هل الدكتور النفساني هيفدني

**3abdo.it** · 16-07-2015 06:53 PM

من الي انا فيه محبط اني اكتبلكم والله بس اكيد هتفهمو من مواضيعي السابقه اني مدمر نفسيا وصحيا بسبب وجع مزمن في المعده بقالو معايا تقريبا 4 سنين من بعد مكلت كبده من تلشاؤع ولفيت علي داكتره مصر كلهم بتوع الجهاز الهضمي وجربت كل العلاجات المعده والحموضه وعملت مناظير وتحليل وخت كورسات لجرثومه المعده وبردو مفيش فايده اغلب الايام الي عيشها اقوم الصبح علي الم رهيب في المعده اكن فيه دمل في بطني مش مغص ولا تقلصات وجع غريب كدا وحرقااان واحيانا اسهال..المهم اخر دكتور اسمه نبيل القاضي بعد الاشعه قعد يحلف ان معنديش غير شويه التهابات نسبتها ١٠ في الميه اما الباقي المعده حساسه جدا وكمان عندك الحاله نفسيه وحشه. مقدرتش اكدبه لان اي مشكله بتحصلي او قلق او موضوع مهم بطني بتقلب من زمان حتي لما كنت اخش اللجنه امتحن وانا بدرس يجيلي اسهال ومغص المهم بناء علي كلامه كتبلي علاجات نفسيه مع بتاعت المعده شهر وتعبت تاني بكتبلكم وانا بطني من الفجر بتوجعني وفطرت بسببها خمس تيام في رمضان.. مبقتش عارف اعمل ايه اروح لدكتور. نفسانيي ولا اعمل ايه انا اكتءبت

**أحمد كمال** · 16-07-2015 07:10 PM

روح لدكتور نفساني و ربنا يعافيك بحق الايام المباركة ....... الامراض النفس-جسمانية psychogenic واقع و ليست خيال و لا وهم .......

**Secret-Man** · 16-07-2015 08:26 PM

التاثير النفسى للانسان اغلب المشاكل العضويه ان لم يكن كلها كمان بس محدش بيصدق ولا بيحس بنفسه لما يزعل بشده او يحصل بصدمه نفسيه او يفضل مكتئب لفتره الجسم بيفرز هرمونات مضاده كتير بتسبب امراض رهيبه الانسان مبيحسش بيها الا على المدى الطويل اولها العجز فى الوش ومشاكل العضم والكلام ده من دكاتره

الحزن فعلا شيىء موذى للانسان جدا ولكن ساعات بيكون مش بايد الواحد طبعا

ربنا يعافيك ويشفيك وانصحك بتغير جو دايما - جلسات جاكوزى استرخائيه - مساج تايلندى - الحجامه

كل ده بيخفف الالام النفسيه قبل الجسديه على الجسم وعن تجربه

**ESO101** · 16-07-2015 09:58 PM

المشاركة الأصلية كتبت بواسطة secret-man

ربنا يعافيك ويشفيك وانصحك بتغير جو دايما - جلسات جاكوزى استرخائيه - مساج تايلندى - الحجامه

كل ده بيخفف الالام النفسيه قبل الجسديه على الجسم وعن تجربه

الحجات دي ملهاش تأثير عن تجربة ... وإنتا مسترخي دمك بيغلي

**mazen56** · 16-07-2015 10:42 PM

أولا : ألف سلامة
انا حاسس بيك لان عندي مشكلة قريبة من اللي عندك
في علاج وجربة وهو انك تقرأ قرآن وحتلاقي النفسية هديت شوية
وكمان ابعد عن الاكل الممنوع
ودايما أشرب لبن رايب
وبالشفاء ان شاء الله

**Secret-Man** · 17-07-2015 04:09 AM

المشاركة الأصلية كتبت بواسطة ESO101

الحجات دي ملهاش تأثير عن تجربة ... وإنتا مسترخي دمك بيغلي

التجارب تختلف على حسب الحاله النفسيه
انا عرضتله مجرد اتقراحات لكن معرفش مستوى المشكله عنده واصل لفين وانا نقلت تجربه ناس كتير ومن ضمنهم انا

ممكن تجربتك انت سلبيه مع الاقتراحات ديه لانك مشكلتك واضح انها كبيره وتخطت الامور ديه

ربنا يعافيك

**3abdo.it** · 17-07-2015 10:17 AM

شكرا للدعوات حد يعرف دكتور نفساني كويس يكون قريب من المهندسين

**Sherifmt** · 17-07-2015 12:20 PM

اخي الكريم كل سنة وانت طيب عيد مبارك ..... جرب واقرا عن الصوم الطبي لو اقتنعت بية جربة .... انا جربته لمدة 10 ايام ولله الحمد ساعدني كتير للتخلص من مشاكل المعدة...... ربنا يشفيك ويعافيك