السجان

**ahmed_bar** · 03-12-2008 02:44 AM

توبة تانى اشتريت جى ام عبال ماروحت كان فى زنة واتحرق ولما روحتلوة اللى معرفكش طبعا النصاب محمود

**TICOXX** · 03-12-2008 06:16 AM

المشاركة الأصلية كتبت بواسطة ahmedfra

أخى العزيز انت أتحت ليه فرصة عشان انا كنت عاوز اتكلم على موضوع محل السجان ده الى موجود فى شارع دمشق .
1 - أسعاره غالية شويتين .
2 - مقابلتهم ليك بتكون نص نص . و لما ترجع لأى سبب بتكون المعاملة مقرفة .
3 - فى واحد واقف فى المحل اسمه محمود نصاب رسمى و حلنجى و يوهمك انك بتاخد احسن حاجة و بعد كده بتلاقى عيوب سواء فى الحاجة نفسها أو عيب صنايعى . و لما ترجعه تلاقيه اتحول و سمعه تقل و مطنش و لا كانك موجود .
4 - الصنايعية حلنجية و نصابين و يفضلوا يتكلموا كتير و يفهموك انهم عملوا الى متعملش عشان البقشيش . و يفضلوا يفتحوا فى شغل .
و دى خلاصة التعامل معهم فى اكثر من مرة .

+1000
و ازبل من كده كمان بمراحل يا معللم

**superkenwood** · 03-12-2008 11:28 PM

والله يا جماعة .. أنا لسه شاري من محل السجان اللي في شارع دمشق فوانيس كريستال .. بصراحة شفت تشكيلة كبيرة وممتازه
وأسعاره عادية جداااا زي غيره
والراحل اللي هناك كانت معاملته كويسه جدااا
قعدوا يعملو دعاية غريبة لمحل اسمه (هاي لاين ) في نفس الشارع (في ممر جانبي) وبعد مارحتله لقيته محلا عادي والبضاعة قليله !! وتشكيلة الفوانيس قليله وأسعارة ليست بالقليلة

**ahmed1981** · 04-12-2008 12:44 AM

المشاركة الأصلية كتبت بواسطة superkenwood

والله يا جماعة .. أنا لسه شاري من محل السجان اللي في شارع دمشق فوانيس كريستال .. بصراحة شفت تشكيلة كبيرة وممتازه
وأسعاره عادية جداااا زي غيره

هو حضرتك لسة لم تجربه

المشكلة الأولى مع السجان:
أنا صلحت عنده طقم السنتر مرة
غير الأقفال والوحدة الإلكترومنية بدون أي تغير في أسلاكهم لأنها كانت جاهزة
وأخذ مني 190 جنيه
تخيل 190 جنيه
نفس الطقم اللي حطهولي إكتشفت إن سعره 90 جنيه
طبعاً حرمت أقرب منه مرة أخرى

المشكلة الثانية مع السجان:
عربيتي إشتريتها فيها إنذار شغال بدون الريموت ومفصول عنه الكهرباء
المهم رحت للسجان
وقال لي نركبلك وحدة إنذا رئيسية مع ريموتين بدون الأسلاك وبدون وحدة الإهتزاز
والسعر 190 جنيه
طبعا إتضح بعد كده إنه أخذ مني مبلغ أكثر من تركيب إنذار جديد كامل بكل مشتملاته

لهذا السبب أقول للناس إبتعدوا عن محل السجان بشارع دمشق حتى لا تنخدعوا بأسلوب الأستاذ محمود البائع مثل إنخداعي بأسلوبه

**ahmed_su** · 04-12-2008 01:14 PM

سبير كار اسعاره معقولة وعنده تشكيلات متنوعة وممكن تختار تصميم وهو يفصلهولك

انا رحت للفرع اللى فى امتداد رمسيس هوصغير والتشكيلات فيه محدودة

فذهبت للفرع الرئيسى فى شارع الشيخ ريحان عند وزارة الداخلية التشكيلات هناك اكثر

والتركيب ماخدش 30 دقيقة للفرش مع انه اعاد تفصيل الكنبة الخلفية علشان عندى بيتفتح الظهر على الشنطة 1/3 و2/3 والدفع ممكن بالفيزا كمان

**ahmedfra** · 05-12-2008 08:36 PM

ألى غيظنى اكتر ان علامة الصلى فى وشه أد كده

**maka** · 06-12-2008 10:57 PM

المشاركة الأصلية كتبت بواسطة ahmedfra

ألى غيظنى اكتر ان علامة الصلى فى وشه أد كده

ملهاش علاقة

انا شفت ناس دقونها لبطونها و مع ذلك حراميين وش

المشكلة انهم بيسواء سمعة المتدينين علشان كلام فارغ

**ahmedfra** · 09-12-2008 01:55 PM

عندك حق كلامك مظبوط

**MohaMed_Refaat** · 10-12-2008 11:39 AM

على فكرة فى قول مأثور عن الرسول صلى الله علية وسلم بيقول ( الدين المعاملة ) يعنى موش الدقن ولا علامة الصلاة ولا حتى السبحة والجلبية المعاملة فقط بس احنا بنحكم على الناس من مظهرها بس لية بقى موش عارف ؟؟؟؟

-

الموضوع: السجان

LinkBack

أدوات الموضوع

عرض

-

-

-

-

-

-

المواضيع المتشابهه

محل السجان

عاوز اعرف مكان محل السجان فين بالظبط

الكلمات الدلالية لهذا الموضوع

المفضلات

المفضلات

ضوابط المشاركة