السلام عليكم
يريت لو حد تعب من المرارة او شلها يقلى اية الاعراض بالظبط
اصلى لسة كاشف والدكتور شاكك انها المرارة وانا تعبان بقالى 3 سنين من معدتى بيقلى عادى ممكن تفضل تعبان منها فترة كبيرة
السلام عليكم
يريت لو حد تعب من المرارة او شلها يقلى اية الاعراض بالظبط
اصلى لسة كاشف والدكتور شاكك انها المرارة وانا تعبان بقالى 3 سنين من معدتى بيقلى عادى ممكن تفضل تعبان منها فترة كبيرة
انا التعب الى عندى فوق السره كدا ميبقاش مرارة؟؟
اعمل موجات صوتية على البطن عشان تتاكد
تعب المر ارة لية اعراض كتير بس لما بتتقلص وغالبا الفجر او منتصف الليل بتبقي زي اعراض الذبحة عرق غزير وعدم قدرة علي التنفس بشكل طبيعي والم حاد في الصدر والعلاج الوحيد الفولتارين والبسكوبان حقن في العضل وربنا ما يوري حد التقلص دة ويشفي كل مريض باذن الله ....سيدي مصر كلها تقريبا عنها حصوات المرارة بس ما بنكتشفهاش غير لما حد بيشتكي نتيجة سوء التغذية وكلنا تقريبا بناكل كميات جبن والبان ودهون وكنافة بالقشطة وبسبوسة وجلاش وحلويات شرقية وحلويات ذبائح اشي فشة وكرشة ولحم سمين ورهاريط دهن ولية ضاني ....يعني اكل يودي في داهية من الاخر
المهم حضرتك لازم تعمل موجات صوتية وتشوف الحصوة او الحصوات حجمهم اد اية والدكتور يقرر المرارة ملتهبة او لا والحصوات ممكن تسد القناة المرارية لو اقل من 4-5 مم ودي خطيرة غير كدة والحصوات اكبر ومافيش التهاب ممكن تتعايش معاها بس تخلي بالك من اكلك وتكتر من الورقيات زي الخس والبقدونس والكرفس والكسبرة والجرجير في كل وجبة وتخلي باللك متكترش من اللية والدهون والسكريات (الحلويات الشرقية بالسكر المعقود او الشربات) والف سلامة عليك يااخي
راى شخصى
الحق نفسك انت لسة فيك شوية شباب واعمل العملية من دلوقت
لان كلما بتكتبر بيكون فى صعوبة سواء فى التخدير او العملية نفسها
وبعرف ستات كتير اهملوها فى شبابهم ولما كبروا فى سن فكروا يعملوها وكانت النتيجة ....تعب وتحاليل وكمية ادوية وتجهيز للعملية غير عادية لان السن كبر
نصيحة هتعرف قيمتها بعدين
عملتها منظار من ثلا ث سنوات
ربنا مايوري حد الم المراره قطعه من العذاب وترجيع
كان عندي ثلاث حصوات
القشطه والسمك المقلي هم السبب في اكتشافها
عمليه المنظار بسيطه جدا وبدون خياطه
اشكرك علي مشاركتك اهتمامك بس الاعراض دي كانت من 20 سنة ووقتها عملت تحاليل دهون ثلاثية ورسم قلب عادي وبالمجهود والحمد لله سليم ومافيش انسداد في اي شريان وكان العرض الاساسي للمرارة ولما خفت بفضل من الله وتنظيم للاكل انتهت الاعراض والحمد لله علي نعمة وزي ماقلتلك 20 سنة مروا ولم تتكرر الاعراض تاني بفضل من الله ونعمة :praying: