محتار بين فورد فيوجن اول فئة و اوبل انسجينيا اول فئة

العربيتين نفس السعر تقريبا 250 الف..الامكانيات قريبة من بعض...الاوبل موتور تربو كلة بياكد انة محتاج بنزين 95 و الوكيل منصور!!!
الفيوجن عربية محترمة جدا موتور إيكوبوست 1500 بياخد بنزين 92 بدون مشاكل..مشكلتها انها مش منتشرة خالص انا من مصر الجديدة ما شفتش ولا عربية فى الشارع و الوكيل عبد اللطيف جميل و سعر إعادة البيع ربنا يستر..انا حجزت الفيوجن بس خايف منها جدا و مش لاقى كلام كتير عنها فى المنتدى هنا..الأستاذ أحمد فوزى معانا فى المنتدى معاة واحدة فيوجن..أرجو منة كتابة تقرير عنها و المشاكل اللى قبلتة علشان يساعدنى اخد قرار و عايز اسمع آراء حضرتكم و شكرا

اوبل عشان اعادة البيع مش اكتر

يااما تزود عليهم اي عربية جديدة في الاختيار

اقتباس:

---

المشاركة الأصلية كتبت بواسطة stilnox

العربيتين نفس السعر تقريبا 250 الف..الامكانيات قريبة من بعض...الاوبل موتور تربو كلة بياكد انة محتاج بنزين 95 و الوكيل منصور!!!
الفيوجن عربية محترمة جدا موتور إيكوبوست 1500 بياخد بنزين 92 بدون مشاكل..مشكلتها انها مش منتشرة خالص انا من مصر الجديدة ما شفتش ولا عربية فى الشارع و الوكيل عبد اللطيف جميل و سعر إعادة البيع ربنا يستر..انا حجزت الفيوجن بس خايف منها جدا و مش لاقى كلام كتير عنها فى المنتدى هنا..الأستاذ أحمد فوزى معانا فى المنتدى معاة واحدة فيوجن..أرجو منة كتابة تقرير عنها و المشاكل اللى قبلتة علشان يساعدنى اخد قرار و عايز اسمع آراء حضرتكم و شكرا

---

الفيوجن عربية مميزة جدا وفعلا ماشى معاه بنزين 92
وأوسع من الإنسيجنيا خصوصا فى الكنبة.
الإنسيجنيا عجبتنى أكتر فى التابلوه.
حاول تجرب العربيتين بنفسك
عندى سؤال لو تسمح....إيه سبب اختيار الإسم بتاع حضرتك؟ ☺

لو بتدور على المضمون ف الفئة دى ,, خليك ف ال508

فعلا خليك في ال508

اقتباس:

---

المشاركة الأصلية كتبت بواسطة stilnox

العربيتين نفس السعر تقريبا 250 الف..الامكانيات قريبة من بعض...الاوبل موتور تربو كلة بياكد انة محتاج بنزين 95 و الوكيل منصور!!!
الفيوجن عربية محترمة جدا موتور إيكوبوست 1500 بياخد بنزين 92 بدون مشاكل..مشكلتها انها مش منتشرة خالص انا من مصر الجديدة ما شفتش ولا عربية فى الشارع و الوكيل عبد اللطيف جميل و سعر إعادة البيع ربنا يستر..انا حجزت الفيوجن بس خايف منها جدا و مش لاقى كلام كتير عنها فى المنتدى هنا..الأستاذ أحمد فوزى معانا فى المنتدى معاة واحدة فيوجن..أرجو منة كتابة تقرير عنها و المشاكل اللى قبلتة علشان يساعدنى اخد قرار و عايز اسمع آراء حضرتكم و شكرا

---

الأوبل من 2014 تسير بوقود 92 أوكتين بدون مشاكل، وهذا بعد تغيير نوع المحرك وإدخال بعض التعديلات، ولا شكوى بعدها منذ ذلك الحين، وهذا بتأكيد الملاك أنفسهم، ويمكنك أن تراجع الموضوع في التوقيع وردود بعض الملاك فيه تصديقًا لما أقول. وفيه أيضًا توضيح بالنسبة لموضوع التوكيل.

الفورد جديدة جدًا في السوق ولا يمكن الحكم على مدى انتشارها من الآن.

نرجع للمقارنة؛ الفئة الأولى في الإنسيجنيا تتميز عن مثيلتها في الفيوجن في الآتي:

• الانتشار
• إعادة البيع
• الخلوص الأرضي
• اتساع حقيبة الأمتعة
• سعة خزان الوقود
• المدى الذي يمكن أن تسيره
• إمكانيات المحرك عمومًا
• تجهيزات المكابح والأمان
• مثبت ومحدد السرعة
• مقياس ضغط الإطار
• المفتاح الذكي وإمكانيات كثيرة في التحكم عن بعد
• حساس المطر
• إمكانيات متعددة للمرايا
• إضاءة ضباب خلفية
• فتحات تكييف للمقاعد الخلفية
• ستائر هواء جانبية
• مقابس كهرباء أكثر ومنها مقبس 230 فولت
• مقاعد نصف جلد
• مسند لفقرات الظهر بالكهرباء لمقعد السائق
• الصف الخلفي ينطبق ويفتح على حقيبة الأمتعة
• شاشة عدادات أكثر تطورًا
• تجليد جلد للمقود وناقل الحركة
• تحكم في أوضاع المقود
• زر تشغيل المحرك
• عدد سماعات أكثر
• بلوتوث و Aux-in
• مقود متعدد الاستخدام
• بيانات باللغة العربية

بينما الفيوجن تتميز عن الإنسيجنيا في التالي:

• أرخص بهامش بسيط في السعر
• ربما تكون قطع الغيار أكثر اعتمادية!
• اقتصاد الوقود أفضل بدرجة قليلة
• اتساع المسافة أمام ركاب الصف الثاني بدرجة ملحوظة
• أخف وزنًا
• التسارع أفضل
• إمكانية برمجة السيارة لأداء معين (MyKey)
• وجود مانع تشغيل للمحرك
• زجاج عازل على النوافذ الخلفية
• إضاءة مصابيح الضباب عند المنحنيات
• مقعد الراكب الأمامي بالكهرباء
• المقاعد الأمامية بذاكرة تخزين أوضاع
• المقاعد الأمامية مزودة بدفايات
• مقياس حرارة خارجي

وكما ذكرت في البدء، فإن هذا الفرق بين الفئة الأولى في كل منهما، وكلما ارتفعت الفئات كلما رجحت المقارنة أكثر لصالح الإنسيجنيا، مع العلم بأن الفيوجن فيها 4 فئات والإنسيجنيا فيها 3 فئات.

