رقم العضوية : 154231
تاريخ التسجيل : 06Jan2014
المشاركات : 167
النوع : ذكر
الاقامة : المنصورة
السيارة: لا يوجد
السيارة[2]: BYD L3 2015
الحالة :
عيد سعيد عليكوا
ده تقرير عن ال 3 اوتو لونها فيراني لاستخدام العربيه 19 يوم
اولا انا جايبها ب 105 من معرض الغد من المنصورة بصراحه هناك ا/احمد البدري محترم وبعتوا معايا حد من المعرض يوم الترخيص والراجل تعب بصراحه وكنا كمان في صيام وطبعا ماتنزلتش عن هديه من المعرض ادوني مصحف ودواسات بصراحه نضيفه وبعدين استلمت وعلقت نمر
بصوا انا اولا دي اول عربيه في حياتي وخبرتي في العربيات ضعيفه بس اللي لاحظته ان واحد صاحبي ركب معايا مره وقالي ان فيها صوت تسقيف بس مش عارف هوا سمعوا ازاي مع العلم ان هوا معاه ال 3 اوتو بس تاكسي بس ملاحظاتي علي العربيه
جرايه بصورة رهيبه واسعه ماشاء الله يعني لو جريت وسبتها من غير ماتدوس بنزين تفضل لفتره كبيره تجري يعني لازم تاخد بالك
العربيه واسعه ماشاء الله وكمان شنطتها
صت الكاسيت واسعه ماشاء الله واضح
الراديو ساعات اشارته بتلغوش
المرايات واسعه ماشاء الله واضحه بس امبارح وانا بقفل الباب المرايه اليمين الزجاج بتعها لقيتوا فك ووقع علي الارض والحمد لله متكسرش ولقيت المرايه بتتركب تاني كبس معرفش ده طبيعي عشان مرايات كهربه ولا ايه
مش لاقي دالايات ليها بصراحه ودورت محدش عنده خالص
في كمان صوت تكه كده وانتا بتنقل من ال p لل r وفي ناس قالولي عادي عشان الفتيس جديد
وكمان تكه لما بلف الدركسيون علي الاخر بردوا معرفش ده طبيعي ولا لا
وكمان مره كان معايا المفتاحين ماسكهم في ايدي وجيت افتحها بالريموت مفتحتش ولا قفلت وكمان مكنتش غليزه تدور ولما دارت جيت ابطلها مردتش تبطل ودقايق كده واتظبطت معرفش ده ايه بالظبط
التكييف بصراحه علي قد خبرتي مش زاي تكييف الفيرنا التلاجه مع اني مش بشغله الا دقايق فا لسه مش عارف
انا فاولت 92 ب 130 جنيه لسه معرفش معدل الاستهلاك نظامه ايه لسه
لو في اي اسئله انا معاكوا نشوفها مع بعض بس والله العربيه مش زاس ماالناس شايفاها صيني وبس ربنا يباركلي فيها ويكفيني شرها
وشكرا للجروب الجميل ده
بس معلش انا عايز اي اكتيفيتي بالجروب ولوجو خاص بينا وحركات كده عايز نشاط اكتر عايزين نشجع بعض
وكل واحد يقول ايه الفكره اللي تساعده وتساعد الناس معاه
رقم العضوية : 176008
تاريخ التسجيل : 29May2015
المشاركات : 12
النوع : ذكر
الاقامة : القاهره
السيارة: شيفروليه لانوس
السيارة[2]: فيات 128
الحالة :
شكرا لحضرتك علي المشاركة انا زيك بالضبط ده هتكون اول عربية ليا و العربية عجباني اوي ممكن اسئل حضرتك في شوية حاجات
- السعر 105 عند كل المعارض و لا في معارض عندها اسعر اقل
-الفيتس ايه اخباره
-ارتفاع العربية كويس علشان المطبات
-التقفيل بتاع العربية كويس ؟
اخيرا ايه اللي خلي حضرتك تفضلها علي عربيات تاني في نفس السعر زي النيو لوجان و اسف علي الاطالة
المفضلات