مخالفة تصوير فى الإشارة

**wmz** · 18-07-2015 08:57 PM

كل عام وأنتم جميعا بخير وسعادة وفى افضل حال
أنا متعكنن من امبارح جدا وباسمع ارقام 1500 جنيه وكلام من ده
فياريت الاخوة كعادتهم يمدون يد العون

امبارح فى وسط البلد شارع 26 يوليو فى اشارة من الى فيها كاميرا عند احد التقاطعات
الكاميرا وانوار الاشارة وعداد الثوانى موجودة بعد ا لتقاطع مش قبله
يعنى بعد ما تعدى الاشارة تلاقى الكاميرا والانوار
الاشارة كانت خضراء وأنا داخل عليها
بس الدنيا كانت بالليل وأنا عندى مشكلة فى الشبكية وضعف نظر مش بينفع معاه نظارات فمكننتش شايف كويس الرقم الى بالاخضر
شفته لما قربت عند الاشارة لقيته 5 ثوان
رحت معدى التقاطع وعينى على الاشارة لغاية ما بقيت فوقى (وهى زى ما ذكرات فى الناحية التانية بعد ما تعدى التقاطع مش قبله ) فكانت تقريبا لسه خضراء وبقيت ثانية واحدة وبعد كده بصيت قدامى لأنى بقيت تحتها
معرفش بقى اتصورت ولا لأ
يعنى فعليا لما عديت الاشارة كانت خضراء ببس لأنها فى الناحية التانية من التقاطع فممكن تكون بقت حمراء عقبال ما وصلتلها وأنا مشفتهاش
حد عنده معلومات عن توقيت التصوير بيتم أمتى ؟
حد عنده معلومات عن قيمة المخالفة ؟

**مُصْطٓفٓى** · 18-07-2015 09:55 PM

المشكلة مش في المخالفة
المشكلة في قيادة السيارة وحضرتك عندك مشاكل في النظر
حضرتك كده بتعرض حياة الناس للخطر
خصوصا ان عداد الإشارة بيكون واضح جدا
معذرة لردي هذا والذي بالتأكيد لن يعجبك

**wmz** · 18-07-2015 11:43 PM

المشاركة الأصلية كتبت بواسطة مُصْطٓفٓى

المشكلة مش في المخالفة
المشكلة في قيادة السيارة وحضرتك عندك مشاكل في النظر
حضرتك كده بتعرض حياة الناس للخطر

خصوصا ان عداد الإشارة بيكون واضح جدا
معذرة لردي هذا والذي بالتأكيد لن يعجبك

جزاك الله خير على النصحية
ربنا يجعله فى ميزان حسناتك
هو إن شاء الله مفيش مخاطر على الناس
ولا على أنا ( بس حضرتك نسيتنى فى احتمال تعرضى للمخاطر بنفس النسبة الى ممكن الناس تتعرض ليها )
فمشكلتى هى بعض الانبعاج فى الرؤية مش بتأثر على اجمالى الرؤية بشكل كبير الا الحاحات الى محتاجة أنى ادقق زى الارقام والقراءة
ببساطة زى الى بيلبس نظارة قراية ونظارة نظر فأنا المشكلة عندى فى القراية بس و للعين اليسرى فقط
يعنى بفضل من الله لسه مبقتش الشيخ حسنى فى الكيت كات
المشاركة بتاعة حضرتك عجبانى طبعا وعلى العين والرأس

**wmz** · 19-07-2015 11:58 PM

هل من مجيب يا شباب ؟

**SoFiMaN** · 20-07-2015 12:34 AM

تقريبا نفس الاشارة دي صورتني وانا اصلا باخد يمين يعني مقطعتش الشارع!! اول مرة اشوف مخالفة اني بدخل يمين والمعروف ان مش بتلتزم باشارة لانك لتمشي بنفس اتجاه السيارات

**wmz** · 20-07-2015 12:39 AM

المشاركة الأصلية كتبت بواسطة sofiman

تقريبا نفس الاشارة دي صورتني وانا اصلا باخد يمين يعني مقطعتش الشارع!! اول مرة اشوف مخالفة اني بدخل يمين والمعروف ان مش بتلتزم باشارة لانك لتمشي بنفس اتجاه السيارات

حضرتك عرفت منين أنك اتصورت ( شوفت إضاءة فلاش ولا شفت أيه يخليك تقول أنك اتصورت ؟؟؟؟؟ )
لو نفس الاشارة ( 26 يوليو مع عماد الدين عند جروبى ) يبقى الى داخل يمين داخل مش مخالف

**JAM** · 22-07-2015 08:52 AM

إتصورت السنة اللى فاتت فى الإشارة اللى فى البطل أحمد عبد العزيز اللى عند فاكسيرا... كان معايا زوج عمتى رحمة الله عليه وكنا بنجرى ندور على عناية مركزة.... وانا برخص من شهر... ملقتش مخالفات خالص... متقلقش

**Abo_Mazen** · 22-07-2015 09:36 AM

ملهاش حل تاني ...

كام شهر كده وروح إكشف عليها في المخالفات ..وربنا ييسر وما تكونش نزلت أصلا

**wmz** · 22-07-2015 12:52 PM

جزاكم الله خيرا
طيب الناس الى اتصورت بالليل
هل لازم يكون فيه فلاش ؟
لأنى متأكد أنى كنت بالليل ومفيش فلاش نور

**omarhelalyehia** · 22-07-2015 02:03 PM

فعلا الاشارات الجديدة اللى فى وسط البلد .....عاملة زى اللى لابد فى الدرة و مستنى ....انا شغلى فى طلعت حرب و لانها جديدة عليا اتقرصت كذا مرة و ربنا يستر....سيبها على الله و قول يا باسط