيحتقر الفعل ده اساسا واللى بيعمله لكن هو شايف ان دى حرية شخصية ومن باب قناعاته بحرية كل شخص فى ممارسة حريته مادامت لا تتعارض مع القانون ( التعريف الغربى للحرية زى ما اتفقنا غير طبعا تعريف الاسلام وحتى بقية الشرائع السماوية ).
:plusone2::plusone2::plusone2::plusone2:اقتباس:
المشاركة الأصلية كتبت بواسطة Mohamed_Hamid
و إيه اللي يخلينا نهتم أصلا ببمثل وندور على اهتماماته و فكره و نشوف هو تمام و لا شمال ؟!!!!!
العيب فينا كمجتمع قدوتنا الفنانين و المغنيين و لاعبي الكرة. ما قدرش انكر ان بعضهم ممكن يكون له ادوار ايجابية في المجتمع. لكن بأي حال لا يصلحوا يكونوا قدوة لينا.
المفروض قدوتنا يكونوا من علماء الدين و الدنيا
انا عن نفسي مايهمنيش بتاتا مدى صحة ان ابو النجا يناصر فئة بتعمل ما يهز عرش الرحمن. و لا يهمنى اني اتأكد اذا كان هو بيعمل زيهم و للا بيصقف لهم و للا بيشجع حريتهم بس
و لا يهمني اذا كان توم كروز قال عالعرب ارهابيين و ان وجودهم خطر على اسرائيل. لأنه مش مثل أعلى ليا و لا يمثل حاجة لا للإسلام و للعرب و لا لمصر. يمكن بتعجبني بعض افلامه ليس الا. ده حتى أسنانه معوجة !!!!
الحرامي مقتنع انه مابيعملش حاجة غلط بس الناس رافضاه
النصاب مقتنع انه مابيعملش حاجة غلط بس الناس رافضاه
الخمورجي مقتنع انه مابيعملش حاجة غلط بس الناس رافضاه
الارهابي مقتنع انه مابيعملش حاجة غلط بس الناس رافضاه
الشمال مقتنع لنه مابيعملش حاجة غلط بس الناس رافضاه
كل دول مقتنعين انهم مابيعملوش حاجة غلط وهتلاقي ناس بتأيدهم وناس رافضاهم
الغريبة ان الناس اللي بتأيد دايما بتطالب الناس التانية اللي هي رافضه انها مترفضش التعامل مع هؤلاء الاشخاص من باب الحريات
يعني هم بينادو بالحريات وبيرفضو ان غيرهم يمارسها
يعني انا لي الحق كل الحق في عدم التعامل مع اي فئة مسيئة من وجهة نظري
لكن اللي بيعمل كده بتكال ليه الاتهامات بالرجعية والتخلف والديكتاتورية وقد يوصف بالراديكالية والارهاب
لانه رفض يتعامل مع فئة من وجهة نظره انها مسيئة للحياة
وفيه بعض الناس تبدأ في تممييع القضية من ناحية انه ممكن يعمل حاجات حلوة وملكش دعوة باللي بيعمله بينه وبين نفسه او حاجاته الشخصية
الحقيقة ان ده تمييع للموضوع
انا من حقي ارفض مثلما انت لك حق تأيد
نيجي بقي لموضوع تاييد الحرية اي كانت والرغبة في نشر الحريات مع الفصل الكامل مابين تاييد هذا النوع من الحريات وممارسته
ده بالزبط زي اللي بيعلم النصب والاحتيال ويشجع عليه بس مابينصبش علي حد
فاكرين حديث سيدنا النبي بتاع السفينةوالجماعة اللي عاوزين يثقبوها عشان يشربو من تحت بدل مايطلعو فوق
هو اللي بيحصل دلوقتي
حريات الفرد تطغي علي حرية المجتمعات
الشخص المثلي او الشمال عندما ينخرط في مجتمع يعتقد انه انسان طبيعي ضروروي انه هيفسد هذا المجتمع
الغريب ان الغرب بيجر الانسانية والبشرية الي مرتبه اقل كثيرا من الحيوانات
فمشفناش حيوان شمال
المشكلة ان شوية وهينادو بزواج الاقارب
الاب والاخت والام والابن وهكذا وهيتم
ثم هينادو بالزواج من الحيوانات
وبالتالي احنا في طريقنا للانتهاء والاندثار
انتم عارفين ليه لان الشرع والدين والفطرة جاءو للحفاظ علي البشرية وحفظ مورثاتها وجيناتها
وحفظ اخلاقها
ان شاء الله دي تكون بداية النهاية لامريكا التي افشلت العالم بالحضارة الزائفة
مكتنش اتحيل ان فى ردود بتقول انه مش عشان موافق على كده يبقى هو كده ودفاع العجيب ده
