مطبخ امريكاني ولا عادي ؟ و التكلفة كام ؟

**mohamedFTW** · 21-07-2015 01:02 PM

اية رايكم لو شاب لسة بيشطب في الشقة .. يعمل مطبخ امريكاني ولا عادي .. مين الافضل ؟ و التكلفة هتكون في حدود كام بالنسبة للمطبخ الامريكاني ؟

**Abo_Mazen** · 21-07-2015 02:24 PM

والله دي ترجعلك إنت وشريكة حياتك ..أنا عن نفسي شايف إن المطبخ الأمريكاني بيقتحم خصوصية الست ..وخصوصا لما تكون واقفه بتعمل أكل وفيه ضيوف مثلا ممكن تكون على راحتها شويه في المطبخ ..

واحد تاني يقولك لأ ..أنا شايف إنه حاجه كده ستايل وجميل وبيوفر مساحه ..لإنك ممكن بمنتهى البساطه تستأصل جزء من الهول وتعمل فيه المطبخ ده

دي مش هتلاقي في رأي ثابت ..هتلاقي أراء كتير بترجع لثقافة كل واحد وبيئته ..

ومش معنى كده إن اللي شايف الأميريكان أحسن من بيئة أحسن أو العكس ..أنا أقصد إن دي ثقافة خاصة بكل واحد ما يعيبش حد إن يقتنع بيها أو لا يقتنع

**4fun14** · 22-07-2015 03:07 PM

انا مش هعمل امريكانى وهعمل شباك مناولة فقط
الامريكانى مش مناسب لطبيعه اكلنا اللى مليان زيت وسمن وبخار مشبع بالدهون+ينتقص من خصوصيات الست+بيحرمك من حيطه ممكن تستغلها وهتهدها+بتذطر تشطب المطيخ على اعلى مستوى عشان هيباه جزء من الصالة

**Abo_Mazen** · 22-07-2015 03:29 PM

المشاركة الأصلية كتبت بواسطة 4fun14

انا مش هعمل امريكانى وهعمل شباك مناولة فقط
الامريكانى مش مناسب لطبيعه اكلنا اللى مليان زيت وسمن وبخار مشبع بالدهون+ينتقص من خصوصيات الست+بيحرمك من حيطه ممكن تستغلها وهتهدها+بتذطر تشطب المطيخ على اعلى مستوى عشان هيباه جزء من الصالة

أهو ده رأي معتبر برضه ..

وده ما يمنعش إنك تلاقي آراء تانيه مخالفة للرأي ده