قررت أغير الهيد ..في حد عايز ينصح أي نصيحه لوجه الله ..؟؟؟

يوم ما جبت العربيه من سنتين إكتشفت إن هي فيها مشكلة جوان وش سلندر ..وأياميها مسحت الوش وغيرت الجوان ..لاحظت وقتها إن العربية تمشي كويس أسبوع مثلا وبعدين أبتدي ألاقي تعريق زيت بسييييييييييط قوي في الريدايتر ..بس التعريق ده مع الوقت ومع الإستخدام يعني مثلا بعد عشر شهور يبدأ يبقى كلاكيع طحينه ..قمت مغير الجوان تاني ..وحصل نفس الموضوع ..بنفس الترتيب ..تعريق زيت بسيييييييييط مع الوقت يبقى طحينه

فأنا قررت بإذن الله إني أغير وش السلندر بواحد إستيراد ..الميكانيكي قالي هات الوش فاضي وهناخد الحاجه بتاعتك اللي في الوش القديم وننقلها في الوش الجديد

السؤال بقى ..

في حد عايز ينصح أي نصيحه لوجه الله ..؟؟؟

يعني حاجات آخد بالي منها وهو الشغل بيتعمل ؟؟...

بالتوفيق مقدما

و للاسف معلوماتى بسيطه جدا عن الموضوع ده

ارجو ان احد الاعضاء يفيدك بالمطلوب

سؤال الاول لو سمحت.
جبت الجوان اصلي ولا من السوق؟

اقتباس:

---

المشاركة الأصلية كتبت بواسطة mankindforce

سؤال الاول لو سمحت.
جبت الجوان اصلي ولا من السوق؟

---

الجوان جبته من السوق ..هو اللي باعه بيقول إنه أصلي ..بس أنا أعرف واحد معاه نفس عربيتي ..وشاري الجوان من نفس الراجل ..وعامل الشغل اللي إتعمل عندي عند نفس الميكانيكي ..وما بيحصلش معاه كده ..

أنا برجح إن الوش لما إتمسح في الأول خالص ..وده كان عن طريق ميكانيكي تاني ..الله يسامحه بقى على اللي عمله ..ممكن يكون إتمسح منه كتير شويه ..عشان كده الوش عندي بياكل جوانات

الوش لما يتمسح بتركبله 2 جوان عشان تعوض اللي الاكل منه.
لما تغير الوش هات جوان اصلي من التوكيل عشان تضمنه.
اعتقد ان الجوان الاصلي بيكون الومنيوم .
كان كده في كورولا معايا، بس ماشفتش بتاع اللانسر.

اقتباس:

---

المشاركة الأصلية كتبت بواسطة mankindforce

الوش لما يتمسح بتركبله 2 جوان عشان تعوض اللي الاكل منه.
لما تغير الوش هات جوان اصلي من التوكيل عشان تضمنه.
اعتقد ان الجوان الاصلي بيكون الومنيوم .
كان كده في كورولا معايا، بس ماشفتش بتاع اللانسر.

---

موضوع الجوانين ده الكل أجمع على إنه بيسبب زيادة في إستهلاك البنزين بالإضافة لضياع العزم ..

دخلت على منتديات أجنبيه وعربيه وسألت ناس وصنايعيه ..كلهم أجمعوا إن موضوع جوانين ده ما هو إلا ..هروب من الحقيقة ..إن الوش إتمسح منه أكتر من المطلوب ولازم يتغير

أنا الجوان الأصلي عندي ألمونيوم فعلا ..وعليه طبقة زي البلاك كده خفيفة قوي..تحس بمرونتها لما تغطس ضوفرك فيها ..شفته في التوكيل وشفته في كذا حته ..واللي جايبه المره دي جاي مع طقم جوانات مكنه كامل ..مكتوب عليه ليتال ..ودي شركة قطع غيار هنديه مشهوره في تصنيع قطع غيار العربيه دي ..أصل العربية سوزوكي التو هندي .. :E_braces[1]:

شكرا لإهتمام حضرتك ..بس كنت عايز أعرف في حاجات معينة أركز فيها والروديه بتتعمل مثلا أو أي حاجه تاني

الوش لما يتمسح بتركبله 2 جوان عشان تعوض اللي الاكل منه.
لما تغير الوش هات جوان اصلي من التوكيل عشان تضمنه.
اعتقد ان الجوان الاصلي بيكون الومنيوم .
كان كده في كورولا معايا، بس ماشفتش بتاع اللانسر.

مش فاهم معلش ايه الروديه

اقتباس:

---

المشاركة الأصلية كتبت بواسطة mankindforce

مش فاهم معلش ايه الروديه

---

ياباشا حضرتك مشاركتك متكرره وأنا رديت عليها فوق ..

الروديه دي بتبقى عملية تطبيع الصباب مع الهيد ...

اسف علي التكرار.
دي اللي يفيدك فيها الخراط اللي هيركب، و شوف خراط كويس عشان مايخربش الدنيا زيي اللي خرب الوش.
و لو الوش كويس سيبك زي ما هو، مش لازم تركب حاجتك.

اقتباس:

---

المشاركة الأصلية كتبت بواسطة mankindforce

اسف علي التكرار.
دي اللي يفيدك فيها الخراط اللي هيركب، و شوف خراط كويس عشان مايخربش الدنيا زيي اللي خرب الوش.
و لو الوش كويس سيبك زي ما هو، مش لازم تركب حاجتك.

---

ياباشا ما أنا لازم أركب حاجتي عليه عشان الوش اللي أنا جايبه فاضي

مش عارف الصراحه.
عدي علي الخراط اسأل، عشان هو اللي هيركب.