واضج ان يوم القامه بيقرب جدا
اللي عايز يأيد الشوذ يأيد
اللي عايز يبقي شاذ يبقي
اللي عايز يحط الوان قوس قزح علي صورته يحط
كل دول مش بيعملوا السوء بس ... لأ ده كمان بيجاهروا بيه
سيدنا محمد عليه الصلاه و السلام قال فيما معناه
ان كل المسلمين ربنا هيعفي عنهم الا المجاهرين بالسوء
خليهم يفضلوا كده و اخرتهم جهنم و بأس المصير بعون الله
لو بصيت للموضوع من وجهة النظر المعاكسة مثلااقتباس:
المشاركة الأصلية كتبت بواسطة madokira
لو واحد مش مؤمن بالاديان ولا بوجود اله .. هيجى يبص مثلا على الصيام و يقولك فيه حد عاقل يبقى قدامه الاكل و الشرب و يمتنع عنهم طول اليوم .. و ده لأنه مش مدرك السبب ولا عنده الايمان اللى يخليه يفهم حاجة زى ديه
الفكرة ان كل مجموعة من الناس شايفة ان معتقداتها الصح و ان قوانينها هى الصح و ان كل اللى بيعمله الناس التانية غلط فى غلط
انا بتكلم على الموضوع بعيدا عن الدين خالص .. ان زى ما احنا شايفين ان اللى بيحصل ده مش طبيعى و ان ده مخالف تماما للطبيعة .. فيه ناس برضه شايفة كل حياتنا غلط من وجهة نظرهم و ان احنا بنعمل حاجات عجيبة
رأى الشخصى الحل ان كل واحد مقتنع بحاجة و صعب جدا يغير معتقاداته و ايمانه و بالتالى رفض او قبول الاخر مش هيغير حاجة ..
و ربنا حرم الظن فى الناس .. احنا منعرفش هو كده ولا لا و مش معنى انه بيأيد الفكرة انه كده .. عادى فيه ناس كتير مثلا بتأيد افكار الجيش او الاخوان و هما مش منتميين ليهم
خالد ابو النجا بس ؟
انا فاهم وجه نظر حضرتكاقتباس:
المشاركة الأصلية كتبت بواسطة mohab.nabil
انا مقولتش انه كده رغم شائعات عليه من فتره كبيره
الموافقه على كده دليل انه مش مؤمن بالله وكتابه
سواء بتايد اى طرف فيه قوانين ربنا زى حرمه الدم
حضرتك بتبذل مجهود في التنظير لتبرئة المدافعين و المروجين ! .. المؤمن بدينه لا يمكنه مسك العصا من المنتصف .. اما يرضي ربه .. او يرضي شذاذ الافاق .. ما هو معنى ان يكون في السرد القرآني لعنه لهؤلاء مع بيان عذابهم .. ثم يخرج مدعي الانتماء للدين .. يهنئهم بما يفعلون ! .. قد اتفهم صمته .. اما تشجيعه فهو شيء مقزز يدل على صاحبه .. مع العلم بأن هؤلاء الشذاذ لم تكن تنقصهم الحرية في بلادهم .. بظهور علني و احتفلات و كرنفلات في الشوارع ! منذ سنوات عديدة مضت .. انما المقصود هو اعطائهم شرعية و اعتراف اممي .. يمكنهم من الضغط على الشعوب المحافظة لنشر وبائهم تحت حماية المواثيق و المعايير الدولية الغربية !اقتباس:
المشاركة الأصلية كتبت بواسطة mohab.nabil
قليل أوي اللي بيفكر بالطريقة النقدية المحترمة دي خصوصا في مجتمعاتنا العربيةاقتباس:
المشاركة الأصلية كتبت بواسطة mohab.nabil
الناس محتاجة تقرأ أكتر عن المثلية الجنسية من وجهة نظر علمية وهل هي ميول طبيعية للبعض أم سلوك شاذ
اقتباس:
المشاركة الأصلية كتبت بواسطة alaa7sh
هوضحلك الفكرة وأرجو إن حضرتك تفهمني
هنا
https://en.wikipedia.org/wiki/List_o...exual_behavior
مئات الحيوانات تمارس المثلية
المشكلة أن معيار الطبيعة فقط معيار لا يجب أن يسري على البشر
نعم هي أفعال موجود لدى الكثير من فصائل الحيوانات إن لم تكن جميعها بنسب معينة
ولكن زي ماقلتلك القياس على قوانين الطبيعة وحدها ليس قياسًا سويًا بالنسبة للبشر
عمومًا
أنا درست المرحلة الجامعية في أمريكا والعَلم دا موجود من زمان
فالناس مرعوبة منه النهردة بس ليه
هوا وصل مصر لما أبو النجا حطه مثلًا ولا إيه ؟!
