الموضوع: محتاره بين اللانسر شارك 2015 و تويوتا يارس 2015...

اولاً الشارك عرية كويسة 1600 cc بس شكلها قديم .. عربية ليها شكل رياضي .. بس فقيرة من جوة .. الشكل بتاع العربية موجود فى السوق من 2007 تقريباً و قريب على السنة اللى جاية الشكل دة مش هاينزل تاني .. اول فئة فيها قبل زيادة اسعار العربيات كانت ب 130 الف و دى ماينفعش تشتريها لانها مافيهاش abs و الفئة التانية منها كانت ب 145 الف و فيها abs و سبويلر

ثانياً الياريس عربية 1500 cc و شكلها الجديد حلو جداً احسن من الشكل القديم .. التابلوه بتاعها شكله نضيف احسن من الشارك (وجهة نظر ممكن حد يختلف معايا فيها عادى) .. بدأ ينزل من 2014 فقط يعنى لسة فى السوق جديدة و تويوتا عامة بتسيب عربيتها فى السوق من 5 الى 7 سنين قبل ماتغير الشكل .. التوكيل محترم جداً جداً جداً .. العربية اعتمادية جداً جداً و موفرة فى البنزين اكتر من الشارك .. اول فئة فيها الاوتوماتيك كانت قبل الزيادة ب 146 الف و كان ممكن تخلصها من اى معرض ب 142 الف و حالياً بعد الزيادة بتاعت ارتفاع جميع السيارات بقت ب 154 الف و فى معارض معينة ممكن تبيعها ب 148 الف او 149 الف فقط


الفترة الاخيرة انا شايف ان اللى بيتباع اكتر هى الشارك بس الياريس بدأت تنتشر برضه بشكل كبير اوووووووووووووووى و مافيش مكان بروحه غير لما بشوف فيه العربيتين دول شارك او ياريس

دة باختصار عن العربيتين
ارشح الياريس

تويوتا ياريس 2015 احلا واعلا وصرف بنزيت كويسه جدا ومفهاش مشاكل كتير وحتعجبك جدا