اقتباس:

---

المشاركة الأصلية كتبت بواسطة أحمد محمد

الأوبل من 2014 تسير بوقود 92 أوكتين بدون مشاكل، وهذا بعد تغيير نوع المحرك وإدخال بعض التعديلات، ولا شكوى بعدها منذ ذلك الحين، وهذا بتأكيد الملاك أنفسهم، ويمكنك أن تراجع الموضوع في التوقيع وردود بعض الملاك فيه تصديقًا لما أقول. وفيه أيضًا توضيح بالنسبة لموضوع التوكيل.

الفورد جديدة جدًا في السوق ولا يمكن الحكم على مدى انتشارها من الآن.

نرجع للمقارنة؛ الفئة الأولى في الإنسيجنيا تتميز عن مثيلتها في الفيوجن في الآتي:

[*]الانتشار[*]إعادة البيع[*]الخلوص الأرضي[*]اتساع حقيبة الأمتعة[*]سعة خزان الوقود[*]المدى الذي يمكن أن تسيره[*]إمكانيات المحرك عمومًا[*]تجهيزات المكابح والأمان[*]مثبت ومحدد السرعة[*]مقياس ضغط الإطار[*]المفتاح الذكي وإمكانيات كثيرة في التحكم عن بعد[*]حساس المطر[*]إمكانيات متعددة للمرايا[*]إضاءة ضباب خلفية[*]فتحات تكييف للمقاعد الخلفية[*]ستائر هواء جانبية[*]مقابس كهرباء أكثر ومنها مقبس 230 فولت[*]مقاعد نصف جلد[*]مسند لفقرات الظهر بالكهرباء لمقعد السائق[*]الصف الخلفي ينطبق ويفتح على حقيبة الأمتعة[*]شاشة عدادات أكثر تطورًا[*]تجليد جلد للمقود وناقل الحركة[*]تحكم في أوضاع المقود[*]زر تشغيل المحرك[*]عدد سماعات أكثر[*]بلوتوث و Aux-in[*]مقود متعدد الاستخدام[*]بيانات باللغة العربية


بينما الفيوجن تتميز عن الإنسيجنيا في التالي:

[*]أرخص بهامش بسيط في السعر[*]ربما تكون قطع الغيار أكثر اعتمادية![*]اقتصاد الوقود أفضل بدرجة قليلة[*]اتساع المسافة أمام ركاب الصف الثاني بدرجة ملحوظة[*]أخف وزنًا[*]التسارع أفضل[*]إمكانية برمجة السيارة لأداء معين (MyKey)[*]وجود مانع تشغيل للمحرك[*]زجاج عازل على النوافذ الخلفية[*]إضاءة مصابيح الضباب عند المنحنيات[*]مقعد الراكب الأمامي بالكهرباء[*]المقاعد الأمامية بذاكرة تخزين أوضاع[*]المقاعد الأمامية مزودة بدفايات[*]مقياس حرارة خارجي


وكما ذكرت في البدء، فإن هذا الفرق بين الفئة الأولى في كل منهما، وكلما ارتفعت الفئات كلما رجحت المقارنة أكثر لصالح الإنسيجنيا، مع العلم بأن الفيوجن فيها 4 فئات والإنسيجنيا فيها 3 فئات.

---

كلام سليم بس فى كام نقطة فى المقارنة أحب أضيفهم

الاتنين نظم الفرامل زى بعض، وأيضا مانع تشغيل المحرك ومقياس الحرارة الخارجية ومقياس ضغط العجل وامكانية طى الكنبة موجودين فى الاتنين.

الإنسيجنيا فيها كمان زيادة عن الفيوجن حساس إضاءة وجنوط 18 وكاوتش أعرض وضمان 3 سنوات.

الفوجن فيها زيادة كمان نقلات خلف الطارة paddle shifters

اقتباس:

---

المشاركة الأصلية كتبت بواسطة K.Ossama

كلام سليم بس فى كام نقطة فى المقارنة أحب أضيفهم

الاتنين نظم الفرامل زى بعض، وأيضا مانع تشغيل المحرك ومقياس الحرارة الخارجية ومقياس ضغط العجل وامكانية طى الكنبة موجودين فى الاتنين.

الإنسيجنيا فيها كمان زيادة عن الفيوجن حساس إضاءة وجنوط 18 وكاوتش أعرض وضمان 3 سنوات.

الفوجن فيها زيادة كمان نقلات خلف الطارة paddle shifters

---

شكرًا يا أخ خالد على الإضافة والتصحيح.

المكابح وتجهيزات الأمان فعلًا شبه متساوية. والتفصيل على حسب ما هو مذكور في كتيب المواصفات‘ فإن الإنسيجنيا تزيد فقط في وجود EBD وهو نظام غير موجود إلا في الفئة الأعلى فقط في الفيوجن، بينما تزيد الفيوجن عن الإنسيجنيا في وجود نظام EBA (Emergency Brake Assist).

مانع تشغيل المحرك موجود في كل الفئات في الفورد، بينما لا يوجد إلا في الفئة الأعلى في الأوبل. وعلى النقيض، فإنذار السرقة يوجد في الفئة الأعلى في الأوبل ولا يوجد في أي فئة في الفورد.

مقياس الحرارة الخارجية في جميع فئات الفورد وفي الفئة الثانية والثالثة في الأوبل.

مقياس ضغط العجل غير موجود في أي فئة في الفورد.

إمكانية طي المقاعد الخلفية موجودة في كل فئات الأوبل ولا توجد في الفورد.

حساس الإضاءة موجود في السيارتين في جميع الفئات.

إطارات الأوبل من جميع الفئات سبيكة مقاس 245/18 بينما إطارات الفورد من جميع الفئات سبيكة مقاس 235/17.

ضمان الفورد لمدة سنتين بدون حد أقصى للكيلومترات مع ضمان ضد الصداء لمدة 12 سنة؛ ضمان الأوبل لمدة 3 سنوات أو 100,000 كيلومتر أيهما أقرب، مع خدمة المساعدة على الطريق على مدار الأربع والعشرين ساعة.

النقلات الرياضية خلف المقود توجد في الأوبل أعلى فئة فقط ولا توجد في أي فئة في الفورد.

كل ما سبق هو معلوماتي من خلال الكتيبات الرسمية، وقد تكون أهملَت ذكر بعض التفاصيل أو أكون أنا قد أخطأت. فأرجو منك التصحيح أو التأكيد على ما ذكرته أعلاه، ولكم جزيل الشكر.

