باب بيتصنع في مصر وب6000 !! دول حرامية
نصيحة اعمل باب خشب زان أو أرو محترم عمولة أمتن ألف مرة من المصفح الصفيح ده وركب فيه إن شالله 10 كوالين واعمل المقاس اللي انت عايزه ولا وجع الدماغ ده
عرض للطباعة
باب بيتصنع في مصر وب6000 !! دول حرامية
نصيحة اعمل باب خشب زان أو أرو محترم عمولة أمتن ألف مرة من المصفح الصفيح ده وركب فيه إن شالله 10 كوالين واعمل المقاس اللي انت عايزه ولا وجع الدماغ ده
على فكرة الحرامي لابيمنعه باب مصفح ولا كوالين كمبيوتر ولا غيره
ببساطة بيحقن فتحة المفتاح بماية نار بتاكل الكالون من جوه وتخليه سايب
سواء الكالون بيقفل لسان واحد او 100 سيخ حديد - كله بماية النار بيفك
الحل في اجهزة الإنذار من داخل الشقة وضروري جداً تكون بتشتغل ببطارية إحتياطية علشان الحرامي لو فصل الكهرباء من خارج الشكة
لا طبعا مش هجيب باب ب 6000 جنية بس فيه امور حضراتكم متعرفوهاش ان المنطقة عندنا فى المعادى الجديدة و هى منطقة هادئة و العمارات 4 ادوار فقط و تعتبر مفيهاش رجل ( بكسر الراء) اتسرقت كذا شقة منهم شقة فى عمارتنا رغم وجود باب رئيسى للعمارة طبعا حضرت الشرطة و البواب اتغير و اخذنا احتياطات اكثر بس قلت الواحد لازم يأمن نفسه اكثر
في فكره جميله علشان موضوع الحراميه دا حل من الاثنين
تركب كاميرا وتكون شغاله طول الوقت لكن لما تخر او وقت الليل تخليها تبدا تسجل كام صغيره ممكن تتحط في الباب مش هتبان منه اساسا
او حل تاني في سستم بيتعمل انذار تشغله برقم سري وبيتقفل برقم سري بتشغله وقت النوم واي حد يفتح باب الشقه حتى ولو بمفتاح الشقه بيعمل جرس عالي ومش بيبطل غير لما تحط الرقم السري ساعتها حط الباب اللي تحبه ان شاء الله يكون باب زجاج
أنا ليا رأي ..
لو اللي فوق الباب عتب ممكن يترفع لفوق عادي جدا ..
العتب أنا شفته فوق الأبواب ..وبيتم رفعه تبعا لتغيير إرتفاع الباب أو نوعه
بيبقي موجود فوق الشبابيك ..وبيتم رفعه أو خفضه كمان تبعا لتغيير حجم الشباك ..ممكن يكون شباك خشب وهيركب الوميتال مثلا...فبيحصل فرق في الإرتفاع ..فعادي إن العتب يتشال ويطلع لفوق
يبيبقى موجود في الأرجات ..وبرضه بيتم رفعه أو خفضه حسب الحاجه ..
العتب ده أصلا بيتباع جاهز عند بتوع الحدايد ..وممكن البنا يصبه حسب المقاس
أنا شايف إن ده لو عتب فكه وإطلع بيه لفوق وما تضيعش على نفسك فرصة الإستفادة من باب مصفح ..أو تدخل نفسك في مصاريف زيادة ..
وما تقلقش ..العتب أول ما هتشيله مش هتلاقي الحيطه كلها قامت نازله والطوب هيفك من بعضه زي المكعبات اللعبة ...الحيطه برضه ماسكه نفسها ..وبعدين حضرتك مش هتشيل العتب ده مدى الحياه ..ده يدوب هتيشال وهيطلع لفوق ...بس أهم حاجه تتأكد إن اللي فوق الباب عتب مش كمر