عايزه اسال اصحاب الخبره ايه رايكم في محلات السجان من ناحية الكماليات والاسعار؟؟؟؟؟؟؟؟؟؟؟
عرض للطباعة
عايزه اسال اصحاب الخبره ايه رايكم في محلات السجان من ناحية الكماليات والاسعار؟؟؟؟؟؟؟؟؟؟؟
أخى العزيز انت أتحت ليه فرصة عشان انا كنت عاوز اتكلم على موضوع محل السجان ده الى موجود فى شارع دمشق .
1 - أسعاره غالية شويتين .
2 - مقابلتهم ليك بتكون نص نص . و لما ترجع لأى سبب بتكون المعاملة مقرفة .
3 - فى واحد واقف فى المحل اسمه محمود نصاب رسمى و حلنجى و يوهمك انك بتاخد احسن حاجة و بعد كده بتلاقى عيوب سواء فى الحاجة نفسها أو عيب صنايعى . و لما ترجعه تلاقيه اتحول و سمعه تقل و مطنش و لا كانك موجود .
4 - الصنايعية حلنجية و نصابين و يفضلوا يتكلموا كتير و يفهموك انهم عملوا الى متعملش عشان البقشيش . و يفضلوا يفتحوا فى شغل .
و دى خلاصة التعامل معهم فى اكثر من مرة .
متشكره قويييييييييييييييييي طب تنصحني اروح فين انا عايزه فرش ميكونش جلد ويكون شكله بناتي مش عايزه الحاجات العاديه انت عارف بقي البنات متشكره للنصيحه
ما تروحي سبير كار نضيف جدا و شغله عالي
وليه فرعين على ما اتذكر
واحد في السيدة زينب وواحد خلف قاعة المؤتمرات بمدينة نصر
محلات السجان
تعملت معاهم مرتين (فرع شارع دمشق بمصر الجديدة)
مرة في سنتر
ومرة في إنذار
وتبت توبة نصوح
ولو مفيش غير السجان في البلد مش هروحة
أكبر عيوبه هي الغلاء الفاحش
متشكره ليكو جدا وان شاء الله هعمل بنصيحتكو واروح سبير كار
شكرا على النصيحه
اجمد واحد بتاع فرش شعبان اللى فى جسر السويس جنب سنترال مصر الجديدة و جنبة مكتبة الطفل اللى فى شارع السباق ودة عن تجربة شخصية
بصي يا ستي
الاستاد وراكي وقاعة المؤتمرات علي يمينك و مسجد القوات المسلحة على شمالك
تاخدي الشارع ده لاخره
حتخشي يمين حتلاقيه علطول على ايديكي اليمين
بصى ياستى خلى قاعة المؤتمرات على يمينك وانتى ماشية فى الاوتوستراد لغاية شارع امتداد رمسيس اللى فيه الكوبرى تخشى فيه يمين حتلاقيه على يمينك بعد حوالى 200 متر .
جماعه لو حد عاوز يعمل فرش عمولة انا بعملو باى تقسيمة و اى الوان و بعمل الكراسى الريكارو و كراسى البى ام و المينى كوبر لو حد احتاج حاجة انا موجود بس مش بشتغل فى الفرش الجاهز الى بيركب على طول
كراسى +كنب+ابواب+سقف+ارضيه+تابلوه
هو انت محلك فين يا كيمو فين عنوانة ويا ترى بتنجد ابواب 132 لانى منجد كل العرببية ماعدا الابواب لانى دخت عليها ومش لاقى حد ينجدها .
حاجة تانية انا كنت عايز اعرف هل ممكن الاقى عندك اى عفشة رياضية تنفع لل 132 ولا مستحيل ارجوا الافادة لانى ناوى اعدى على المحل يوم الكروس إن شاء الله بس مش عارف العنوان فى القاهرة .