والله نفس الحيره اللي انا فيها المقارنه صعبه جدا ... انا عامل موضوع من امبارح في منتدى فورد

اقتباس:

---

المشاركة الأصلية كتبت بواسطة أحمد محمد

شكرًا يا أخ خالد على الإضافة والتصحيح.

---

العفو يا فندم.
اسمحلى اراجع حضرتك فى النقاط المذكورة فى ردكم باللون الأزرق وتعليقى عليها باللون الأسود بعد كل نقطة بعد ما رجعت بروشور وكتالوج العربيتين

المكابح وتجهيزات الأمان فعلًا شبه متساوية. والتفصيل على حسب ما هو مذكور في كتيب المواصفات‘ فإن الإنسيجنيا تزيد فقط في وجود EBD وهو نظام غير موجود إلا في الفئة الأعلى فقط في الفيوجن، بينما تزيد الفيوجن عن الإنسيجنيا في وجود نظام EBA (Emergency Brake Assist).

الاتنين موجودين فى العربيتين كتجهيزات أساسية

مانع تشغيل المحرك موجود في كل الفئات في الفورد، بينما لا يوجد إلا في الفئة الأعلى في الأوبل. وعلى النقيض، فإنذار السرقة يوجد في الفئة الأعلى في الأوبل ولا يوجد في أي فئة في الفورد.

مانع تشغيل المحرك موجود فى كل فئات الإنسيجنيا والإنذار بس اللى فى أعلى فئة

مقياس الحرارة الخارجية في جميع فئات الفورد وفي الفئة الثانية والثالثة في الأوبل.

وموجود فى كل فئات الإنسيجنيا

مقياس ضغط العجل غير موجود في أي فئة في الفورد.

موجود فى كل فئات الفيوجن والإنسيجنيا

إمكانية طي المقاعد الخلفية موجودة في كل فئات الأوبل ولا توجد في الفورد.

موجود فى كل فئات الفيوجن والإنسيجنيا

حساس الإضاءة موجود في السيارتين في جميع الفئات.

غير موجود فى أول وتانى فئة فى الفيوجن انما موجود فى كل الإنسيجنيا

إطارات الأوبل من جميع الفئات سبيكة مقاس 245/18 بينما إطارات الفورد من جميع الفئات سبيكة مقاس 235/17.

تمام

ضمان الفورد لمدة سنتين بدون حد أقصى للكيلومترات مع ضمان ضد الصداء لمدة 12 سنة؛ ضمان الأوبل لمدة 3 سنوات أو 100,000 كيلومتر أيهما أقرب، مع خدمة المساعدة على الطريق على مدار الأربع والعشرين ساعة.

تمام، وبرضو نفس الضمان ضد الصدألمدة 12 سنة على الإنسيجنيا

النقلات الرياضية خلف المقود توجد في الأوبل أعلى فئة فقط ولا توجد في أي فئة في الفورد.

مكتوب فى موقع عبداللطيف جميل انها موجودة من أول فئة، انما مش جايبين سيرتها فى البروشور خالص. دى النقطة الوحيدة اللى ماعرفتش أتأكد منها، مش عارف ايه الصح بقى....!

تحياتى

اقتباس:

---

المشاركة الأصلية كتبت بواسطة K.Ossama

العفو يا فندم.
اسمحلى اراجع حضرتك فى النقاط المذكورة فى ردكم باللون الأزرق وتعليقى عليها باللون الأسود بعد كل نقطة بعد ما رجعت بروشور وكتالوج العربيتين

المكابح وتجهيزات الأمان فعلًا شبه متساوية. والتفصيل على حسب ما هو مذكور في كتيب المواصفات‘ فإن الإنسيجنيا تزيد فقط في وجود EBD وهو نظام غير موجود إلا في الفئة الأعلى فقط في الفيوجن، بينما تزيد الفيوجن عن الإنسيجنيا في وجود نظام EBA (Emergency Brake Assist).

الاتنين موجودين فى العربيتين كتجهيزات أساسية
جميع فئات فورد فيها نظام EBD مثل أوبل، بالإضافة إلى نظام BLD - Brake Limited Slip Differential غير الموجود في أوبل. وعلى هذا تكون أنظمة المكابح في فورد أكثر.
---

مانع تشغيل المحرك موجود في كل الفئات في الفورد، بينما لا يوجد إلا في الفئة الأعلى في الأوبل. وعلى النقيض، فإنذار السرقة يوجد في الفئة الأعلى في الأوبل ولا يوجد في أي فئة في الفورد.

مانع تشغيل المحرك موجود فى كل فئات الإنسيجنيا والإنذار بس اللى فى أعلى فئة
أظن كلامك صحيح بالرغم من أنهم لم يأتوا على ذكر مانع التشغيل في أي فئة، ولكن ذكروا فقط إنذار السرقة في الفئة الأعلى.
---

مقياس الحرارة الخارجية في جميع فئات الفورد وفي الفئة الثانية والثالثة في الأوبل.

وموجود فى كل فئات الإنسيجنيا
أوافقك الرأي، فهذا شيء بديهي، وإن لم يكن مكتوبًا.
---

مقياس ضغط العجل غير موجود في أي فئة في الفورد.

موجود فى كل فئات الفيوجن والإنسيجنيا
صحيح.
---

إمكانية طي المقاعد الخلفية موجودة في كل فئات الأوبل ولا توجد في الفورد.

موجود فى كل فئات الفيوجن والإنسيجنيا
صحيح.
---

حساس الإضاءة موجود في السيارتين في جميع الفئات.

غير موجود فى أول وتانى فئة فى الفيوجن انما موجود فى كل الإنسيجنيا
صحيح.
---

إطارات الأوبل من جميع الفئات سبيكة مقاس 245/18 بينما إطارات الفورد من جميع الفئات سبيكة مقاس 235/17.

تمام
التصحيح أن إطارات الفورد الفئة الثالثة والرابعة والخامسة (Liftback) من سبيكة مقاس 235/18، والباقي كما هو مذكور بالأعلى.
---

ضمان الفورد لمدة سنتين بدون حد أقصى للكيلومترات مع ضمان ضد الصداء لمدة 12 سنة؛ ضمان الأوبل لمدة 3 سنوات أو 100,000 كيلومتر أيهما أقرب، مع خدمة المساعدة على الطريق على مدار الأربع والعشرين ساعة.

تمام، وبرضو نفس الضمان ضد الصدألمدة 12 سنة على الإنسيجنيا
لم أجد هذه المعلومة لا على الموقع ولا في الكتيب! ربما عندك علم بذلك؟
---

النقلات الرياضية خلف المقود توجد في الأوبل أعلى فئة فقط ولا توجد في أي فئة في الفورد.

