ايه اللى يخلى مروحه العربيه تعلق او فيوزها يضرب كتير

**Aquila** · 17-07-2015 10:28 AM

اولا كل سنة وانتم طيبين
عندى مشكلة في عربيتى اوبل فيكترا ٩٨
العربيه غيرتلها حساس ميا
والمروحه تعلق مره تشتغل ومره لا
واحيانا الفيوز يضرب
نفسي اعرف السبب ياريت تساعدونى

**rotanamasoud** · 17-07-2015 02:05 PM

فيوز يضرب لو الوضع طبيعى يبقى الفيوز غير مناسب للحمل
لو الوضع غير طبيعى ملفات محمصه فى المروحه وعامله شبهه قفله بيكون الحمل اعلى مع ضعف فى عزم المروحه ويؤدى لضرب الفيوز
فممكن تقيس بافوميتر الامبير بتاع المروحه وتشوفه كام وقولى (يعنى اقوى مروحه قيستها كانت 20 امبير وتحتاج فيوز 40 امبير)
تعليق المروحه يا حساس بايظ يا مشكله اخد هواء فى دوره التبريد فميوصلش الماء الساخن كويس للحساس فيقرى غلط ويشتغل سعات وسعات لا يا مشكله فى الوصلات الكهربائيه

**Aquila** · 17-07-2015 03:15 PM

شكرا ليك جدا
انا امبارح غيرت الفيوز من ٢٥ لاربعين
اما موضوع ان العربيه واخده هوا انا اخدتلها هوا كذا مره وهى دايره او وهى طافيه بس بردو المشكله موجوده
وياريت حضرتك توضح نقطه المشكله في الوصلات الكهربائية هل ممكن ماس يعمل كده لانى ملاحظ ان العربيه بطاريتها بتنام لو سيبتها يومين بس

**Mecha** · 17-07-2015 03:17 PM

المشاركة الأصلية كتبت بواسطة rotanamasoud

فيوز يضرب لو الوضع طبيعى يبقى الفيوز غير مناسب للحمل
لو الوضع غير طبيعى ملفات محمصه فى المروحه وعامله شبهه قفله بيكون الحمل اعلى مع ضعف فى عزم المروحه ويؤدى لضرب الفيوز
فممكن تقيس بافوميتر الامبير بتاع المروحه وتشوفه كام وقولى (يعنى اقوى مروحه قيستها كانت 20 امبير وتحتاج فيوز 40 امبير)
تعليق المروحه يا حساس بايظ يا مشكله اخد هواء فى دوره التبريد فميوصلش الماء الساخن كويس للحساس فيقرى غلط ويشتغل سعات وسعات لا يا مشكله فى الوصلات الكهربائيه

الافو ممكن يقيس 20 امبير ؟؟؟ ولا تحتاج بنسة امبير

**Mecha** · 17-07-2015 03:24 PM

وبردك اضافه لشرح الاخ rotanamasoud شوف ريليه المروحه ,جرب لو وصلته ديركت هيبان المروحه تقطع او تحرق الفيوز. وياريت متحطش فيوز اكبر من الاصلي هيحرق سلك وفيش ويفتح مشاكل تانيه.

**rotanamasoud** · 17-07-2015 03:41 PM

25 ل40 كتير متزودش عن الاصلى الا لو انت معدل مروحه اعلى
مشكله وصلات عايزه كهربائى يراجع على الاسلاك والفيش والكتاوت او انت تراجع عليها لو غاوى زى حلاتى (اى تلامسات سيئه او تعليق يؤدى لحرق الفيوز وتعليق المروحه يعنى احتمال الوصلات السبب وارد جدا)
Mecha الافو الديجتال قرائته مفتوحه لاكنه مصمم حتى 10 امبير وانا عامله سلك محمل والقياس هنا لحظى عشان ميبوظش مع الاستفاده بدقه الديجتال