السجان ده ابن .... تييييت
انا مرة كنت جايب كاسيت وسماعات جديدة من بره وعايز اركبهم عنده
وبجد معاملتهم زي الزفت من اكبر واحد جوه المحل لأصغر صنايعي
ده غير الاسعار بقى
استحملت كل ده بس لما لقيتهم كماااان شغلهم اي كلام وهيبوظولي الدنيا خلعت وماكملتش
اكتر حاجه مضايقاني لغاية النهاردة انه كان بيشيل الكاسيت والسماعات القديمة كإنهم هيترمو في الزبالة مع انهم بايونير ونضاف والله
دمي اتحرق بعد ماكنت نسيت
أنا محلى يا مان فى 62 شارع هشام لبيب ورا سوبر ماركت اولاد رجب مصطفى النحاس الحى التامن مدينة نصر و لما تيجى ان شاء الله و نشوف العربية ساعتها اقدر اقؤلك اية الى هيتعمل فيها بالظبط و هيتكلف كام
ادخل على الرابط دة دى محل كماليات فى اكتوبر و اللى اوصى بيه ا-كريم منير هتلاقى اسعار و قابلة ممتازة
http://www.nilemotors.net/Nile/showthread.php?t=39168
انا عملت فى سبير كار زى الفل و صنايعية يخلصوكى فى ثوانى و بالتوفيق
جرب محل اسمه سبير كار عند وزاره الداخليه
توبة تانى اشتريت جى ام عبال ماروحت كان فى زنة واتحرق ولما روحتلوة اللى معرفكش طبعا النصاب محمود
والله يا جماعة .. أنا لسه شاري من محل السجان اللي في شارع دمشق فوانيس كريستال .. بصراحة شفت تشكيلة كبيرة وممتازه
وأسعاره عادية جداااا زي غيره
والراحل اللي هناك كانت معاملته كويسه جدااا
قعدوا يعملو دعاية غريبة لمحل اسمه (هاي لاين ) في نفس الشارع (في ممر جانبي) وبعد مارحتله لقيته محلا عادي والبضاعة قليله !! وتشكيلة الفوانيس قليله وأسعارة ليست بالقليلة
هو حضرتك لسة لم تجربه
المشكلة الأولى مع السجان:
أنا صلحت عنده طقم السنتر مرة
غير الأقفال والوحدة الإلكترومنية بدون أي تغير في أسلاكهم لأنها كانت جاهزة
وأخذ مني 190 جنيه
تخيل 190 جنيه
نفس الطقم اللي حطهولي إكتشفت إن سعره 90 جنيه
طبعاً حرمت أقرب منه مرة أخرى
المشكلة الثانية مع السجان:
عربيتي إشتريتها فيها إنذار شغال بدون الريموت ومفصول عنه الكهرباء
المهم رحت للسجان
وقال لي نركبلك وحدة إنذا رئيسية مع ريموتين بدون الأسلاك وبدون وحدة الإهتزاز
والسعر 190 جنيه
طبعا إتضح بعد كده إنه أخذ مني مبلغ أكثر من تركيب إنذار جديد كامل بكل مشتملاته
لهذا السبب أقول للناس إبتعدوا عن محل السجان بشارع دمشق حتى لا تنخدعوا بأسلوب الأستاذ محمود البائع مثل إنخداعي بأسلوبه
سبير كار اسعاره معقولة وعنده تشكيلات متنوعة وممكن تختار تصميم وهو يفصلهولك
انا رحت للفرع اللى فى امتداد رمسيس هوصغير والتشكيلات فيه محدودة
فذهبت للفرع الرئيسى فى شارع الشيخ ريحان عند وزارة الداخلية التشكيلات هناك اكثر
والتركيب ماخدش 30 دقيقة للفرش مع انه اعاد تفصيل الكنبة الخلفية علشان عندى بيتفتح الظهر على الشنطة 1/3 و2/3 والدفع ممكن بالفيزا كمان
اه يا اخى اه فكرتنى بمحمود و خوازيئه . دا من ضمن خوازيئة ركبت مرة زجاج كهرباء هناك لعربيتى اللانوس و فهمنى انه الأصلى بتاع العربية و بعد التركيب ............... طلع زى الزفت سواء مكن أو صنعة تركيب أو معاملة بعد كده لما رجعت عشان يظبطه و برده متظبتش و معملة خر.......... فكرتونى بمحمود :I_angr1[1]:
ألى غيظنى اكتر ان علامة الصلى فى وشه أد كده
عندك حق كلامك مظبوط
على فكرة فى قول مأثور عن الرسول صلى الله علية وسلم بيقول ( الدين المعاملة ) يعنى موش الدقن ولا علامة الصلاة ولا حتى السبحة والجلبية المعاملة فقط بس احنا بنحكم على الناس من مظهرها بس لية بقى موش عارف ؟؟؟؟
ده كفايه اسمه يخلييك تخاف تدخل هناك :b4_282:
هيا وزارة الداخلية دى فين ! اروحلها ازاى. وبعدين مكتوب فى الموقع عنوان فى ميدان نوبار باب اللوق هوا هواه ولا ايه . ولو هروح هركب الفرش فى يومها ولا لأ . انا عامل ميزانية 400 جنيه للفرش بالتركيب هيكفى ولا ازود لازم
Feh Wahed Fe El Tawfeia Helw Awee,el Sagan Bardoo We Dah Maksos Be El Huindi Bas ,we As3aroo Helwa Awee
يا جماعة انا لسة جايب من عنده زينون H4 قالى ب 850 بس انا اخدته بـ 750 بالتركيب
وتكتين
وضمان سنة على اللمبة والموديولاتور
بس من كلامكم انا مقلق قوى
لأن اللمبات غالية خااااااالص
لأن ده النوع اللى بيتوصل بالبطارية
على فكرة انا جبته من الفرع اللى فى ميت عقبة جنب توكيل هوندا اللى على الشارع بررة
والضمان بفاتورة وكل حاجة انا مظبتها
ممكن اللى يطمنى يقولى انا كده فى السليم ولا ممكن يتنصب عليا برضه فى حاجة تانية
فاتح فرع فى سور نادى الترسانه كل اللى لفت نظرى لنى لقيت عنده سماعات Jbl ولقيتها كمان ماليزى مش امريكى وسعرها عنده غاليه طحن
فى سماعات جى بى ال اسعارها بتوصل ل 1400 جنيه
دى موديلات معينة من السماعات
بس ده ميمنعش ان السجان غالى جدا بردو
لا اللى انا بسال عليهم 350 w دول سعرهم الامريكى 1100ج
هو عنده الماليزى بـ 900 ج
وانا كنت شارى الماليزى سنة 2001 بـ 350ج
ولسه بحالتهم لحد دلوقتى مع انى كل لما اغير العربيه اشيلهم
انا شايف اني حربي شغلو في الفرش و كل حاجه كويس و نظيف جدا