مكتوب فى موقع عبداللطيف جميل انها موجودة من أول فئة، انما مش جايبين سيرتها فى البروشور خالص. دى النقطة الوحيدة اللى ماعرفتش أتأكد منها، مش عارف ايه الصح بقى....!
كلامك صحيح. راجعت الصور فوجدتها في الصورة الثالثة بينما هي غير موجودة في الصورة الخامسة والسابعة (فرق في التصميم). عادة عندما يوجد تضارب في المعلومات، أميل إلى تصديق الكتيب، لأنه عادة ما يكون مفصلًا على ما يباع محليًا. ويمكن أيضًا أن نعتبر أن البدالات موجودة في الفئة الأعلى فقط (تمامًا كما في الأوبل)، والله أعلم.
---

بالإضافة إلى ما سبق لاحظت في فيوجن الآتي:

• يوجد محدد سرعة في كل الفئات ما عدا الفئة الأولي.
• لا توجد حساسات ركن لا أمامية ولا خلفية في الفئتين الأولى والثانية.
• توجد كاميرا خلفية في الفئة الثالثة.
• لا يوجد مفتاح ذكي ولا زر تشغيل السيارة في الفئة الثانية.
• يمكن تشغيل السيارة عن بعد في جميع الفئات ما عدا الفئة الأولى.
• كل الفئات فيها مرايا كهرباء وضم وإزالة ضباب وإشارات.
• مصابيح مكابح الطوارئ توجد في الفئة الأعلى فقط (الفئة الرابعة).
• توجد حقائب هوائية للركبة وفي الجوانب الخلفية في جميع الفئات.
• يوجد مأخذ كهرباء 12 فولت في جميع الفئات.
• مقاعد جلد رياضية في الفئة الأعلى.
• كرسي السائق بالكهرباء بالكامل مع الذاكرة في آخر فئتين (الثالثة والرابعة).
• كرسي الراكب الأمامي بالكهرباء بالكامل مع الذاكرة في آخر فئة فقط.
• دفايات للكراسي الأمامية في آخر فئتين فقط.
• تجليد المقود وذراع ناقل الحركة بالجلد في كل الفئات.
• شاشة 8 بوصة باللمس في الفئة الثالثة والرابعة، وبقية الفئات الثلاث بشاشة 4 بوصة بدون لمس.

---

تحياتى

---

السلام عليكم يا دكتور خالد...

دخلت على موقع فورد مرة أخرى ففوجئت أنه تم تحديث كثير من المعلومات، لأني لم أدخل عليه منذ أكثر من شهرين، بالإضافة إلى أنهم وضعوا رابط للكتيبات الإلكترونية لجميع الأنواع لم يكن متاحًا من قبل أو لم أنتبه إلى وجوده قبل ذلك، فكانت معلوماتي حينها من صفحة الويب مباشرة.

المهم راجعت كتيب الفيوجن، وأول ما لا حظته هو زيادة فئة Liftback (مثل سيارات سكودا) كفئة خامسة، وهذا طبعًا فارق كبير حيث أنه يعد تغيير في التصميم، وإن كان الشكل الخارجي متقارب، ولكنه يعطي ميزة عملية من حيث إمكانية إدخال أمتعة أكبر حجمًا من الخلف.

بقية الفروقات التي وجدتها، وضحتها بالأعلى باللون الأحمر مع التعليقات للتمييز. وبالنسبة للإنسيجنيا أظن المعلومات الواردة في مشاركتي السابقة كلها صحيحة لأنها مطابقة لما في الكتيب مضافًا عليها بعض ملاحظات الملاك. أما ما هو غير مكتوب (كمقياس الحرارة مثلًا) فأوافقك الرأي أنه من البديهي أن يكون موجودًا.

وعودًا على سؤال صاحب الموضوع، فأرى أن الفئة الأولى في الأوبل تظل أفضل إجمالًا من مثيلتها في الفورد؛ أضف إلى ذلك أن الأوبل مجربة بالفعل.

وتقبل تحياتي.

اقتباس:

---

المشاركة الأصلية كتبت بواسطة medo_200x

والله نفس الحيره اللي انا فيها المقارنه صعبه جدا ... انا عامل موضوع من امبارح في منتدى فورد

---

فعلًا.

ولكن البداية ينبغي أن تكون من السؤال الأهم... ما هي احتاجاتك؟ وهذا يساعد كثيرًا على الخروج من الحيرة.

كما أن النهاية ينبغي أن تكون بالاستخارة لكي تطمئن النفس وترضى.

أولا أريد أن أشكر ا/أحمد محمد و د/خالد أسامة على كل المعلومات القيمة التى ذكروها فهى معلومات قيمة و صحيحة جدا..فعلا العربييتين هايللين و بهما إمكانيات رهيبة و لكن الحيرة ما زالت موجوده..أنا ح اقول اللى مخوفنى من العربييتين و حاولوا تساعدوني. .
بالنسبه للأوبل انسجينيا : انا متابع العربية دى من سنة تقريبا و كانت ساعتها لسة نازلة و كنت ناوي اشتريها فعلا و الحمد للة انى ما عملتش كده لان الدفعة بتاعت 2014 كان فيها مشاكل كتير و قريت تقارير هنا على المنتدى صعبة جدا.. انا عارف ان هما غيروا الموتور فى 2015 و مافيش مشاكل حتى الآن. .بس الواحد خايف و يضمن منين انة ما يظهرش مشاكل جديدة..بجانب انة كان معايا زمان اوبل فيكترا 1993 طلعت عينى سخونة و عفشة و تكييف و ما صدقت خلصت منها ...بجانب توكيل منصور!!!...الميزة فيها أنها بدأت تنتشر و سعر اعاده البيع ممكن يبقى كويس
بالنسبة للفورد فيوجن ..العربية تحفة و تقفيل محترم جدا...بس مش منتشرة خالص انا ح اتجنن انا ساكن فى مصر الجديدة ما شفتش و لا عربية منها فى الشوارع لغاية دلوقتى بالرغم من أنهم مغييرين فيتس العربية من الباور شفت اللى كان فى الفورد فوكس و بهدل سمعة فورد فى مصر..و التوكيل عبد اللطيف جميل لسة مش باين ناوي على أيه..انا حجزتها بألف جنية بس خايف أن التوكيل ما يبعش منها عربيات كتير و بالتالى ما يهتمش بقطع غيرها بعد كدة و يدوخنى. .فية كمان حاجة مخوفنى منها العربية طويلة و عريضة و واطية شوية و دى طبعا مع شوارعنا الجميلة الواسعه مشكلة كبيرة!!!..انا فعلا محتار خصوصا انى رحت شفت فى الفئة دى البيجو 508 و ركبتها و الاوكتافيا a7 و الباسات و مرتحتش ليهم..الفورد و الانسجينيا عجبونى اكتر..انا اسف الإطالة بس انا فعلا محتار لو حد عندة اقتراحات أخرى فى نفس الفئة دى يساعدنى خصوصا انى ما عنديش إمكانية أجيب بى أم أو مرسيدس لأن فرق السعر كبير و شكرا

الاختيار صعب أكيد
رتب أولويات حضرتك وشوف انهى عربية انت مرتاح لها أكتر وروح لها.
ال508 عربية كويسة طبعا.
الباسات الشكل الجديد على نزول خلاص والفئة الموجودة حاليا فاضية تماما.
الاوكتافيا برة الحسبة، مكانها مش وسط دول خالص.