اقتباس:

---

المشاركة الأصلية كتبت بواسطة mankindforce

مش عارف الصراحه.
عدي علي الخراط اسأل، عشان هو اللي هيركب.

---

أشكر حضرتك لإهتمامك :hrm_prv:

بص يا أستاذ أبو مازن
تغيير الوش أفضل حل قطعاً بس تخلى بالك ميكونش الوش ممسوح قبل كده و إلا يبقى زى قلته

بس غالباً الناس بتغير الوش لو مشروخ أو فيه عيب فى التاكيهات (و مبتتغيرش زى الفولكس بولو مثلاً)
إنما الصح إن الميكانيكى يقيس إرتفاع الوش بالبوكليس فى وش متمسحش عالمخرطة
و يقيس الوش بتاعك و يشوف الفرق أد إيه و يقرر هيحط جوان و لا جوانين بناءاً على سمك الجوان.
و عاوز أقول برده إن موضوع الجوان المصرى المضروب اللى بيقولو عليه "جوان دوبل" ده أى هبل و لا ليه لازمة. الصح تجيب جوان أصلى, واحد أو إثنين فوق بعض حسب المقاسات اللى عندك

المشكلة اللى عندك بشكل كبير حاجة من 2
يا الجوانات اللى بتجيبها مضروبة و مش أصليه
يا إما .... الخراط مسح الوش مش مضبوط, حاول تقيسه بمسطرة معدن 30 سم و كشاف نور صغير فى مكان مظلم
هتوقف المسطرة على سيفها على الوش و تنور الكشاف وراها و تشوف فيه أى مكان منور و لا لأ (يعنى فيه عالى و واطى و لا لأ)
و مترحش تقيسة عند الخراط علشان أكيد هيقولك .... عاوزة تتمسح تانى.

بالنسبة للجوانين بيضيعوا العزم و بيستهلك بنزين كتير .... صح لو غرف الحرق إرتفاعها زاد و تخليك تمشى ببنزين 60 كمان لو فيه من غير تسقيف, بس ليها ميزة, لو سير الكاتينة أتقطع لاقدر الله, البساتم مش هتطول الصبابات لأنها بقت عالية .
و العكس, لو مسحت و ركبت جوان واحد و إرتفاع غرف الحرق قل
العربية هتشم بنزين و عزم و تسارع ممتاز, بس لازم بنزين 92 عالأقل و هتسقف كتير و الأخطرلو لا قدر الله سير الكاتينه أتقطع الصبابات هتبقى لازقة فى البساتم و غالباً هتتعوج........ ربنا يسترنا جميعاً

الصح لا ده و لا ده , الصح نجيب بوكليس بـ 25 ج صينى لو الميكانيكى معندوش (عادة الخراط عنده ممكن الميكانيكى يستلفه) و تقيس و بناءاً على المقاسات هيا اللى هتحدد الصح إيه.

أعانك الله

Zing0
هو ده الشغل.
اجابه وافيه.
تحياتي.

• الجوب دي اتعملت من شهور قليله وفتحت تاني
  
  . ايا كان نتوكل علي الله هتحل واركن الهد الوقتي . نضف مراية البلوك وتجيب قدم صلب طويل وتقيس تقفيع البلوك ,حدودك كام ياريس؟؟ 0.1 مم للبلوك و 0.1 للهد .لقيت اكتر من 0.1 مم ايه العمل ؟, قدامك حل من اتنين يا تطلع البلوك للخراط يا اما ميكانيكي شاطر !!! يجيب حجر وسنفره ويلقط المرايه واحده واحده لحد ورقة فلر 0.1 متعديش.كدا المرايه خلصت لكن لسه تشوف الاخرام لسه في حدودها مبهوقتش والصدا هبشها ,بردك الشمايز تتشاف اي تعتيب او تجليز فرصه يتعمل ,اي شنبر مكسور يتشاف, اي لقة بستم او شنبر فاتح فرصه بردك . نخش ع الهد
• ايه حكاية هات الوش فاضي ويحط من القديم ؟؟؟؟
  
• اربط هنا عشان مغرز خراب هينفتح .كل صباب بيبا متريح علي قاعدته ودليله .تشيل الصبابات تتاكد مفيش شرخ او نحر او عوج او لسع .لو حلوين لازم روديه بالشنيور علي القواعد الجديده ولازم تتاكد الصبابات مع الدلايل مظبطين -دي ممكن عاوزه تشك خراط- والا هتضرب جلد الصباب الجديد زيرو.الفول والسوست والورد مفيش كسور او نطر.
  
• خوش علي عمود الكامه جلبو ازاي علي الالمونيا ولا سبايك ,خد بالك عشان لمبة الزيت هتنور ولوسطي هيقولك طرمبه وفلم هندي جديد.
  
• المسامير تتراجع اي مسمار مط او بيسحب يترمي والمسامير تنغسل وتنشف مفيش ترابه ولا اخرام البلوك نفخ هوا ويتحط تنديعة زيت بس علي السن ساعة الرباط, لو دلق زيت بالهبوللي هيرقد في الاخرام والمسمار مش هيكمل رباط ومش هيعرف ,ساعة التقفيل الرباط علي مفتاح عزم ومفيش تعالي بعد اسبوع يتحرق تاني .الجوب دي عشان تتعمل مضبوط رزلة وممكن تاخد اسبوع مستريحه .انا بستغرب ميكانيكي غير جوان في ليلة. وبالتوفيق.

وبردك اخبار سير الكتينه وطرمبة الميه والترمو