عندى مشكله فى فورد فيستا 96

**amr salem** · 17-07-2015 02:23 PM

انا معايا فورد فيستا 96 لسه شاريها وعندى مشكله مغلبانى صوت تسقيف فى الماتور على الرغم انى بحط 92 رحت للميكانيكى وغيرت طقم بوجيهات الاصلى بتعها موتور كرافت وسلك بوجيهات وفلتر هواء وظبط التكهات وظبط الهواء بتاع الكاربتير صوت المكنه هدى شويه بس برضه لسه فى تسقبف والماتور خفيف شويه لانه فى دخنه خفيفه طالعه من خرطوم الفايز اللى داخل على العمه وايضا يوجد ريحه بنزين نى حتى بعد تغير ما تم ذكره ياريت لو حد عنده حل للمشكله ديه لانها فعلا خنقتنى وكنت عايز اعرف ميكانيكى فورد متخصص فى الاسكندريه واسف انى طولت عليكم
وعيد سعيد على الجميع إن شاء الله

**amr salem** · 18-07-2015 03:47 PM

ايه يا جماعه نسبه المشاهده 48 ومفيش ولا رد

**اسامه نور الدي** · 20-07-2015 11:05 AM

انا معايا 98 حصلت فيها نفس المشكله وغيرت كل الي انت قولته برضه وفي الاخر طلعت المشكله ان فلتر البنزين الي تحت العربيه مسدود و دا فلتر كبير جبته ب 70 جم و ظبطت و مش عارف ال96 فيها فلتر من تحت و لا لا عموما بص ع الفلتر البنزين الرئيسي لعربيه

**Abo_Mazen** · 20-07-2015 12:55 PM

خلي بالك المكنة الخفيفة تسقف معاك..وخصوصا في التجميع بتاعها

**amr salem** · 20-07-2015 01:46 PM

بس انا المكنه عندى مش خفيفه للدرجه هيا فى البدايه يعنى مفيش دخنه بيضه من الجكمان وسحب العربيه فى المعقول وصوت التكهات عالى هل ده طبيعى وايضا حاسس ان الموتور صوته خشن شويه ممكن يكون ايه العيب ايه

**amr salem** · 20-07-2015 01:49 PM

بالنسبه لفلتر البنزين الميكانيكى لما سألته قالى ملهاش فلتر بنزين وبالنسبه لاسلام فورد هل هو صنيعى كويس وبيفهم ولا لا ولو فيه بديل ليه فى الاسكندريه يبقى مين

**Abo_Mazen** · 21-07-2015 08:41 AM

المشاركة الأصلية كتبت بواسطة amr salem

بس انا المكنه عندى مش خفيفه للدرجه هيا فى البدايه يعنى مفيش دخنه بيضه من الجكمان وسحب العربيه فى المعقول وصوت التكهات عالى هل ده طبيعى وايضا حاسس ان الموتور صوته خشن شويه ممكن يكون ايه العيب ايه

طيب ما ضبطة التاكيهات مع ضبطة الإسبراتير مع ضبطة الكاربراتير ..كل دول يحلو ليك المشكلة اللي بتشتكي منها

**amr salem** · 21-07-2015 07:25 PM

العربيه عندى مفيهاش اسبراتير وفعلا مش عارف المفروض تكون ظبطه الكهرباء بتعتها ازاى

**Abo_Mazen** · 21-07-2015 07:41 PM

المشاركة الأصلية كتبت بواسطة amr salem

العربيه عندى مفيهاش اسبراتير وفعلا مش عارف المفروض تكون ظبطه الكهرباء بتعتها ازاى

هي إنجيكشن ولا إيه ؟؟؟؟!!!!!

**اسامه نور الدي** · 22-07-2015 10:01 AM

المشاركة الأصلية كتبت بواسطة amr salem

بالنسبه لفلتر البنزين الميكانيكى لما سألته قالى ملهاش فلتر بنزين وبالنسبه لاسلام فورد هل هو صنيعى كويس وبيفهم ولا لا ولو فيه بديل ليه فى الاسكندريه يبقى مين

فلتر البنزين موجود فيها ودا في جسم العربيه من تحت تحت باب السائق و هو فلتر كبير المونيوم بجوز كلبسات ارفع العربيه و شوفه مفيش عربيه بدون فلتر بنزين ابدا