لو تسمحلى بالمشاركه فى إبداء الرأى وسط الاساتذه المحترمين اللى شايفهم بمنتهى الامانه والحياديه كتبوا كل اللى ممكن يتكتب او يتقال....

مش حضيف كتير عليهم باستثناء بعض النقط البسيطه اللى قد تكون فارقه بالنسبالك ☺☺

1) اولا احييك على اختيارك للعربيتين دول فى الفئه دى واضيفلك عليهم 508 وفولفو s60 دول ملوك الفئه دى بلا منازع
2) انا مالك لاوبل انسيجنيا توب لاين من مارس 2014 يعنى داخل على سنه ونص اهو
3) العبد لله أدمن لجروب لملاك الاوبل عموما والانسيجنيا تحديدا وعندى ما يقرب من 5000 عضو وأكثر نسبه ملاك للانسيجنيا عندى فى الجروب

النقط دى بس حبيت اوضحها لحضرتك فى الاول عشان متفتكرش انى بفتى او بقول كلام مش عن تجربه...

اولا الانسيجنيا 2015 عربيه تختلف كتير عن 2014 بسبب الموتور الجديد اللى قللوا نسبه انضغاطه وبالتالى قدر يتواكب مع بنزين بلدنا الهباب وماشى ب 92 زى الفل
لم تسجل حاله واحده حتى الان فيها اى شكوى من 2015...
*من ساعه مجبت عربيتى محطتلهاش نقطه 95 حتى وماشاء الله ربنا يباركلى فيها..غول على الطريق لا يكل ولا يمل...ومش انا بس نسبه كبيره جدا من الملاك زيي..

مش حنكر واقول مكنش فيه مشاكل...لاء كان فيه بس نسبه محدوده وتم حلها بشكل محترم جدا من التوكيل اللى بيثبت كل يوم انه بيحاول يكسب ثقه عملائه ويرضيهم....قارن بين رد فعل منصور تجاه المشكله دى ورد فعل مرسيدس او عز العرب..حتحس قد ايه منصور محترم

الأوبل انتشرت بشكل مرعب مؤخرا ويكفينى اقولك انزل الساحل واتفرج على مملكه الاوبل هناك عامله ازاى...وده ان دل على شيء فيدل على نجاح العربيه ومدى رضاء العملاء عن الوكيل...

يكفينى اقولك ان عندنا فى الجروب اكبر مهنظسى التوكيل وجنرال موتورز بيحلوا اى مشكله قد تطرأ وانت قاعد فى بيتك ...دى حقيقه مش هزار...

بدون اى تحيز...الانسيجنيا صفقه رابحه بكل المقاييس ويا سلام لو قدرت تزود شويه وتجيب الهاى لاين...حتحس بقيمه فلوسك اللى دفعتها فى العربيه دى...

لو احتجت تسأل عن اى حاجه او تعرف رأى ملاكها...تقدر تشرفنى فى جروب عصابة الاوبلاويه واسمع واحكم بنفسك...

والف مبروك مقدما ☺

اشكرك Mr. revenger على اهتمامك و على ردك بحيادية تامة..بس حابب اعرف منك انت شخصيا اية المشاكل اللى قبلتك مع العربية و ايه اللى سمعتة من الملاك الآخرين من مشاكل...أخبار عفشة العربية و السحب و هل لو جبت الفئة اللى ب 250 الف ح أبقى راضى عنها و لا لا لانى بصراحة مش ح اقدر أزود عن المبلغ ده و أخيرا لو تقدر تبعتلى رابط جروب عصابة الاوبلاويه أبقى شاكر فضلك

انا ارجح لك حاليا الانسيجنيا
موجوده فى السوق من ٢٠١٣ ومعروف كل مواضيعها
و حسب تأكيد الملاك مو ٢٠١٥ بلا مشاكل حتى اليوم

الفيوجن لسه جديده تماما على السوق المصرى
مبيعاتها مازالت ضعيفه و بالتالى لا يمكن الحكم عليها سواء بالسلب او الايجاب

تحياتى ...

شكرًا على يا أستاذ Stilnox على ثنائك، والشكر موصول للدكتور خالد على تعقيباته، وطالما أستاذ مهند دخل على الخط، فلا نستطيع أن نتكلم عن الإنسيجنيا في وجوده بصفته زعيم عصابة الأوبلاوية.

وطبعًا ما ذكره الأستاذ مهند كله صحيح، وأهم ما فيه هو هذه الجملة، والتي تعد خلاصة الموضوع وفصل الكلام في موضوع الإنسيجنيا (والتي تعتبر حاليًا بلا مشاكل!):

"الانسيجنيا 2015 عربيه تختلف كتير عن 2014 بسبب الموتور الجديد اللى قللوا نسبه انضغاطه وبالتالى قدر يتواكب مع بنزين بلدنا الهباب وماشى ب 92 زى الفل
لم تسجل حاله واحده حتى الان فيها اى شكوى من 2015..."

ولو أستاذ هاني نجيب متواجد الآن (وهو أدمن بيجو 508 على الفيسبوك) لكان أعطاك أيضًا خلاصة موضوع البيجو 508 في سطرين (والتي تعتبر هي الأخرى بلا مشاكل!)

