سؤال لملاك البيرسونا..ماهي عيوب السيارة من وجهه نظرك..؟؟

**ahmed** · 21-07-2015 02:18 AM

مقبل ان شاء الله ع شراء سياره وبفكر ف البيرسونا فبسال الملاك اللي معاهم العربيه عيوبها ايه من وجهة نظرك بمنتهي الحياديه بعد اذنكم وشكرا..؟؟

**Ashrafdj** · 21-07-2015 05:14 PM

Fhgg

**ahmed** · 21-07-2015 09:13 PM

محدش بيرد ليه

**mfarouk85** · 24-07-2015 08:16 PM

المشاركة الأصلية كتبت بواسطة ahmed

محدش بيرد ليه

أنا شفت سؤالك من يومين, بس ماردتش عشان أنا خبرتي قليلة بالعربيات عموما وال بيرسونا أول عربية جبتها
عموما أنا هقولك العيوب من وجهة نظري , أنا معايا بيرسونا 2014
1- التقفيل ممكن يكون فيه مشاكل بسيطة وارد برده إنك تسمع الصوت تزييق بس بيتظبط في الصيانة
2- خامات التابلوه مش أحسن حاجة
3- مشوار الفرامل طويل عن العادي في الكوري مثلا, بس واحدة واحدة بتاخد عليها
4- استهلاك البنزين عالي نسبيا, يقارن مثلا بنيسان صني الشكل القديم , تقريبا بتعمل 400 كيلو في التفويلة

ده من اللي شفته و اراء ناس معاهم ال بيرسونا و جين 2

ربنا يوفقك

**ahmedmohamed7** · 24-07-2015 08:56 PM

Use the search bar please ,,,, you will find more than you need
regards

**ahmed** · 26-07-2015 05:26 AM

شكرا لاهتمامك وردك..انا كل العيوب دى من وجهة نظري بسيطه ...انا اللي يهمني ان قطع غيارها تكون متوافره بره الوكيل ..وانها ماتبقاش كثيره الاعطال..يعني بمعني الكوري مثلا لو صونته باستمرار مش حيعمل حركه نقص معاك وانت ماشي ع الطريق مثلا الا بقي لو قضاء وقدر ده شيء تاني ....فا انا بدور علي الحاجتين دول في اي عربيه ..ممكن تقولي طاب ماتجيب كوري حقول لحضرتك ان معايا افيو 2007 كوري مريحاني ولله الحمد بس مانيوال وعايز اجدد والكورى الكويس معدي ال 130 مرتاح سواء سيراتو او النترا فقلت اقرا ع البروتون عربيه محترمه صاجها حلو وثباتها كويس بس اعرف بقي عيوبها ايه ..وشكرا لحضرتك مره تانيه

**a7med_she7ata** · 26-07-2015 12:18 PM

المشاركة الأصلية كتبت بواسطة ahmed

مقبل ان شاء الله ع شراء سياره وبفكر ف البيرسونا فبسال الملاك اللي معاهم العربيه عيوبها ايه من وجهة نظرك بمنتهي الحياديه بعد اذنكم وشكرا..؟؟

انا معايا بيرسونا 2010 بقالها خمس سنين معايا وعامل بيها 87000 كم

الصراحة عربية حلوة جدا واحسن من عربيات كوري كتير وقطع غيرها دلوقتي متوفرة سواء في التوكيل او برة

------------
العيوب من وجهة نظري

تانك البنزين صغير
الصالون مش كبير للدرجة بس احسن من الاكسنت والافيو والياريس و و و
استهلاك البنزين مش عالي قوي بس انت بتحس انك بتفول على فترات متقاربة لان التانك صغير مش اكتر
عربيتي مفهاش usb بس اعتقد انها موجودة في الموديلات الحديثة
اماكن التخزين في العربية قليلة

-----------------------------

انا كان معاايا اكسنت 2010 ومن وجهة نظري البيرسونا احسن بكتير
واحسن من عربيات كتير

----------------------------
العربية دي في فئتها اديها 90 %

**khaled edrise** · 26-07-2015 04:33 PM

طب قطع الغيار الغير استهلاكيه زي المانوفيلد ألأكسدامات ألأبواب حادثه لاقدر الله و عايز تغير جوز ابواب و شنطه عايز تغير راديتير الكلام ده موجود في التوكيل

**ahmed** · 27-07-2015 06:20 AM

شكرا علي الرد يا فندم ربنا يباركلك فيها وياترى اي ميكانيكي بيفهم في الكورى ممكن يشتغل فيها كصيانات تيل وسيور وطرمبه مايه وكده

**zohdy** · 27-07-2015 02:33 PM

شوف الباب يبدا من ٣٢٥ جنية ويوصل لحد ٥٠٠ جنية ده من صفحة البرتقالي لقطع الغيار
الاكصدام مش عارف سعره كام
الشنطة الاستراد تبدا ١٥٠٠ وتوصل لحد ٣٠٠٠ جنية والجديدة تبدا ٢٠٠٠ وتوصل ٢٨٠٠ جنية ده انا كنت بدور عليه بعد حادثة لعربيتي
العربية في المكانيكا بسيطة اي حد بيفهم في الكوري والياباني يصلحها من كلام الاعضاء المنتدى
شوف من خلال السنة اللي عشتها مع العربية هي فعلا حمالة قسية ولا اذن اذا انت بتهتم بيها انها ممكن تعطل معاك ابدا لا في وقت السفر ولا حتي في وسط المدينة