محتار أشتري لانسر شارك 2016 ولا النترا 2016

**Dr.M_ElAshmawi** · 09-07-2015 01:22 PM

السلام عليكم ... لو سمحتم يا جماعه عاوز أجيب عربيه في حدود 170 الف ومحتار بين لانسر شارك توب لاين شرق أوسط ولا النترا هاي لاين

سمعت طبعا عن كل مشاكل الشارك من ناحية العزل والصوت وحجم الشنطه والدهان وقطع الغيار

بس يا ترى النترا كمان ليها مشاكل ؟؟

أنا بصراحه ميال أكتر للشارك بس عاوز النصيحه بردو من الناس اللي عندها خبره

**ENG.MaRk** · 09-07-2015 04:03 PM

هات فلوانس أحسن من الشارك في كل حاجة

**mohamed-ahlawy** · 09-07-2015 06:37 PM

الشارك عيوبها
1.العزل
2.صوت الموتور
3.الدهان
4.العفشة ناشفة
5 صاجها ضعيف
الالنترا عيوبها
1.الثبات
2.العفشة ناشفة
3.صاجها ضعيف

**eltanamly** · 09-07-2015 07:15 PM

الالنترا افضل على كل المستوبات و هي بس خفيفه شويه لكن هتتعود عليها في كام بوم و بس كدا.
انسى اكذوبة ياباني و الكوري دي انتهت من زمااااان,
ألالنترا : خامات افضل و جوده اعلى – اعتماديه – كماليات اكتر – انعم – عزل افضل – صالون اوسع – مريييحه –
الشارك : افتح الكبوت و اتفرج على مستوى عزل الاسلاك الكهربا ولا على طرمبة الباور المش موجوده اصلا في الالنترا علشان الالنترا باور كهربا انعم بكتبر. شوف مستوى البلاستيك كدا فيالشارك و تقفيل العربيه
او اقولك ؟ شوف ملاك الشارك بيقولوا عليها ايه من اول الصاج الورق اللي لو كلب قعد عليها بيطبق للدهان اللي بيقشر بعد 3 شهور.

نايل موتورز - NileMotors.net (تقرير واحد موسوس عن الشارك بعد 3000 كم)

http://www.nilemotors.net/Nile/471119-2015.html (مشكلة غربية في دهان لانسر شارك 2015 وكيل)

ولا عن العفشه الناشفه مثلا و الصالون الضيق الفقير و الشنطه الصغيره
و طبعا توكيل غبور مابتقارنش بدياموند
و على فكره انا معايا النترا 2013 عامله 117,000 كم ما شاء الله لسه زيرو و انا بسافر كتير كمان
لما فكرت الايام دي اجيب عربيه جديده كنت بقارن اصلا بين الشارك و الريو و اخترت الريو لنضافة العربيه من تقفيل و خامات و صاج و كماليات و تكنولوجيا.

**arateb** · 09-07-2015 07:37 PM

انا كنت في حيره حضرتك ديه و عملت موضوع هنا و بعدين استقريت علي الشارك الحقيقه الاتنين ممتازين و متقاربين في المواصفات و لو اشترت اي واحده فيهم هتكون مبسوط ان شاء الله

**ahmzd** · 10-07-2015 09:53 AM

طالما وصلت ل 170 يبقى هات نيسان سنترا، عربية ممتازة في كل شيء، صاج، ثبات، عزل، فتيس، وسع صالون، كبر شنطة، وسائل أمان، كماليات.. وبالثمن هتاخد ال top line كمان مش ال high line .. أنا حجزت الهاي لاين وهأستلمها بعد يومين بإذن الله تعالى.. وبرضه الفلوانس ممتازة.
هذا رأيي والله أعلم.

**hesham elkady1** · 10-07-2015 08:40 PM

السنترال قطع غيارها صعبه جدا و ممكن تكون مش موجوده العربيه لسه جديده وده عيبها الوحيد لكن شكل و كماليات جميله جدا و سعرها كويس بالمقارنه مع اللي في السوق و بصفة كمان على الفلوانس حاجه فخيمه والله

**arateb** · 11-07-2015 04:35 AM

انا كنت في نفس حيرتك و عملت موضوع مقارنه بين العربيتين دولو بعد ما سمعت الاّراء القيمه استخرت و جبت شارك وكيل فءه m66

**adorehearts** · 11-07-2015 06:08 AM

طبعا الالنترا بدون نقاش احسن فى كل حاجة وتقدر تشوف مواصفات الاتنين وتقفيلهم وكل حاجة هتلاقى الكافة بتميل للألنترا بموضوح تام.

**coolbelo** · 11-07-2015 11:56 AM

المشاركة الأصلية كتبت بواسطة eltanamly

الالنترا افضل على كل المستوبات و هي بس خفيفه شويه لكن هتتعود عليها في كام بوم و بس كدا.
انسى اكذوبة ياباني و الكوري دي انتهت من زمااااان,
ألالنترا : خامات افضل و جوده اعلى – اعتماديه – كماليات اكتر – انعم – عزل افضل – صالون اوسع – مريييحه –
الشارك : افتح الكبوت و اتفرج على مستوى عزل الاسلاك الكهربا ولا على طرمبة الباور المش موجوده اصلا في الالنترا علشان الالنترا باور كهربا انعم بكتبر. شوف مستوى البلاستيك كدا فيالشارك و تقفيل العربيه
او اقولك ؟ شوف ملاك الشارك بيقولوا عليها ايه من اول الصاج الورق اللي لو كلب قعد عليها بيطبق للدهان اللي بيقشر بعد 3 شهور.

نايل موتورز - nilemotors.net (تقرير واحد موسوس عن الشارك بعد 3000 كم)

http://www.nilemotors.net/nile/471119-2015.html (مشكلة غربية في دهان لانسر شارك 2015 وكيل)

ولا عن العفشه الناشفه مثلا و الصالون الضيق الفقير و الشنطه الصغيره
و طبعا توكيل غبور مابتقارنش بدياموند
و على فكره انا معايا النترا 2013 عامله 117,000 كم ما شاء الله لسه زيرو و انا بسافر كتير كمان
لما فكرت الايام دي اجيب عربيه جديده كنت بقارن اصلا بين الشارك و الريو و اخترت الريو لنضافة العربيه من تقفيل و خامات و صاج و كماليات و تكنولوجيا.

باشا انا معاك فى (بعض) عيوب الشارك بس هى اكييييييد احسن من النترا مش عشان هى كويسه لا عشان الالنترا سيئه
انا ركبت الالنترا ٢٠١٣ و الشارك ٢٠١٥ و الحقيقه عدم ثبات الالنترا و مدى سوء خامتها خلانى مستغرب ليه حد ممكن يشترى عربيه زى دى يمكن عشان جرايه و شكلها حلو
الباور الكهربا اللى حضرتك بتقول عليه دا واحد من اهم اسباب عدم ثبات العربيه على السرعات العاليه و هو عيب مش ميزه
صاج الالنترا سيئ جدااااااا اسوء من الشارك نفس الكلام بالنسبه للعفشه الناشفه
و بالمناسبه والدى معاه شارك من حوالى سنه ولا فى دهان قشر و لا كلاب قعدت و الصاج اطبق :)
اما بالنسبه لليابانى و الكورى ف للأسف عندنا فى مصر اسعارهم بقت قريبه بس عن تجربه لحاجات كتيييير اليابانى لسه افضل اكيد