حصرًا للموضوع؛ البدائل التي أراها في السوق كله كالآتي (بدون ترتيب):

• بيجو 508 - مشاكلها تنحصر في أن التصميم الداخلي لم يراعي بعض الأشياء البسيطة كأماكن التخزين وكيفية الوصول إلى بعض أجهزة التحكم بسهولة، هذا كل ما في الأمر؛
• أوبل إنسيجنيا - (2015 وما بعد ذلك) استهلاك الوقود مرتفع قليلًا. الأستاذ مهند عنده الخبر اليقين؛
• فولفو S60 - السعر الابتدائي وأسعار قطع الغيار غالية؛
• فولكس فاجن CC - ينبغي التدقيق جيدًا في موضوع فتيس DSG، وخذ الكلام من مالك لسيارة حديثة، لأني أعلم أنهم يطورون ناقل الحركة هذا باستمرار؛
• فورد فيوجن - لم تجرب في السوق بعد حتى نحكم عليها بسالب أو موجب؛
• فولكس فاجن باسات - النسخة الأرخص والأقل في التجهيزات (والأوسع!) من CC، ونفس ما قيل عن CC يقال عن باسات من ناحية ناقل الحركة؛ وأخيرًا...
• سيتروين DS5 - بالرغم من أنها أصغر حجمًا، ومختلفة شكلًا لكني أميل إلى وضعها على القائمة نظرًا لإمكانياتها الهائلة. يعيبها عدم توفر قطع الغيار في التوكيل بصفة مستمرة؛

وملحوظة عامة: إعادة البيع سيء للجميع مع تفاوت نسبي ليس إلا، لأننا لا نتكلم هنا عن كوري أو ياباني. فلا تضع هذا الأمر في الحسبان كثيرًا.

أما بالنسبة لمنهجية الاختيار، فأرجو قراءة هذه المداخلة، فلربما تكون فيها فائدة...

http://www.nilemotors.net/Nile/47026...post3875979454

كما أنصحك أيضًا بالنظر في الفئات الأعلى لأن المميزات بين الفئات وبعضها قد تستحق فرق المبلغ، وعندك الأستاذ مهند؛ فقد بدأ بالكلام عن الفئة الأولى ثم تدرج به الحال حتى اشترى الفئة الثالثة وذلك للفرق الهائل بينهما في الإمكانيات. بالإضافة إلى ذلك، دفعات 2016 قد أوشكت على غزو الأسواق، وقد نشهد تحديثات مفيدة هنا أو هناك.

وربنا ييسر لك.

اشكرك ا/أحمد على اهتمامك و نصائحك المفيدة...أنا ح اقولكم على الخلاصة اللى وصلتها. .انا استبعدت الستروين ds5 و الفولفو s60 لأن اسعارهم حوالى 300 الف وانا ميزانيتى مش ح تنفع تعدى 250 الف..و استبعدت الباسات منعا للمشاكل..يبقى التلاتة الكبار بيجو 508 اوبل انسيجنيا و فورد فيوجن ..انا ح اقول احسن حاجة فى كل عربية من وجهة نظرى الشخصية..
احسن عربية فى التلاتة من حيث:
1- المظهر الخارجى و الحجم و الإنسيابية المناسبة لشوارعنا هى:
الانسجينا(الجنوب ال 18 كمان مديها شكل رهيب )
(الفورد شكلها حلو و مخيف بس عريضة جدا و طويلة و واطية شوية على الأرض
البيجو شكلها حلو بس لما بتقدم شوية بحس انها شبة البيجو ال405 القديمة و الجنوط ال 16 اللى فى أول فئة اللى اقدر أجيبها مش حلوة اوى )

احسن عربية فى التلاتة من حيث:
2- المظهر الداخلى(الصالون و التقفيل و الخامات )هى:
الفورد فيوجن(خامات محترمة و تقفيل و شياكة )
البيجو أقل شويه فى التابلو و الخامات
الاوبل حلوة بس انا ارتحت فى الفيوجن اكتر
احسن عربية فى التلاتة من حيث:
3- الميكانيكا (موتور و فيتس متجرب بدون مشاكل ) هى:
البيجو(من 2012 مشاكل قليلة جدا )
الفيوجن لسة مجهولة
الاوبل...مش عارف 2015 يقال بدون مشاكل
الاوبشنز:
التلاتة تقريبا زى بعض خصوصا فى الفئة الأولى اللى بفكر فيها فروق بسيطة بينهم(على فكره انا حاجز الفيوجن trend2 ودى فيها blue tooth و cruise control)
السعر:
التلاتة زي بعض 250 الف
التوكيل و الصيانة:
التلاتة زفت!!!
الانتشار و سعر إعادة البيع:
الانسجينيا تكسب يمكن شوية عن الباقى..

ايه ده انا احترت اكتر!!!..
مافيش حل غير أني اخد البودى الخارجى بتاع الاوبل مع الصالون الداخلى بتاع الفيوجن مع الموتور و الفيتس بتاع البيجو و اعمل أجمل عربية في مصر ..:U_thin1[1]:

للتوضيح فقط بالنسبة للفئات والأسعار، وتحقق من معلوماتي وصححها إن كانت خطأ:

فورد فيوجن:

• أول فئة Trend بـ 245000 جنيه
• ثاني فئة Trend Plus بـ 265000 جنيه
• ثالث فئة Titanium بـ 292000 جنيه
• رابع فئة Titanium Plus بـ 335000 جنيه
• خامس فئة Liftback Titanium (لا أعلم سعرها)

أوبل إنسيجنيا:

• أول فئة Elegance بـ 249000 جنيه
• ثاني فئة Highline بـ 275000 جنيه
• ثالث فئة Topline بـ 295000 جنيه

بيجو 508:

• أول فئة Access بـ 244000 جنيه
• ثاني فئة Active Plus بـ 274000 جنيه
• ثالث فئة Allure Plus بـ 305000 جنيه

اختيارك للفئة الثانية Trend Plus من فورد فيوجن يجعلك قريبًا جدًا من الفئة الثانية في كل من أوبل إنسيجنيا Highline و بيجو 508 Active Plus. ويصبح الفرق في السعر هو 10000 و 9000 جنيه بالترتيب.

راجع إمكانيات هذه الفئة في كل من السيارات الثلاثة وقارن بينها. لأني أظن أن إمكانيات أوبل وبيجو حينها سوف تكون أعلى بفارق ملحوظ، والله أعلم.

وبالتوفيق إن شاء الله.