و لو هناخدها من ناحية العِلم .. لاء مش مصنفة كمرض
بس الناس ( حتى المتعلمين ) محتاجين يفهموا ليه اتصنفت النيكروفيليا و البيدوفيليا كأمراض
ولم تعامل الهوموسكشوالتي نفس معاملة هذه الإضطرابات الشاذة
إن كان معيارهم الضرر ... فهذه الممارسات أضرارها لا حصر لها
وإن كان معيارهم شيء جيني موجود في قلة من الناس فيوجد أخطاء جينية تعامل كأمراض
ليه دا مصنف على إنه ليس فعلًا شاذًا .. ماهو المعيار المستخدم
دى قصه امرئه سيدنا لوط وبيبان هنا انها اصبحت مثلهم لانها نادتهم وانها كانت معتقده بفكرهم وانهم على حقاقتباس:
المشاركة الأصلية كتبت بواسطة madokira
قصة امرأة سيدنا لوط عليه السلام هي قصة مؤثرة اذ انها اشترت الضلالة بالهدى وحق عليها العذاب مع الذين نزل عليهم من قوم لوط فلقد أفشت والهه سر زوجها لوط عليه السلام، وكان لسيدنا لوط من والـهه ابنتان هما "ريثا" ، "ذغرتا ".
وقد اتخذ لـوط عليه السلام أرض " سدوم " وطناً للهو وكان أهلها أسوأ الناس خلقاً يأتون الفاحشة ما سبقهم بها أحداً من البشر كانو يأتون الذكران ويذرون الإناث علانية وجهاراً، ويتحللون من لباسهم ويبدون عوراتهم ويتفاخرون بهذا فكانوا أول نادي عراه في تاريخ الإنسانية.
حاول سيدنا لوط عليه السلام هدايتهم ونصحهم لكنهم لم يستمعوا له، وبعد محاولات عديدة من نبي الله لهدايتهم أرسل الله جلا في علاه ملائكته "جبريل " و " ميكائيل" و "اسرافيل" إلي لـوط فأتي الملائكة إلي ابنة لوط وهي تستقي المياه من النهر وكانوا في شكل رجال فقالو لها أين أبتك؟ فقالت لهم سوف أتيه لكم ولا تدخلوا. خوفاً عليهم من قومها
وذهبت إلي لوط وقالت له أري رجال لم أري في حسنهم قط وهم يطلبونك يا أبتي، وكان قوم لــوط قد نهوه أن يستضيف رجال في بيته فجاء لوط بالرجال إلي بيته ولم يعلم احد إلا أهل البيت.
فخرجت والـهه إلي قومه وقالت لهم هناك رجال في منزل لوط لم أري في جمالهم قط فذهب القوم إلي لوط مسرعين إلي بيته ويريدون اقتحام المنزل و لوط عليه السلام من وراء الباب يدفعهم وينصحهم و يذكرهم بنسائهم وحتى ذالك الوقت لم يكن يعرف لوط أن من في بيته ملائكة، واستغاث بربه فأخبرته الملائكة أن الله سوف ينزل العذاب علي قومه، وانه يجب عليه أن يرحل من الدار هو و أبنائه ولا يلتفت احد منهم ورائه فخرجوا من الدار وانزل الله علي قومه العذاب فأخذ جبريل يقتلع المنازل ويرفعها إلي أعلى ثم يقلبها ويجعل عليها سافلها. ولكن التفت "والهه" ورائها عندما سمعت أصوات قومها وهم يهلكون فنزل عليها الصخر من السماء كما كان ينزل علي قومها وهلكت كما هلك قومها وكانت من الضالين.
قال تعالي :( قَالُواْ يَا لُوطُ إِنَّا رُسُلُ رَبِّكَ لَن يَصِلُواْ إِلَيْكَ فَأَسْرِ بِأَهْلِكَ بِقِطْعٍ مِّنَ اللَّيْلِ وَلاَ يَلْتَفِتْ مِنكُمْ أَحَدٌ إِلاَّ امْرَأَتَكَ إِنَّهُ مُصِيبُهَا مَا أَصَابَهُمْ إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ ).