اقتباس:

---

المشاركة الأصلية كتبت بواسطة stilnox

اشكرك Mr. revenger على اهتمامك و على ردك بحيادية تامة..بس حابب اعرف منك انت شخصيا اية المشاكل اللى قبلتك مع العربية و ايه اللى سمعتة من الملاك الآخرين من مشاكل...أخبار عفشة العربية و السحب و هل لو جبت الفئة اللى ب 250 الف ح أبقى راضى عنها و لا لا لانى بصراحة مش ح اقدر أزود عن المبلغ ده و أخيرا لو تقدر تبعتلى رابط جروب عصابة الاوبلاويه أبقى شاكر فضلك

---

عشان اريح سيادتك واطمنك تماما،،،،،
كنت عملت موضوع من فتره عن اهم المشاكل اللى ظهرتلى خلال استخدامى للأوبل انسيجنيا على مدار سنه ونص وهل المشاكل دى جوهريه ولا لاء،،وهل تم حلها ولا لاء

انصح معاليك تاخد فكره عنه وتقراه مع العلم ان المشاكل دى كانت فى ٢٠١٤،،،،،،طبعاً ٢٠١٥ الوضع اختلف تماما وتم حل جميع تلك المشاكل دى

http://www.nilemotors.net/Nile/466743-a.html
ده لينك الموضوع

وبالنسبه لرابط جروب العصابه فمش حقدر اكتبه احتراما لقوانين المنتدى هنا بس تقدر حضرتك تعمل search على Opel Owners Gang وبالعربى عصابة الأوبلاويه.

اقتباس:

---

المشاركة الأصلية كتبت بواسطة أحمد محمد

شكرًا على يا أستاذ Stilnox على ثنائك، والشكر موصول للدكتور خالد على تعقيباته، وطالما أستاذ مهند دخل على الخط، فلا نستطيع أن نتكلم عن الإنسيجنيا في وجوده بصفته زعيم عصابة الأوبلاوية.

وطبعًا ما ذكره الأستاذ مهند كله صحيح، وأهم ما فيه هو هذه الجملة، والتي تعد خلاصة الموضوع وفصل الكلام في موضوع الإنسيجنيا (والتي تعتبر حاليًا بلا مشاكل!):

"الانسيجنيا 2015 عربيه تختلف كتير عن 2014 بسبب الموتور الجديد اللى قللوا نسبه انضغاطه وبالتالى قدر يتواكب مع بنزين بلدنا الهباب وماشى ب 92 زى الفل
لم تسجل حاله واحده حتى الان فيها اى شكوى من 2015..."

ولو أستاذ هاني نجيب متواجد الآن (وهو أدمن بيجو 508 على الفيسبوك) لكان أعطاك أيضًا خلاصة موضوع البيجو 508 في سطرين (والتي تعتبر هي الأخرى بلا مشاكل!)

حصرًا للموضوع؛ البدائل التي أراها في السوق كله كالآتي (بدون ترتيب):

• بيجو 508 - مشاكلها تنحصر في أن التصميم الداخلي لم يراعي بعض الأشياء البسيطة كأماكن التخزين وكيفية الوصول إلى بعض أجهزة التحكم بسهولة، هذا كل ما في الأمر؛
• أوبل إنسيجنيا - (2015 وما بعد ذلك) استهلاك الوقود مرتفع قليلًا. الأستاذ مهند عنده الخبر اليقين؛
• فولفو S60 - السعر الابتدائي وأسعار قطع الغيار غالية؛
• فولكس فاجن CC - ينبغي التدقيق جيدًا في موضوع فتيس DSG، وخذ الكلام من مالك لسيارة حديثة، لأني أعلم أنهم يطورون ناقل الحركة هذا باستمرار؛
• فورد فيوجن - لم تجرب في السوق بعد حتى نحكم عليها بسالب أو موجب؛
• فولكس فاجن باسات - النسخة الأرخص والأقل في التجهيزات (والأوسع!) من CC، ونفس ما قيل عن CC يقال عن باسات من ناحية ناقل الحركة؛ وأخيرًا...
• سيتروين DS5 - بالرغم من أنها أصغر حجمًا، ومختلفة شكلًا لكني أميل إلى وضعها على القائمة نظرًا لإمكانياتها الهائلة. يعيبها عدم توفر قطع الغيار في التوكيل بصفة مستمرة؛

وملحوظة عامة: إعادة البيع سيء للجميع مع تفاوت نسبي ليس إلا، لأننا لا نتكلم هنا عن كوري أو ياباني. فلا تضع هذا الأمر في الحسبان كثيرًا.

أما بالنسبة لمنهجية الاختيار، فأرجو قراءة هذه المداخلة، فلربما تكون فيها فائدة...

http://www.nilemotors.net/Nile/47026...post3875979454

كما أنصحك أيضًا بالنظر في الفئات الأعلى لأن المميزات بين الفئات وبعضها قد تستحق فرق المبلغ، وعندك الأستاذ مهند؛ فقد بدأ بالكلام عن الفئة الأولى ثم تدرج به الحال حتى اشترى الفئة الثالثة وذلك للفرق الهائل بينهما في الإمكانيات. بالإضافة إلى ذلك، دفعات 2016 قد أوشكت على غزو الأسواق، وقد نشهد تحديثات مفيدة هنا أو هناك.

وربنا ييسر لك.

---

يا فندم انا جنب معلومات حضرتك وشرحك الوافى المحترم ولا حاجه،،،حضرتك موسوعه اتشرف تماما انى اتعرف عليها،،،،،،،ازاى العصابه عندى متشرفتش لحد دلوقتى ان معاليك مش فيها ؟!

حقيقى انا معجب جدا بطريقه عرضك للمعلومات ومنتهى الأمانه والحياديه اللى عرضت بيها ردك أحييك تماما عليها،،،،،،وأؤكد تماما على ملحوظة ان استهلاك الغول الألمانى الإنسيجنيا للبنزين عاليه نوعاً ما ،،كانت معايا فى الأول ١٤/ ١٠٠ كم ولكن على طرق المفتوحه ومع تثبيت السرعه الوضع ظبط شويه وبقى ١١.٦ / ١٠٠ كم ومعرفش بصراحه باقى المنافسين الاستهلاك عندهم عامل ازاى

وعاوز أفاجئك واقولك ان بدايه اختيارى لعربيتى الجديده كانت استرا انجوى !!!! واتفقت وعربنت عليها كمان،،،بس الطمع وحش ووصل بيا الحال للإنسيجنيا التوب لاين اللى مندمتش اطلاقا على قرار اقتنائى ليها

أما بالنسبه للإنسيجنيا ال faclift فدى حيتم الكشف عنها لسه نهايه ٢٠١٦ او اوائل ٢٠١٧ ،،،،بس فعلا الإنسيجنيا حققت انتشار غريب انا نفسى متوقعتهوش مؤخرا،،يكفى اقولك انى كنت جايب العربيه رقم ٤ فى مدينه االاسماعيليه الصغيره،،،،،وصلوا دلوقتى اكتر من ٤٠ عربيه !!
وعموما ربنا يوفق صاحب الموضوع للى فيه الخير وتشرفت بالحديث مع سيادتك

اقتباس:

---

المشاركة الأصلية كتبت بواسطة أحمد محمد

للتوضيح فقط بالنسبة للفئات والأسعار، وتحقق من معلوماتي وصححها إن كانت خطأ:

فورد فيوجن:

• أول فئة Trend بـ 245000 جنيه
• ثاني فئة Trend Plus بـ 265000 جنيه
• ثالث فئة Titanium بـ 292000 جنيه
• رابع فئة Titanium Plus بـ 335000 جنيه
• خامس فئة Liftback Titanium (لا أعلم سعرها)

أوبل إنسيجنيا:

• أول فئة Elegance بـ 249000 جنيه
• ثاني فئة Highline بـ 275000 جنيه
• ثالث فئة Topline بـ 295000 جنيه

بيجو 508:

• أول فئة Access بـ 244000 جنيه
• ثاني فئة Active Plus بـ 274000 جنيه
• ثالث فئة Allure Plus بـ 305000 جنيه

اختيارك للفئة الثانية Trend Plus من فورد فيوجن يجعلك قريبًا جدًا من الفئة الثانية في كل من أوبل إنسيجنيا Highline و بيجو 508 Active Plus. ويصبح الفرق في السعر هو 10000 و 9000 جنيه بالترتيب.

راجع إمكانيات هذه الفئة في كل من السيارات الثلاثة وقارن بينها. لأني أظن أن إمكانيات أوبل وبيجو حينها سوف تكون أعلى بفارق ملحوظ، والله أعلم.

وبالتوفيق إن شاء الله.

---

أستاذ أحمد معلوماتك صحيحة تماما مع توضيح بسيط أن الفورد فيوجن فيها فئة كمان اسمها trend 2..ب250 الف تزيد عن trend ب مثبت السرعه و البلوتوث و فرق 5000 جنية بينهم و تقل عن الtitanum ب فتحة السقف و زرار إدارة المحرك و الباركينج سنسورز و الفرق 25000 الف بينهم أما كل المعلومات الباقية تمام

اقتباس:

---

المشاركة الأصلية كتبت بواسطة mr_revenger

يا فندم انا جنب معلومات حضرتك وشرحك الوافى المحترم ولا حاجه،،،حضرتك موسوعه اتشرف تماما انى اتعرف عليها،،،،،،،ازاى العصابه عندى متشرفتش لحد دلوقتى ان معاليك مش فيها ؟!

حقيقى انا معجب جدا بطريقه عرضك للمعلومات ومنتهى الأمانه والحياديه اللى عرضت بيها ردك أحييك تماما عليها،،،،،،وأؤكد تماما على ملحوظة ان استهلاك الغول الألمانى الإنسيجنيا للبنزين عاليه نوعاً ما ،،كانت معايا فى الأول ١٤/ ١٠٠ كم ولكن على طرق المفتوحه ومع تثبيت السرعه الوضع ظبط شويه وبقى ١١.٦ / ١٠٠ كم ومعرفش بصراحه باقى المنافسين الاستهلاك عندهم عامل ازاى

وعاوز أفاجئك واقولك ان بدايه اختيارى لعربيتى الجديده كانت استرا انجوى !!!! واتفقت وعربنت عليها كمان،،،بس الطمع وحش ووصل بيا الحال للإنسيجنيا التوب لاين اللى مندمتش اطلاقا على قرار اقتنائى ليها

أما بالنسبه للإنسيجنيا ال faclift فدى حيتم الكشف عنها لسه نهايه ٢٠١٦ او اوائل ٢٠١٧ ،،،،بس فعلا الإنسيجنيا حققت انتشار غريب انا نفسى متوقعتهوش مؤخرا،،يكفى اقولك انى كنت جايب العربيه رقم ٤ فى مدينه االاسماعيليه الصغيره،،،،،وصلوا دلوقتى اكتر من ٤٠ عربيه !!
وعموما ربنا يوفق صاحب الموضوع للى فيه الخير وتشرفت بالحديث مع سيادتك

---

أنا من يشكر حضرتك لتفاعلك المفيد في موضوعات الأوبل وكذلك نشاطك المتميز على جروب الأوبلاوية. أول ما دخلت المنتدى منذ فترة كنت أبحث عن أنسب سيارة مناسبة حال النزول نهائيًا، وساعتها وقعت على مواضيعك وتابعتك جيدًا من يوم ما كنت ناوي على الأوبل أسترا ثم فوجئت بالإنسيجنيا وتدرج بك الحال حتى وصلت للتوب لاين فيها (ربنا يأجرك خيرها ويكفيك شرها)، ولكن كان أهم موضوعاتك هو الإنترفيو مع الحسناء إنسيجنيا. بصراحة حضرتك موهبة في الكتابة، ولا يسهل على أحد أن يعرض موضوع ما بهذه الطريقة الحوارية الجميلة إلا أصحاب المواهب أمثالك، بارك الله فيك وجزاك الله خيرًا على الفوائد التي احتواها تقريرك والتي كانت أحد أهم مصادري في كتابة موضوعي الأول.

أنا بالفعل سجلت في المجموعة، ولكن لقلة خبرتي بالفيس بوك وجد أن متابعة المنتدى أسهل كثيرًا من متابعة الجروب لأن المواضيع هناك تأتي وتختفي سريعًا مع كتابة غيرها، فاعذرني على التقصير. وعمومًا إن كان لي نصيب وأصبحت فعليًا من الأوبلاوية فلابد إن شاء الله من الحرص على المتابعة.

وأؤيدك في ملحوظة الانتشار، فقبل أن أكتب موضوع المقارنة، كنت في إجازة في مصر حوالي شهر 5 الماضي وكنت أعد سيارات الأوبل إنسيجنيا التي أراها في الشارع، وكذلك بيجو 508 وسيتروين ds5 كعينات عشوائية للوقوف على مدى انتشار كل منها، وكانت ملحوظة جديرة بالانتباه أن أجد الأوبل أمامي تقريبا في كل مشوار أخرج فيه جنبًا إلى جنب مع البيجو 508. وهذا ما يؤكد تمامًا ما تفضلت به.

اقتباس:

---

المشاركة الأصلية كتبت بواسطة stilnox

أستاذ أحمد معلوماتك صحيحة تماما مع توضيح بسيط أن الفورد فيوجن فيها فئة كمان اسمها trend 2..ب250 الف تزيد عن trend ب مثبت السرعه و البلوتوث و فرق 5000 جنية بينهم و تقل عن الtitanum ب فتحة السقف و زرار إدارة المحرك و الباركينج سنسورز و الفرق 25000 الف بينهم أما كل المعلومات الباقية تمام

---

أشكرك جزيلًا على هذا التنبيه، وأتمنى لك التوفيق في الاختيار بإذن الله. ولا تنس الاستخارة.