هل انت شفت خالد ابو النجا بيمارس فعلهم؟ لا يبقى خلاص الكلام انتهى علشان ده يبقى طعن فى الأعراض. طيب هو بيأيدهم؟ فيه فرق انه يؤيد حرية الناس فى ممارسة سلوك معين أو أن يؤيد الفعل ده وفى الحالتين سواء تأييد الحربة فى فعل شئ زى ده أو تأييد الفعل نفسه فهو سلوك مشين من جانبى ومن جانبك ومن جانب ناس كتير. لكن بص له هو شوف بيحسبها ازاى؟ مش معنى انه قال كدة يبقى شاذ. مش معناها كدة أبدا...اقتباس:
المشاركة الأصلية كتبت بواسطة madokira
سؤال لولبى ما هى ديانه خالد ابو النجااقتباس:
المشاركة الأصلية كتبت بواسطة Mohamed_Hamid
الاسلام
ما هو موقف الاسلام من المثليين
معروف طبعا خاصه قصه سيدنا لوط ودى فتوى من اسلام ويب
[youtube]https://www.youtube.com/watch?v=4ejg8IcyLtA[/youtube]
[youtube]https://www.youtube.com/watch?v=8_W5NYCSt3c[/youtube]
عن اى حريه تتحدث وهو بيناقد دينه اما اذا تبرء من دينه فله كل الحريه التى تقصدها
اما اذا تبرء من دينه فهو حر يعتنق الافكار اللى يراها
[youtube]https://www.youtube.com/watch?v=8_W5NYCSt3c[/youtube]
يا أخى الفاضل حضرتك بتناقش بديهيات كلنا متفقين عليها ولا داعى لذكرها !اقتباس:
المشاركة الأصلية كتبت بواسطة rotanamasoud
انا كل محور كلامى زى ما أوضحت فى أول رد لى هو تجنب الخوض فى عرض انسان مسلم
انتهى... شكرا.
اقتباس:
المشاركة الأصلية كتبت بواسطة Mohamed_Hamid
حضرتك تقصد ان ده لا يعني ان هو شاذ , و كلامك صحيح
و كلام rotanamasoud مضمونه انه مازال من قوم لوط قياسا على زوجة سيدنا لوط , و كمااااااااان بينكر معلوم من الدين بالضرورة , و برده كلامه صحيح
الشذوذ الجنسى و قصة لوط جعلت النار تنزل من السما و تحرقهم كما فى التوراة
و اعتقد دا فى القرآن برده
يبقى الممارسة و التشجيع و التأييد و شبه التعاطف مع هؤلاء مما يغضب الله عز و جل و يؤدى لهلاك الامة بأسرها يبقى مفيش تعاطف معاه دا شىء بيههد الجميع ... لا توجد حرية شخصية فى هذا الامر لأن الضرر يكاد يصيب الجميع و يهلك الامة كلها
هنا فى هذا الامر بالذات لا توجد حرية شخصية
لأن الغضب سيصب على الجميع بدل الرحمة
و هذا رأيى و الله يرحمنا جميعا
ياجدعان هوا شاذ ابن%$#%$#$@#
لا مش ساذ و شوفته بيأوم صلاة التهجد
احنا بأه استفدنا ايه ؟ و لا اى حاجة . حسابه مع ربه
وَلَوْ شَاءَ رَبُّكَ لَآمَنَ مَنْ فِي الْأَرْضِ كُلُّهُمْ جَمِيعًا ۚ أَفَأَنْتَ تُكْرِهُ النَّاسَ حَتَّىٰ يَكُونُوا مُؤْمِنِينَ
دا ربنا بيخاطب نبيه اللى هو اشرف الخلق مش انا و انتم
شوفلنا قدوة حسنة او حد اخترع حاجة مفيدة للبشرية عشان نستفيد
بغض النظر عن المناقشات دى كلها
بس طول ما احنا شاغلين بالنا ببعض و مركزين مع بعض و فلان عمل ايه و شوف مين حط صوره ايه (الى هوا اسمه الوك لوك لوك ) الرغى يعنى
عمرنا ما هنتحرك سم واحد للامام
ربنا هوا المسؤل عن محاسبه النفس
و كل نفس تعمل لاخرتها
يعنى احنا العباد ليس لنا شأن بالنفس
اى كل واحد له شأنه الى هوا حر فيه
يا ريت نبص على نفسنا الاول قبل ما نهتم بمناقشه اخطاء الاخرين
يا جماعة اي حد اتكلم في أي موضوع بشكل معلن ما بقاش خلاص حاجة بينه و بين ربنا
اللي بيتكلم عن موضوع ما بشكل ايجابي بيروج له و اللي بيتكلم عن موضوع ما بشكل سلبي بيحاربه
اللي بينه و بين ربنا ده اللي محتفظ برأيه لنفسه
اما المجاهر فده خلاص بيخاطب الناس
كلامك فى تجنب الخوض فى عرض مسلم لا جدال فيه ولاكن اختلافنا انهه جهر بنفسه ولم يجبره احد على فعل ذلكاقتباس:
المشاركة الأصلية كتبت بواسطة mohamed_hamid